ಲಖನೌ: ಮದುವೆ ಎನ್ನುವುದು ಒಂದು ಹಬ್ಬವಿದ್ದಂತೆ. ಅದಕ್ಕೆಂದು ಭರ್ಜರಿ ಸಿದ್ಧತೆ ಮಾಡಿಕೊಳ್ಳಲಾಗುತ್ತದೆ. ಆ ದಿನಕ್ಕಾಗಿ ವಧು ವರರಿಬ್ಬರೂ ಕಾಯುತ್ತಿರುತ್ತಾರೆ. ಆದರೆ ಇಲ್ಲೊಬ್ಬ ವಧು ಮಾತ್ರ ಮದುವೆ ಮಂಟಪದಿಂದಲೇ ಎದ್ದು ಹೋಗಿದ್ದಾಳೆ. ಹಾಗೆ ಧಿಡೀರನೆ ಎದ್ದು ಹೋದ ವಧು ವಾಪಾಸು ಬರುವಷ್ಟರಲ್ಲಿ ಪತಿ ಸೇರಿ ಪೂರ್ತಿ ಕುಟುಂಬ ಆಕೆಯತ್ತ ಹೆಮ್ಮೆಯ ನೋಟ ಬೀರಿದೆ.
ಇದನ್ನೂ ಓದಿ: ಅನಿಲ್ ಕಪೂರ್, ವರುಣ್ ಧವನ್ಗೆ ಕರೊನಾ; ‘ಜುಗ್ ಜುಗ್ ಜೀಯೊ’ ಚಿತ್ರೀಕರಣ ಸ್ಥಗಿತ
ಉತ್ತರ ಪ್ರದೇಶದ ಗೊಂಡಾ ಜಿಲ್ಲೆಯ ಪ್ರಜ್ಞಾ ತಿವಾರಿಗೆ ಡಿಸೆಂಬರ್ 2ರಂದು ಮದುವೆ ನಿಶ್ಚಯವಾಗಿತ್ತು. ಅದರಂತೆ ಮದುವೆಯೂ ಆಯಿತು. ಆದರೆ ಮದುವೆಯಾದ ಕೆಲವೇ ಗಂಟೆಯಲ್ಲಿ ವಧು ಮಂಟಪದಿಂದ ಕಾಣೆಯಾಗಿದ್ದಾಳೆ.
ಇದನ್ನೂ ಓದಿ: ಹೈದರಾಬಾದ್ ಪಾಲಿಕೆ ರಿಸಲ್ಟ್: ಮಾಜಿ ಮೇಯರ್ಗೆ ವಿಜಯದ ಮಾಲೆ- ಬಿಜೆಪಿಗೆ ಮುನ್ನಡೆ
ಪ್ರಜ್ಞಾ ಶಿಕ್ಷಕಿಯಾಗುವ ಆಸೆ ಹೊತ್ತಿದ್ದು, ಅದಕ್ಕೆಂದು ಅರ್ಜಿ ಸಲ್ಲಿಸಿದ್ದಳು. ಆ ಕೆಲಸದ ಕೌನ್ಸೆಲಿಂಗ್ನ್ನು ಆಕೆಯ ಮದುವೆಯ ದಿನದಂದೇ ಮಾಡಲಾಗಿತ್ತು. ಆ ಹಿನ್ನೆಲೆಯಲ್ಲಿ ಮಂಟಪದಿಂದ ಎದ್ದು ಹೋದ ಪ್ರಜ್ಞಾ ಕೌನ್ಸೆಲಿಂಗ್ನಲ್ಲಿ ಹಾಜರಾಗಿದ್ದಾರೆ. ಶಿಕ್ಷಕಿಯಾಗುವ ಅವರ ಕನಸು ನೆರವೇರಿದ್ದು, ಹತ್ತಿರದ ಊರಿನಲ್ಲೇ ಪೋಸ್ಟಿಂಗ್ ಮಾಡಿಕೊಡಲಾಗಿದೆ. ಕೆಲಸಕ್ಕಾಗಿ ಮದುವೆ ಮಂಟಪದಿಂದಲೇ ಎದ್ದು ಬಂದ ವಧುವಿಗೆ ಜಿಲ್ಲೆಯ ಶಿಕ್ಷಣಾಧಿಕಾರಿಗಳು ಅಭಿನಂದಿಸಿದ್ದಾರೆ. ಇದೀಗ ಪ್ರಜ್ಞಾಳ ಪೂರ್ತಿ ಕುಟುಂಬ ಪ್ರಜ್ಞಾ ಬಗ್ಗೆ ಹೆಮ್ಮೆ ಪಡುತ್ತಿದೆ. (ಏಜೆನ್ಸೀಸ್)
ರಕ್ತದ ಮಡುವಿನಲ್ಲಿ ಬಿದ್ದು ಅಂಗಲಾಚುತ್ತಿದ್ದ ಹುಚ್ಚೆ ಮಂಜನ ಪ್ರಾಣ ಜನರ ಕಣ್ಣೆದುರೇ ಹೋಯ್ತು…
3 ಕೋಟಿ ಖರ್ಚು ಮಾಡಿಸಿ ಮದ್ವೆಯಾದವ ಮೊದಲ ರಾತ್ರಿಯೇ ಫುಲ್ ಟೈಟ್! ಮುಂದೆ ಆಗಿದ್ದೆಲ್ಲವೂ…