ಮುಂಬೈ: ಸ್ಮಾಲ್ ಕ್ಯಾಪ್ ಫಂಡ್ಗಳು ಕೆಲವು ಸಮಯದಿಂದ ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಅತ್ಯಂತ ರೋಮಾಂಚಕತೆ ಸೃಷ್ಟಿಸಿವೆ. ಸ್ಮಾಲ್ ಕ್ಯಾಪ್ಗಳೆಂದರೆ, ಸಣ್ಣ ಕಂಪನಿಗಳ ಷೇರುಗಳು. ಇತ್ತೀಚಿನ ವರ್ಷಗಳಲ್ಲಿ ಈ ಸಣ್ಣ ಕಂಪನಿಗಳ ಷೇರು ದೊಡ್ಡ ಪ್ರಮಾಣದ ಲಾಭವನ್ನು ಹೂಡಿಕೆದಾರರಿಗೆ ತಂದುಕೊಟ್ಟಿವೆ. ಹೀಗಾಗಿ, ಸ್ಮಾಲ್ ಕ್ಯಾಪ್ ಮ್ಯುಚೂವಲ್ ಫಂಡ್ಗಳು ಉಳಿದ ವಿಭಾಗಗಳ ಫಂಡ್ಗಳಿಗಿಂತ ಹೆಚ್ಚಿನ ಲಾಭ ನೀಡಿವೆ.
ಈಗ ಸ್ಮಾಲ್ ಕ್ಯಾಪ್ ಮ್ಯುಚೂವಲ್ ಫಂಡ್ಗಳ ಎನ್ಎಫ್ಒಗಳು ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ.
ಎನ್ಎಫ್ಒ ಎಂದರೆ ನ್ಯೂ ಫಂಡ್ ಆಫರ್. ಮ್ಯೂಚುಯಲ್ ಫಂಡ್ಗಳ ಲೋಕದಲ್ಲಿ ಸಾಮಾನ್ಯವಾಗಿ ಬಳಸುವ ಪದ ಇದಾಗಿದೆ. ಯಾವುದಾದರೂ ಮ್ಯೂಚುಯಲ್ ಫಂಡ್ ಕಂಪನಿಯು ಹೊಸ ಫಂಡ್ ಆರಂಭಿಸಿದರೆ ಅದನ್ನು ಎನ್ಎಫ್ಒ ಎನ್ನುತ್ತಾರೆ. ಹೂಡಿಕೆದಾರರು ಪ್ರತಿ ಘಟಕಕ್ಕೆ (ಒಂದು ಯೂನಿಟ್ಗೆ) 10 ರೂಪಾಯಿ ಬೆಲೆ ನೀಡಿ ತಮ್ಮ ಹೂಡಿಕೆ ಸಾಮರ್ಥ್ಯಕ್ಕೆ ತಕ್ಕಷ್ಟು ಯೂನಿಟ್ಗಳನ್ನು ಖರೀದಿಸಬಹುದು.
ಹೂಡಿಕೆದಾರರ ಪರವಾಗಿ ಈ ಮ್ಯೂಚುಯಲ್ ಫಂಡ್ ಕಂಪನಿಗಳು ಷೇರು ಮಾರುಕಟ್ಟೆಯಲ್ಲಿ ಹಣ ತೊಡಗಿಸುತ್ತವೆ. ಅವು ಲಾಭ ಮಾಡುತ್ತಾ ಸಾಗಿದರೆ 10 ರೂಪಾಯಿ ಯೂನಿಟ್ನ ಬೆಲೆ ಹೆಚ್ಚಾಗುತ್ತದೆ ಹೋಗುತ್ತದೆ. ಒಂದು ವೇಳೆ ನಷ್ಟವಾಗುತ್ತ ಹೋದರೆ, 10 ರೂಪಾಯಿ ಯೂನಿಟ್ ಬೆಲೆ ಅದಕ್ಕೆ ಅನುಗುಣವಾಗಿ ಕಡಿಮೆ ಆಗುತ್ತದೆ. ಈ ರೀತಿ ಹೆಚ್ಚು-ಕಡಿಮೆಯಾಗುವ ಒಂದು ಯೂನಿಟ್ ಬೆಲೆಯನ್ನು ಎನ್ಎವಿ (ನೆಟ್ ಅಸೆಟ್ ವ್ಯಾಲ್ಯು) ಎನ್ನುತ್ತಾರೆ. ಒಂದು ಮ್ಯುಚೂವಲ್ ಫಂಡ್ ಆರಂಭವಾದ ನಂತರದ ದಿನಗಳಲ್ಲಿ ಹಣ ತೊಡಗಿಸಬೇಕಾದರೆ ಎನ್ಎವಿ ಬೆಲೆ ಆಧಾರದಲ್ಲಿ ಖರೀದಿಸಬೇಕಾಗುತ್ತದೆ.
