ನವದೆಹಲಿ: ಟೀಂ ಇಂಡಿಯಾದ ಕ್ಯಾಪ್ಟನ್, ಮುಂಬೈ ಇಂಡಿಯನ್ಸ್ ತಂಡದ ಮಾಜಿ ನಾಯಕ ರೋಹಿತ್ ಶರ್ಮಾ ಇತ್ತೀಚೆಗೆ ಅಂದ್ರೆ ಏಪ್ರಿಲ್ 1ರಂದು ರಾಜಸ್ಥಾನ ರಾಯಲ್ಸ್ ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ ಪಂದ್ಯಕ್ಕೂ ಮುನ್ನ ಸ್ಟೇಡಿಯಂಗೆ ತಂಡದ ಬಸ್ನಲ್ಲಿ ಬಾರದ ರೋಹಿತ್, ತಮ್ಮ ಐಷಾರಾಮಿ ರೇಂಜ್ ರೋವರ್ ಕಾರಿನಲ್ಲಿ ಆಗಮಿಸಿದರು. ಕಾರಿನಲ್ಲಿ ಬಂದಿದ್ದೇ ತಡ ಅಭಿಮಾನಿಗಳು ಫೋಟೋ ಕ್ಲಿಕ್ಕಿಸಿಕೊಂಡರು. ಈ ಫೋಟೋಗಳು ಕೆಲವೇ ಕ್ಷಣಗಳಲ್ಲಿ ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಹರಿದಾಡಿತು.
ಇದನ್ನೂ ಓದಿ: VIDEO; ಕೆಎಲ್ ರಾಹುಲ್ ಪತ್ನಿ ಅಥಿಯಾ ಶೆಟ್ಟಿ ಪ್ರೆಗ್ನೆಂಟ್!..ಸುಳಿವು ಕೊಟ್ಟ ಸುನೀಲ್ ಶೆಟ್ಟಿ!
ರೋಹಿತ್ ಶರ್ಮಾರ ಕಾರಿಗಿಂತ ಕಾರಿನ ನಂಬರ್ ಮೇಲೆ ಎಲ್ಲರ ಗಮನಸೆಳೆದಿದ್ದು, ಈ ಅಂಕಿ ಹಿಂದೆ ಏನಾದರೂ ವಿಶೇಷತೆ ಇದೆಯೇ? ಅಥವಾ ಯಾವುದಾದರೂ ಕುತೂಹಲಕಾರಿ ಸಂಗತಿ ಅಡಗಿದೆಯೇ? ಎಂಬ ಹಲವಾರು ಪ್ರಶ್ನೆಗಳು ನೆಟ್ಟಿಗರನ್ನು ಕಾಡಿತ್ತು. ಇಂದಿಗೂ ಸಹ ಅಭಿಮಾನಿಗಳ ಗಮನ ಸೆಳೆದ ಅತ್ಯಂತ ಆಸಕ್ತಿದಾಯಕ ವಿಷಯ ಕಾರಿನ ವಿಶಿಷ್ಟ ನಂಬರ್ ಪ್ಲೇಟೇ ಆಗಿದೆ. ಈ ನಂಬರ್ ಪ್ಲೇಟ್ ಹಿಂದೆ ಬಿದ್ದಿರುವ ಕೆಲವು ಫ್ಯಾನ್ಸ್ಗೆ ಇಲ್ಲಿದೆ ನೋಡಿ ಅದರ ಹಿಂದಿರುವ ಅಸಲಿ ಮಾಹಿತಿ.
ಕಾರಿನ ನಂಬರ್ ಪ್ಲೇಟ್‌ನಲ್ಲಿ ‘MH01E00264’ ಎಂದು ನಮೂದಿಸಲಾಗಿದೆ. ಕುತೂಹಲಕಾರಿಯಾಗಿ ‘264’ ನಂಬರ್ ಪ್ಲೇಟ್‌ನ ಕೊನೆಯ ಮೂರು ಅಂಕಿಗಳು ರೋಹಿತ್ ಅವರ ವೃತ್ತಿಜೀವನದಲ್ಲಿ ಅತ್ಯಂತ ವಿಶೇಷವಾಗಿದೆ. ಕಾರಣ ಆ ವಿಶಿಷ್ಟ ನಂಬರ್ ಅವರ ಏಕದಿನ ಸ್ಕೋರ್ ಆಗಿದೆ. ಈ ವಿಷಯ ಶರ್ಮಾರ ಅಭಿಮಾನಿಗಳಿಗೆ ಮೆಲುಕು ಹಾಕುವಂತಿದೆ. ನವೆಂಬರ್ 13, 2014ರಂದು ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ 264 ರನ್ ಸಿಡಿಸಿದ್ದ ರೋಹಿತ್ಗೆ ಇದು ವೈಯಕ್ತಿಕ ಸ್ಕೋರ್ ಮಾತ್ರವಲ್ಲದೆ, ಏಕದಿನ ಕ್ರಿಕೆಟ್‌ನಲ್ಲಿ ಇದುವರೆಗಿನ ಗರಿಷ್ಠ ವೈಯಕ್ತಿಕ ಸ್ಕೋರ್ ಆಗಿದೆ.
ಇದನ್ನೂ ಓದಿ: ಕುಂಬ್ಳಕಾಯಿ ಕಳ್ಳ ಅಂದ್ರೆ ಸುಮಲತಾ ಏಕೆ ಹೆಗ್ಲುಮುಟ್ಟಿ ನೋಡ್ಕೊಳ್‌ಬೇಕು?
ರೋಹಿತ್ ಅವರ ಅದ್ಭುತ ಪ್ರದರ್ಶನವು ಶ್ರೀಲಂಕಾ ವಿರುದ್ಧ ಭಾರತವು 404/5 ಪ್ರಬಲ ಮೊತ್ತವನ್ನು ಕಲೆಹಾಕುವಲ್ಲಿ ಸಹಾಯ ಮಾಡಿತು. ಸದ್ಯ ಈ ಸಂಗತಿ ತಿಳಿದ ಹಿಟ್ ಮ್ಯಾನ್ ಅಭಿಮಾನಿಗಳು ಭಾರೀ ಸಂತಸ ವ್ಯಕ್ತಪಡಿಸಿದ್ದು, ಮುಂಬೈ ಇಂಡಿಯನ್ಸ್ ತಂಡದ ಕ್ಯಾಪ್ಟನ್ ಆಗಿ ನೀವೇ ಮುಂದುವರೆಯಬೇಕು ಎಂದು ಆಶಿಸಿದ್ದಾರೆ,(ಏಜೆನ್ಸೀಸ್).
2021ರಲ್ಲಿ ಮುಂಬೈ ಇಂಡಿಯನ್ಸ್ ಬಿಟ್ಟಿದ್ದೂ ಇದೇ ಕಾರಣಕ್ಕೆ… ಮುಖಕ್ಕೆ ಹೊಡದಂಗೆ ಹೇಳಿದ್ರು ರವಿಶಾಸ್ತ್ರಿ
ಈ ಹೋಟೆಲ್ಗೆ ಮಾತ್ರ ಹೋಗಲೇಬೇಡಿ! ಇಲ್ಲಿಗೆ ಹೋದ್ರೆ ಖಂಡಿತ ಅವಮಾನ, ಕಣ್ಣೀರು ತಪ್ಪಿದ್ದಲ್ಲ