ಬೆಂಗಳೂರು: ಕನ್ನಡ ಚಿತ್ರರಂಗದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ನಟ ಎಂದರೆ ಅದು ವಸಿಷ್ಠ ಸಿಂಹ. ‘ಟಗರು’ ಚಿತ್ರದಲ್ಲಿನ ‘ಚಿಟ್ಟೆ’ ಪಾತ್ರದ ಮೂಲಕ ಸಖತ್ ಫೇಮಸ್ ಆಗಿರುವ ವಸಿಷ್ಠ ಸಿಂಹಗೆ ಇದೀಗ ಅಪಾರ ಸಂಖ್ಯೆಯ ಅಭಿಮಾನಿಗಳಿದ್ದಾರೆ.
ಇದನ್ನೂ ಓದಿ: ‘ಕೆಜಿಎಫ್ 2’ ಟೀಸರ್ ನೋಡಲು ವಿಶೇಷ ಪ್ರದರ್ಶನ
ಈ ಪೈಕಿ ದೇವನಹಳ್ಳಿ ತಾಲ್ಲೂಕಿನ ವಿಜಯಪುರ ಟೌನ್ನ ವಸಿಷ್ಠ ಸಿಂಹ ಅವರ ಅಭಿಮಾನಿಗಳು, ತಮ್ಮ ನೆಚ್ಚಿನ ನಟನ ಹೆಸರಿನಲ್ಲಿ 2021ರ ಕ್ಯಾಲೆಂಡರ್ ಹೊರತಂದಿದ್ದಾರೆ. ಪುಟಕ್ಕೊಂದರಂತೆ, 12 ಪುಟಗಳಲ್ಲಿ ವಸಿಷ್ಠ ಸಿಂಹ ಅವರ ಹಲವು ವಿಭಿನ್ನ ಫೋಟೋಗಳಿವೆ.
ಈ ಕ್ಯಾಲೆಂಡರ್ನ್ನು ಸ್ವತಃ ವಸಿಷ್ಠ ಸಿಂಹ ಇತ್ತೀಚೆಗೆ ಬಿಡುಗಡೆ ಮಾಡಿದ್ದಾರೆ. ಏರ್ಪೋರ್ಟ್ನಲ್ಲಿ ವಸಿಷ್ಠ ಸಿಂಹ ಬಾಯ್ಸ್ ಸಂಘದ ಸದಸ್ಯರನ್ನು ಭೇಟಿ ಮಾಡಿರುವ ಅವರು, ಅಲ್ಲೇ ಕ್ಯಾಲೆಂಡರ್ ಲೋಕಾರ್ಪಣೆ ಮಾಡಿದ್ದಾರೆ.
ಇದನ್ನೂ ಓದಿ: ಪ್ರಶಾಂತ್ ನೀಲ್- ಪ್ರಭಾಸ್ ‘ಸಲಾರ್’ ಸಿನಿಮಾಕ್ಕೆ ಬಾಲಿವುಡ್ನ ಈ ಖ್ಯಾತ ನಟ ವಿಲನ್!?
ಕನ್ನಡದ ಹಲವು ನಟರ ಕ್ಯಾಲೆಂಡರ್ ಇದುವರೆಗೂ ಬಿಡುಗಡೆಯಾಗಿದ್ದು, ಆ ಸಾಲಿಗೆ ಇದೀಗ ವಸಿಷ್ಠ ಸಹ ಸೇರ್ಪಡೆಯಾಗಿದ್ದಾರೆ. ಡಾ. ರಾಜಕುಮಾರ್, ಶಿವರಾಜಕುಮಾರ್, ವಿಷ್ಣುವರ್ಧನ್ ಅವರ ಹೆಸರಿನಲ್ಲಿ ಅವರ ಅಭಿಮಾನಿಗಳು ಪ್ರತೀ ವರ್ಷ ಒಂದೊಂದು ಕ್ಯಾಲೆಂಡರ್ ಹೊರತರುತ್ತಿದ್ದು, ಈ ಬಾರಿ ಸಹಡಾ. ರಾಜಕುಮಾರ್ ಮತ್ತು ವಿಷ್ಣುವರ್ಧನ್ ಅವರ ಕ್ಯಾಲೆಂಡರ್ಗಳನ್ನು ಹೊರತರಲಾಗಿದೆ.