ಬೆಂಗಳೂರು: 90ರ ದಶಕದ ಸೂಪರ್ ಹಿಟ್ ಚಿತ್ರಗಳಲ್ಲಿ ಕುಮಾರ್ ಗೋವಿಂದ್ ಅಭಿನಯದ ಮತ್ತು ನಿರ್ಮಾಣದ ‘ಅನುರಾಗ ಸಂಗಮ’ ಚಿತ್ರವೂ ಒಂದು. 25 ವಾರಗಳ ಯಶಸ್ವಿ ಪ್ರದರ್ಶನ ಕಂಡಿದ್ದ ಈ ಚಿತ್ರವೀಗ 25 ವರ್ಷಗಳನ್ನು ಪೂರೈಸಿದೆ.
ಇದನ್ನೂ ಓದಿ: ರಾತ್ರಿ ಶೂಟಿಂಗ್ ಮುಗಿಸಿ ಹೋಟೆಲ್ಗೆ ಬಂದ ಖ್ಯಾತ ಕಿರುತೆರೆ ಕಲಾವಿದೆ ಬೆಳಗಾಗುವಷ್ಟರಲ್ಲಿ ಶವವಾಗಿ ಪತ್ತೆ..!
ಹೌದು, ಕುಮಾರ್ ಗೋವಿಂದ್, ರಮೇಶ್ ಅರವಿಂದ್, ಸುಧಾರಾಣಿ, ಬಿ.ಸರೋಜಾದೇವಿ ನಟಿಸಿದ್ದ ಈ ಚಿತ್ರವು, 1995ರ ಡಿಸೆಂಬರ್ 08ರಂದು ರಾಜ್ಯದ್ಯಂತ ಬಿಡುಗಡೆಯಾಗಿತ್ತು. ಆ ಚಿತ್ರ ಬಿಡುಗಡೆಯಾಗಿ ಇದೀಗ ಮಂಗಳವಾರಕ್ಕೆ 25 ವರ್ಷಗಳಾಗಿವೆ.
ಬಿಡುಗಡೆಯಾದ ಸಂದರ್ಭದಲ್ಲಿ ಸಿಲ್ವರ್ ಜ್ಯೂಬಿಲಿ ಬಾರಿಸಿದ್ದ ಈ ಚಿತ್ರ, ಇದೀಗ ಬಿಡುಗಡೆಯಾಗಿ ಸಿಲ್ವರ್ ಜ್ಯೂಬಿಲಿ ಬಾರಿಸಿದೆ. ಈ ಚಿತ್ರದ ರೀಮೇಕ್ ಹಕ್ಕುಗಳು ಆಗ ಬೇರೆ ಭಾಷೆಗಳಿಗೂ ಮಾರಾಟವಾಗಿದ್ದಷ್ಟೇ ಅಲ್ಲ, ತೆಲುಗು ಮತ್ತು ತಮಿಳಿಗೂ ರೀಮೇಕ್ ಆಗಿ ಯಶಸ್ವಿಯಾಗಿತ್ತು.
ಇನ್ನು ‘ಅನುರಾಗ ಸಂಗಮ’ ಎಂದರೆ ನೆನಪಿಗೆ ಬರುವುದು ಹಾಡುಗಳು. ವಿ. ಮನೋಹರ್ ಸಂಗೀತ ನಿರ್ದೇಶನದಲ್ಲಿ ಮೂಡಿಬಂದಿದ್ದ ‘ಓ ಮಲ್ಲಿಗೆ …’ ಮುಂತಾದ ಹಾಡುಗಳು ಇಂದಿಗೂ ಜನಪ್ರಿಯವಾಗಿದ್ದು, ಆ ಹಾಡಿನ ಗಾನಕ್ಕೆ ರಮೇಶ್ ಚಂದ್ರ ಅವರಿಗೆ ಅತ್ಯುತ್ತಮ ಗಾಯಕ ರಾಜ್ಯಪ್ರಶಸ್ತಿ ಸಿಕ್ಕಿತ್ತು.
ಇದನ್ನೂ ಓದಿ: PHOTOS| ಬಿಕಿನಿ ಬ್ಯೂಟಿ ಯಾರೆಂದು ಗುರುತಿಸುವಿರಾ? ಕನ್ನಡಗರಿಗೂ ಚಿರಪರಿಚಿತ ಈ ಮಾದಕ ನಟಿ!
‘ಅನುರಾಗ ಸಂಗಮ’ ಚಿತ್ರವನ್ನು ವಿ. ಉಮಾಕಾಂತ್ ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದರೆ, ಎಸ್.ಕೆ ಫಿಲಂಸ್ ಸಂಸ್ಥೆಯಡಿ ಡಿ.ಗೋವಿಂದಪ್ಪ ಈ ಚಿತ್ರ ನಿರ್ಮಾಣ ಮಾಡಿದ್ದರು.
ಮಹೇಶ್ ಬಾಬು ಮಗಳಿಗೆ ಆಲಿಯಾ ಏನ್ ಗಿಫ್ಟ್ ಕೊಟ್ಟರು ಹೇಳಿ?