ಕಿಯೋಂಜಾರ್: ರಸ್ತೆಯ ಮೇಲೆ ಜಾರಿದ ಟ್ರಕ್ ಒಂದು ಸೇತುವೆ ಮೇಲಿಂದ ಉರುಳಿ ಕೆಳಗೆ ಚಲಿಸುತ್ತಿದ್ದ ಬಸ್ ಮೇಲೆ ಬಿದ್ದರೂ ಯಾವುದೇ ಪ್ರಯಾಣಿಕರಿಗೆ ತೊಂದರೆಯಾಗದೆ ಪ್ರಾಣಾಪಾಯದಿಂದ ಪಾರಾಗಿರುವ ಘಟನೆ ಒಡಿಶಾದ ಕಿಯೋಂಜರ್ ಜಿಲ್ಲೆಯ ಸಲಪದದಲ್ಲಿ ಶನಿವಾರ ನಡೆದಿದೆ.
ಬಸ್ನಲ್ಲಿ ಸುಮಾರು 50 ಮಂದಿ ಪ್ರಯಾಣಿಕರು ಇದ್ದರು. ಬಸ್ ಚಾಲಕನ ಸಮಯ ಪ್ರಜ್ಞೆಯಿಂದಾಗಿ ಭಾರಿ ಅವಘಡದಿಂದ ಪ್ರಯಾಣಿಕರು ಪಾರಾಗಿದ್ದಾರೆ. ಘಟನೆಯ ಸಂಪೂರ್ಣ ಚಿತ್ರಣ ಸಮೀಪದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ.
ಇದನ್ನೂ ಓದಿರಿ: ಬರೀ ಮಾಸ್ಕ್ ಹಾಕದ್ದಕ್ಕೆ ವಿಧಿಸಿದ ದಂಡದ ಮೊತ್ತವೇ 30 ಕೋಟಿ ರೂಪಾಯಿ!
ವಿಡಿಯೋದಲ್ಲಿ ಏನಿದೆ?: ಸೇತುವೆ ಅಡಿಯಿಂದ ಬರುವ ಬಸ್ ಎಡಕ್ಕೆ ತಿರುವು ಪಡೆದುಕೊಂಡು ತುಸು ದೂರ ಸಾಗಿದ ತಕ್ಷಣವೇ ಸೇತುವೆ ಮೇಲಿಂದ ಕಬ್ಬಿಣ ತುಂಬಿದ ಟ್ರಕ್ ಉರುಳಿ ಬಸ್ ಮುಂಭಾಗದ ತುದಿಗೆ ಅಪ್ಪಳಿಸುತ್ತದೆ. ಅದನ್ನು ನೋಡಿದ ಜನರು ಏನಾಯಿತು ಎಂಬ ಗಾಬರಿಯಿಂದ ಓಡಿ ಹೋಗುತ್ತಾರೆ.
ಸೇತುವೆ ಮೇಲಿಂದ ಬಸ್ ಮೇಲೆ ಬಿದ್ದ ಕಬ್ಬಿಣ ತುಂಬಿದ ಟ್ರಕ್
ಕಿಯೋಂಜಾರ್: ರಸ್ತೆಯ ಮೇಲೆ ಜಾರಿದ ಟ್ರಕ್ ಒಂದು ಸೇತುವೆ ಮೇಲಿಂದ ಉರುಳಿ ಕೆಳಗೆ ಚಲಿಸುತ್ತಿದ್ದ ಬಸ್ ಮೇಲೆ ಬಿದ್ದರೂ ಯಾವುದೇ ಪ್ರಯಾಣಿಕರಿಗೆ ತೊಂದರೆಯಾಗದೆ ಪ್ರಾಣಾಪಾಯದಿಂದ ಪಾರಾಗಿರುವ ಘಟನೆ ಒಡಿಶಾದ ಕಿಯೋಂಜರ್ ಜಿಲ್ಲೆಯ ಸಲಪದದಲ್ಲಿ ಶನಿವಾರ ನಡೆದಿದೆ. pic.twitter.com/PHJsb8Olyb— Vijayavani (@VVani4U) February 20, 2021
ಇನ್ನು ಚಾಲಕ ತನ್ನ ಸಮಯ ಪ್ರಜ್ಞೆಯಿಂದಾಗಿ ಟ್ರಕ್ ಬೀಳುವುದನ್ನು ಗಮನಿಸಿ ಮೊದಲೇ ಬ್ರೇಕ್ ಹಾಕಿ ಬಸ್ ನಿಲ್ಲಿಸಿದ್ದರಿಂದ ಭಾರಿ ಅನಾಹುತ ತಪ್ಪಿದಂತಾಗಿದೆ. ಭುವನೇಶ್ವರದ ಮೂಲದ ಬಸ್ ಪ್ರಯಾಣಿಕರನ್ನು ಮಯೂರ್ಬಂಜ್ ಜಿಲ್ಲೆಯ ಕಾರಂಜಿಯಾದಿಂದ ಕರೆದೊಯ್ಯುತ್ತಿತ್ತು.
ಟ್ರಕ್ ಬಸ್ ಮೇಲೆ ಬಿದ್ದಿದ್ದರಿಂದ ಮುಂಭಾಗ ಸಂಪೂರ್ಣ ನುಜ್ಜುಗುಜ್ಜಾಗಿದೆ. ಬಸ್ ನಿರ್ವಾಹಕ, ಟ್ರಕ್ ಚಾಲಕ ಮತ್ತು ಕೆಲವೇ ಕೆಲವು ಪ್ರಯಾಣಿಕರಿಗೆ ಗಾಯಗಳಾಗಿದ್ದು, ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. (ಏಜೆನ್ಸೀಸ್)
ಇದನ್ನೂ ಓದಿರಿ: ಜಲಾಶಯದ ದಡದಲ್ಲಿ ವಿಚಿತ್ರ ಜೀವಿ ನೋಡಿ ಬೆಚ್ಚಿಬಿದ್ದ ಜನ: ಇದರ ಬಗ್ಗೆ ತಿಳಿದ್ರೆ ಅಚ್ಚರಿಯಾಗುತ್ತೆ!