ಬ್ಯಾಂಕಾಕ್: ವಿಶ್ವ ಚಾಂಪಿಯನ್ ಪಿವಿ ಸಿಂಧು ಹಾಗೂ ಮಾಜಿ ವಿಶ್ವ ನಂ.1 ಕೆ.ಶ್ರೀಕಾಂತ್, ಎಚ್ಎಸ್ಬಿಸಿ ಬಿಡಬ್ಲ್ಯುಎಫ್ ವರ್ಲ್ಡ್ ಟೂರ್ ಫೈನಲ್ಸ್ ಟೂರ್ನಿಯ ಮೊದಲ ಪಂದ್ಯಗಳಲ್ಲಿ ಮುಗ್ಗರಿಸಿದ್ದಾರೆ. ಬುಧವಾರ ನಡೆದ ಮಹಿಳೆಯರ ಸಿಂಗಲ್ಸ್ ವಿಭಾಗದ ಬಿ ಗುಂಪಿನ ಪಂದ್ಯದಲ್ಲಿ ಪಿವಿ ಸಿಂಧು 21-19, 12-21, 17-21 ಗೇಮ್ಗಳಿಂದ ಚೀನಾ ತೈಪೆಯ ವಿಶ್ವ ನಂ.1 ತೈ ಜು ಯಿಂಗ್ ಎದುರು 59 ನಿಮಿಷಗಳ ಹೋರಾಟದಲ್ಲಿ ವೀರೋಚಿತ ಸೋಲು ಅನುಭವಿಸಿದರು. ಇದು ಸಿಂಧುಗೆ ತೈ ಜು ಎದುರು ಆಡಿದ 21ನೇ ಪಂದ್ಯದಲ್ಲಿ ಅನುಭವಿಸಿದ 16ನೇ ಸೋಲಾಗಿದೆ.
ಇದನ್ನೂ ಓದಿ: ಬಿಸಿಸಿಐ ಮುಖ್ಯಸ್ಥ ಸೌರವ್ ಗಂಗೂಲಿ ಮತ್ತೆ ಆಸ್ಪತ್ರೆಗೆ ದಾಖಲು
ಮೊದಲ ಗೇಮ್ನಲ್ಲಿ ಭರ್ಜರಿ ನಿರ್ವಹಣೆ ತೋರಿದ ಸಿಂಧು ಪಂದ್ಯದಲ್ಲಿ ಬಿಗಿ ಹಿಡಿತ ಸಾಧಿಸಿ ಜಯ ದಾಖಲಿಸಿದರು. ಆರಂಭದಲ್ಲೇ ತೈಜು 3-5 ರಿಂದ ಹಿನ್ನಡೆ ಅನುಭವಿಸಿದ ಸಿಂಧು, ಬ್ರೇಕ್ ಅವಧಿ ವೇಳೆಗೆ 8-11 ರಿಂದ ಹಿನ್ನಡೆ ಕಂಡರು. ಬಳಿಕ ಸತತ ಪಾಯಿಂಟ್ಸ್ ಕಲೆಹಾಕಿದ ಲವಾಗಿ ಪಂದ್ಯ 16-16 ರಿಂದ ಸಮಬಲ ಸಾಧಿಸಿದರು. ಬಳಿಕ 19-19 ರಿಂದ ಗೇಮ್ ಸಮಬಲ ಕಂಡರೂ ಕಡೇ ಎರಡು ಪಾಯಿಂಟ್ಸ್ ಗಿಟ್ಟಿಸಿಕೊಂಡು ಸಿಂಧು ಮೊದಲ ಗೇಮ್ನ್ನು 21-19 ರಿಂದ ಒಲಿಸಿಕೊಂಡರು. ಬಳಿಕ ಎರಡನೇ ಗೇಮ್ನಲ್ಲಿ ತೈಜು ಅಬ್ಬರದ ಎದುರು ಸಂಪೂರ್ಣ ಮಂಕಾದ ಸಿಂಧು 12-21 ರಿಂದ ಬಿಟ್ಟುಕೊಟ್ಟರು. ನಿರ್ಣಾಯಕ 3ನೇ ಹಾಗೂ ಅಂತಿಮ ಗೇಮ್ನಲ್ಲಿ ಸಮಬಲ ಪೈಪೋಟಿ ನೀಡಿದರೂ ತೈಜು ನಿರ್ವಹಣೆ ಎದುರು ಸಿಂಧು ಮಂಕಾದರು.
ಇದನ್ನೂ ಓದಿ: ಇದು ಮಲಯಾಳಂ ಪ್ರೇಮ ಕಥೆ ಅಲ್ಲ…ಕನ್ನಡದ ನೈಜ ಘಟನೆ ಆಧರಿತ ಪ್ರೇಮನ್
ಕೆ. ಶ್ರೀಕಾಂತ್ಗೆ ನಿರಾಸೆ
ಅಂತಿಮ ಕ್ಷಣದವರೆಗೂ ತೀವ್ರ ಪೈಪೋಟಿಯಿಂದ ಕೂಡಿದ ಪಂದ್ಯದಲ್ಲಿ ಕೆ.ಶ್ರೀಕಾಂತ್ 21-15, 16-21, 18-21 ಗೇಮ್ಗಳಿಂದ ಡೆನ್ಮಾರ್ಕ್ನ ಅಂಡೆರ್ಸ್ ಅಂಟೊನ್ಸನ್ ಎದುರು 77 ನಿಮಿಷಗಳ ಕದನದಲ್ಲಿ ಸೋಲನುಭವಿಸಿದರು.
HIGHLIGHTS | Compelling viewing as world No.1 Tai Tzu Ying battles current world champion @Pvsindhu1 🏸#HSBCbadminton #BWFWorldTourFinals pic.twitter.com/iG7uW6IqU8
— BWF (@bwfmedia) January 27, 2021
A moment of magic 🏸🪄
Follow the action https://t.co/PnmcqR3ofW#HSBCbadminton #BWFWorldTourFinals pic.twitter.com/LVo486OPNb
— BWF (@bwfmedia) January 27, 2021