ಮುಂಬೈ: ಬಾಲಿವುಡ್ನ ಟಾಪ್ ನಟರಾದ ಶಾರೂಖ್ ಖಾನ್ ಮತ್ತು ಆಮೀರ್ ಖಾನ್ ಒಟ್ಟಿಗೆ ನಟಿಸಬೇಕೆಂಬುದು ಅವರ ಅಭಿಮಾನಿಗಳ ಮತ್ತು ಚಿತ್ರರಂಗದ ಆಸೆಯಾಗಿತ್ತು. ಆದರೆ, ಕಾರಣಾಂತರಗಳಿಂದ ಅವರಿಬ್ಬರೂ ಒಟ್ಟಿಗೆ ಚಿತ್ರದಲ್ಲಿ ನಟಿಸುವುದಕ್ಕೆ ಸಾಧ್ಯವಾಗಲೇ ಇಲ್ಲ.
ಇದೀಗ ಆಮೀರ್ ಖಾನ್ ಅಭಿನಯದ ‘ಲಾಲ್ ಸಿಂಗ್ ಛಡ್ಡಾ’ ಚಿತ್ರದಲ್ಲಿ ಶಾರೂಖ್ ಖಾನ್ ಅತಿಥಿ ಪಾತ್ರದಲ್ಲಿ ನಟಿಸಿರುವುದಷ್ಟೇ ಅಲ್ಲ, ಅವರ ಭಾಗದ ಚಿತ್ರೀಕರಣವನ್ನು ಖುದ್ದು ಆಮೀರ್ ಖಾನ್ ಮಾಡಿದ್ದಾರೆ ಎಂಬ ಸುದ್ದಿಯೊಂದು ಇದೀಗ ಕೇಳಿಬರುತ್ತಿದೆ.
ಇದನ್ನೂ ಓದಿ: ‘ಆರ್ಆರ್ಆರ್’ ಚಿತ್ರಕ್ಕಾಗಿ ಬೃಹತ್ ಫೈಟ್ ಚಿತ್ರೀಕರಣ
ಹೌದು, ಇತ್ತೀಚೆಗೆ ನವದೆಹಲಿಯಲ್ಲಿ ‘ಲಾಲ್ ಸಿಂಗ್ ಛಡ್ಡಾ’ ಚಿತ್ರದ ಚಿತ್ರೀಕರಣ ನಡೆದಿದೆ. ಈ ಭಾಗದ ಚಿತ್ರೀಕರಣದಲ್ಲಿ ಶಾರೂಖ್ ಖಾನ್ ಅಭಿನಯಿಸಿದ್ದಾರಂತೆ. ಈ ಚಿತ್ರವನ್ನು ಅದ್ವೈತ್ ಚಂದನ್ ನಿರ್ದೇಶನ ಮಾಡುತ್ತಿದ್ದರೂ, ಶಾರೂಖ್ ಖಾನ್ ಭಾಗದ ಚಿತ್ರೀಕರಣ ಸ್ವತಃ ಆಮೀರ್ ಮುಂದೆ ನಿಂತು ಡೈರೆಕ್ಟ್ ಮಾಡಿಕೊಟ್ಟಿದ್ದಾರಂತೆ. ಇದೆಲ್ಲಾ ಆಯ್ತು, ಚಿತ್ರೀಕರಣ ಮುಗಿದ ನಂತರ ಇಬ್ಬರೂ ಸ್ಟಾರ್ ನಟರು ಜತೆಯಾಗಿ ಸೇರಿ ಪಾರ್ಟಿ ಮಾಡಿದರಂತೆ.
ಇದನ್ನೂ ಓದಿ: ನನ್ನ ಫಾಲೋ ಮಾಡಿದ್ರೆ ಚೆನ್ನಾಗಿರಲ್ಲ … ದೀಪಿಕಾ ಬೆದರಿಕೆ ಹಾಕಿದ್ದು ಯಾರಿಗೆ?
ವಿಶೇಷವೆಂದರೆ, ಶಾರೂಖ್ ಖಾನ್ ಈ ಚಿತ್ರದಲ್ಲಿ ಬರೀ ಅತಿಥಿ ಪಾತ್ರದಲ್ಲಿ ನಟಿಸುತ್ತಿರುವುದಷ್ಟೇ ಅಲ್ಲ, ಅವರ ರೆಡ್ ಚಿಲ್ಲೀಸ್ ಸಂಸ್ಥೆಯೇ, ಈ ಚಿತ್ರದ ವಿಷ್ಯುಯಲ್ ಎಫೆಕ್ಟ್ಸ್ ಕೆಲಸಗಳನ್ನು ಮಾಡುತ್ತಿದೆ.
‘ಲಾಲ್ ಸಿಂಗ್ ಛಡ್ಡಾ’ ಚಿತ್ರವು ಹಾಲಿವುಡ್ನ ‘ಫಾರೆಸ್ಟ್ ಗಂಪ್’ ಚಿತ್ರದ ರೀಮೇಕ್ ಆಗಿದ್ದು, ಆಮೀರ್ ಖಾನ್ ಅಲ್ಲದೆ ಕರೀನಾ ಕಪೂರ್, ವಿಜಯ್ ಸೇತುಪತಿ ಮುಂತಾದವರು ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಚಿತ್ರದ ಚಿತ್ರೀಕರಣ ಇನ್ನಷ್ಟು ಬಾಕಿ ಉಳಿದಿದ್ದು, ಮುಂದಿನ ಕ್ರಿಸ್ಮಸ್ಗೆ ಅಂದರೆ 2021ರ ಕ್ರಿಸ್ಮಸ್ಗೆ ಚಿತ್ರ ಜಗತ್ತಿನಾದ್ಯಂತ ಬಿಡುಗಡೆಯಾಗಲಿದೆ.