ಸಿಯೋಲ್: ದಕ್ಷಿಣ ಕೊರಿಯಾದ ನೈರುತ್ಯ ಕರಾವಳಿಯ ಸಮುದ್ರ ದಲ್ಲಿ ಬುಧವಾರ ಎಫ್-16 ಯುದ್ಧ ವಿಮಾನ ಅಪಘಾತಕ್ಕೀಡಾಗಿದ್ದು, ನೀರಲ್ಲಿ ಮುಳುಗಿದೆ. ಪೈಲಟ್ ಸುರಕ್ಷಿತವಾಗಿ ಹೊರಬಂದಿದ್ದಾರೆ. ಬಂದರು ನಗರವಾದ ಸಿಯೋಸಾನ್ ಬಳಿ ಈ ದುರಂತ ಸಂಭವಿಸಿದೆ. ಎರಡು ತಿಂಗಳಳಲ್ಲಿ ಸಂಭವಿಸಿದ ಎರಡನೇ ವಿಮಾನ ದುರಂತ ಇದಾಗಿದೆ.
ಇದನ್ನೂ ಓದಿ: ಗಡಿ ವಿವಾದ ಸಭೆ ನಡೆಸಲು ಕರ್ನಾಟಕ – ಮಹಾರಾಷ್ಟ್ರ ವಿಫಲ: ಎರಡೂ ರಾಜ್ಯಗಳಿಗೆ ಕೇಂದ್ರ ನೋಟಿಸ್
ಪೈಲಟ್ ಪ್ರಾಣಾಪಾಯದಿಂದ ಪಾರಾಗಿದ್ದು, ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸಾಗಿಸಲಾಗಿದೆ ಎಂದು ಯುಎಸ್ 8ನೇ ಫೈಟರ್ ವಿಂಗ್ ಹೇಳಿಕೆಯಲ್ಲಿ ತಿಳಿಸಿದೆ. ವಿಮಾನವು ಇದ್ದಕ್ಕಿದ್ದಂತೆ ಪೈಲಟ್ ನಿಯಂತ್ರಣ ಕಳೆದುಕೊಂಡು ಸಮುದ್ರಕ್ಕೆ ಅಪ್ಪಳಿಸಿದೆ. ಪೈಲಟ್ ಕೂಡಲೇ ಹೊರಜಿಗಿದು ಪ್ರಾಣ ಉಳಿಸಿಕೊಂಡಿದ್ದಾನೆ.
ಅಮೆರಿಕಾವು ತನ್ನ ಮಿತ್ರ ರಾಷ್ಟ್ರದ ರಕ್ಷಣಾ ಪಡೆಗಳಿಗೆ ನೆರವಾಗಲು ತನ್ನ ಯುದ್ಧ ವಿಮಾನಗ’ಳನ್ನು ದಕ್ಷಿಣ ಕೊರಿಯಾಗೆ ಕಳೂಹಿಸಿದೆ. ಆದರೆ ಒಂದರ ಹಿಂದೆ ಒಂದರಂತೆ ಈ ಯುದ್ಧ ವಿಮಾನಗಳು ಪತನವಾಗುತ್ತಿರುವುದು ದೊಡ್ಡಣ್ಣ ಅಮೆರಿಕಾ ಚಿಂತಾಕ್ರಾಂತವಾಗಿದೆ. ಅಪಘಾತದ ಕಾರಣವನ್ನು ತನಿಖೆ ಮಾಡಲಾಗುತ್ತಿದೆ ಎಂದು ವಿಂಗ್‌ನ ಕಮಾಂಡರ್ ಕರ್ನಲ್ ಮ್ಯಾಥ್ಯೂ ಸಿ. ಗೇಟ್ಕೆ ಹೇಳಿದರು.
ನಾವು ವಿಮಾನದ ಹುಡುಕಾಟಕ್ಕೆ ಗಮನಹರಿಸಿದ್ದೇವೆ ಎಂದೂ ಅವರು ತಿಳಿಸಿದರು. ಎಫ್ -16 ಸ್ಕ್ವಾಡ್ರನ್‌ಗಳನ್ನು ಒಳಗೊಂಡಿರುವ 8 ನೇ ಫೈಟರ್ ವಿಂಗ್ ಈ ಹಿಂದೆ ಡಿಸೆಂಬರ್‌ನಲ್ಲಿ ಅಪಘಾತಕ್ಕೀಡಾಗಿತ್ತು. ತರಬೇತಿ ಹಾರಾಟದ ಸಮಯದಲ್ಲಿ ಪೈಲಟ್ ಸಮಸ್ಯೆ ಎದುರಿಸಿದ್ದು, ಬಂದರು ನಗರವಾದ ಗುನ್ಸಾನ್ ಬಳಿ ಸಮುದ್ರದಲ್ಲಿ ಪಥನವಾಗಿತ್ತು.