ನವದೆಹಲಿ: ಯುನೈಟೆಡ್ ಕಿಂಗ್ಡಮ್ನಲ್ಲಿ ಬಹಳ ವರ್ಷಗಳ ಬಳಿಕ ಮತ್ತೆ ವಿಶೇಷವಾದ ಸಂಭ್ರಮ ಮನೆ ಮಾಡಿದೆ. ಕಿಂಗ್ ಚಾರ್ಲ್ಸ್ ಹಾಗೂ ಕ್ವೀನ್ ಕ್ಯಾಮಿಲಾ ಪಟ್ಟಾಭಿಷೇಕ ಈ ಸಂಭ್ರಮಕ್ಕೆ ಕಾರಣವಾಗಿದೆ.
ಕಿಂಗ್ ಚಾರ್ಲ್ಸ್ ಹಾಗೂ ಕ್ವೀನ್ ಕ್ಯಾಮಿಲಾ ಇಬ್ಬರಿಗೂ ಕಿರೀಟಧಾರಣೆ ಮಾಡುವ ಮೂಲಕ ಈ ಪಟ್ಟಾಭಿಷೇಕ ನೆರವೇರಿದೆ. ಕಿರೀಟಧಾರಣೆ ನಡೆಯುತ್ತಿದ್ದಂತೆ ‘ಗಾಡ್ ಸೇವ್ ದ ಕಿಂಗ್’ ಎಂಬ ಉದ್ಘೋಷ ವೆಸ್ಟ್ಮಿನಿಸ್ಟರ್ ಅಬೆಯ ಒಳಹೊರಗೂ ಮೇಳೈಸಿತು.
ಇದನ್ನೂ ಓದಿ: ಷೇರು ಮಾರುಕಟ್ಟೆಯಲ್ಲಿ 30 ಲಕ್ಷ ರೂ. ಕಳೆದುಕೊಂಡು ನಿಮ್ಹಾನ್ಸ್ಗೆ ಹೋದ ಉದ್ಯಮಿ!
ಯುಕೆಯಲ್ಲಿನ ಹಲವೆಡೆ ಗುಂಡು ಹಾರಿಸಿ, ಅಬೆಯ ಘಂಟಾಘೋಷಗಳೊಂದಿಗೆ ಸಹಸ್ರಾರು ಜನರ ಪಾಲ್ಗೊಳ್ಳುವಿಕೆಯಲ್ಲಿ ಈ ಸಂಭ್ರಮ ನೆರವೇರಿತು. ಪಟ್ಟಾಭಿಷೇಕ ನೆರವೇರುತ್ತಿದ್ದಂತೆ ಕಿರೀಟಧಾರಣೆಗೆ ಒಳಗಾದ ಕಿಂಗ್ ಚಾರ್ಲ್ಸ್ ಮತ್ತು ಕ್ವೀನ್ ಕ್ಯಾಮಿಲಾ ಗೋಲ್ಡ್ ಸ್ಟೇಟ್ ಕೋಚ್ನಲ್ಲಿನ ಬಕಿಂಗ್ಹ್ಯಾಂ ಪ್ಯಾಲೇಸ್ನತ್ತ ಮೆರವಣಿಗೆಯಲ್ಲಿ ಸಾಗಿದರು. ಸುಮಾರು 2,300 ಜನರ ಸಮ್ಮುಖದಲ್ಲಿ ನಡೆದ ಈ ಸಮಾರಂಭದಲ್ಲಿ ಹಲವಾರು ಗಣ್ಯರು ಪಾಲ್ಗೊಂಡಿದ್ದರು.