ಭಾರತೀಯ ಮಾರುಕಟ್ಟೆಯಲ್ಲಿ 26 ಸ್ಮಾಲ್‌ಕ್ಯಾಪ್ ಫಂಡ್ ಯೋಜನೆಗಳಲ್ಲಿ ನವೆಂಬರ್ 30ರವರೆಗೆ 2.2 ಲಕ್ಷ ಕೋಟಿ ರೂಪಾಯಿ ಹೂಡಿಕೆ ಮಾಡಲಾಗಿರುವುದು ಗಮನಾರ್ಹ ಸಂಗತಿಯಾಗಿದೆ.
ಸ್ಮಾಲ್ ಕ್ಯಾಪ್ ಫಂಡ್ಗಳಲ್ಲಿ ಹೂಡಿಕೆಯಾಗುವ ಹಣದ ಪೈಕಿ ಕನಿಷ್ಠ 65 ಪ್ರತಿಶತವನ್ನು ಸ್ಮಾಲ್ ಕ್ಯಾಪ್ ಷೇರುಗಳಲ್ಲಿ ತೊಡಗಿಸಲಾಗುತ್ತದೆ,
ಕಳೆದ ಮೂರು ವರ್ಷಗಳಲ್ಲಿ ಸ್ಮಾಲ್ ಕ್ಯಾಪ್ ಮ್ಯೂಚುಯಲ್ ಫಂಡ್ಗಳು ಸರಾಸರಿಯಾಗಿ ಶೇಕಡಾ 33.1ರಷ್ಟು ವಾರ್ಷಿಕ ಲಾಭವನ್ನು ಹೂಡಿಕೆದಾರರಿಗೆ ನೀಡಿರುವುದು ಆಕರ್ಷಕ ಸಂಗತಿಯಾಗಿದೆ. ಇತರೆ ವರ್ಗಗಳ ಮ್ಯೂಚುಯಲ್ ಫಂಡ್ಗಳಿಗೆ ಹೋಲಿಸಿದರೆ ಈ ಲಾಭ ಪ್ರಮಾಣ ಅತ್ಯಧಿಕವಾಗಿದೆ.
ಈಗ ಮೋತಿಲಾಲ್ ಓಸ್ವಾಲ್ ಸ್ಮಾಲ್ ಕ್ಯಾಪ್ ಫಂಡ್ ಮತ್ತು ಡಿಎಸ್ಪಿ ನಿಫ್ಟಿ ಸ್ಮಾಲ್ ಕ್ಯಾಪ್ 250 ಕ್ವಾಲಿ ಟಿ50 ಇಂಡೆಕ್ಸ್ ಫಂಡ್, ಬಂಧನ್ ನಿಫ್ಟಿ ಸ್ಮಾಲ್‌ಕ್ಯಾಪ್ 250 ಇಂಡೆಕ್ಸ್ ಫಂಡ್ಗಳ ಎನ್ಎಫ್ಒಗಳು (ಹೊಸ ನಿಧಿ ಕೊಡುಗೆಗಳು) ಚಂದಾದಾರಿಕೆಗೆ ತೆರೆದಿವೆ. ಇವುಗಳಲ್ಲಿ ಸಾಕಷ್ಟು ಲೆಕ್ಕಾಚಾರ, ಜಾಣ್ಮೆಯಿಂದ ಹೂಡಿಕೆ ಮಾಡಿ ಲಾಭ ಮಾಡಿಕೊಳ್ಳಲು ಅವಕಾಶವಿದೆ.
ರೂ 2,800 ಕೋಟಿಯ ರಾಕೆಟ್ ಲಾಂಚರ್‌ ಖರೀದಿಗೆ ರಕ್ಷಣಾ ಸಚಿವಾಲಯ ಅನುಮತಿ; ಈ ಷೇರುಗಳಿಗೆ ಸಿಗಲಿದೆ ಲಾಭ…
ಇಂಡಿಯಾ ಮೈತ್ರಿಕೂಟದಿಂದ ಮಲ್ಲಿಕಾರ್ಜುನ ಖರ್ಗೆ ಪ್ರಧಾನಿ ಅಭ್ಯರ್ಥಿ: ಹೀಗಿದೆ ಮಮತಾ ಬ್ಯಾನರ್ಜಿ ಪ್ರಸ್ತಾಪ
ಬಿಟ್‌ಕಾಯಿನ್ ವಂಚನೆ ಯೋಜನೆಯಲ್ಲಿ ಮಹಿಳೆ ಬಂಧನ: ಈ ದಂಧೆಯಲ್ಲಿ ವಂಚಿಸಿದ ಮೊತ್ತ ಎಷ್ಟು ಸಾವಿರ ಕೋಟಿ ಗೊತ್ತೆ?