ಬೆಂಗಳೂರು: ರಕ್ಷಿತ್ ಶೆಟ್ಟಿ ಅಭಿನಯದ ಮತ್ತು ನಿರ್ಮಾಣದ ‘777 ಚಾರ್ಲಿ’ ಇನ್ನೊಂದು ಹೆಗ್ಗಳಿಕೆಗೆ ಪಾತ್ರವಾಗಿದೆ. ಚಿತ್ರವು ಥಾಯ್ ಭಾಷೆಗೆ ಡಬ್ ಆಗಿದ್ದು, ಡಿ. 1ಕ್ಕೆ ಥಾಯ್ಲೆಂಡ್ನಲ್ಲಿ ಬಿಡುಗಡೆ ದೊಡ್ಡ ಮಟ್ಟದಲ್ಲಿ ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿದೆ. ಈ ಮೂಲಕ ಕನ್ನಡ ಚಿತ್ರವೊಂದು ಥಾಯ್ ಭಾಷೆಗೆ ಡಬ್ ಆದ ಹೆಗ್ಗಳಿಕೆ ‘777 ಚಾರ್ಲಿ’ ಚಿತ್ರಕ್ಕೆ ಸಿಕ್ಕಿದೆ.
‘777 ಚಾರ್ಲಿ’ ಚಿತ್ರವು ಜೂನ್ 10ರಂದು ಭಾರತದಾದ್ಯಂತ ಐದು ಭಾಷೆಗಳಲ್ಲಿ ಪ್ಯಾನ್ ಇಂಡಿಯಾ ಚಿತ್ರವಾಗಿ ಬಿಡುಗಡೆಯಾಗಿತ್ತು. ಚಿತ್ರಕ್ಕೆ ಪ್ರೇಕ್ಷಕರಿಂದ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ತಮ್ಮ ಸಂಪುಟದ ಸದಸ್ಯರಾದ ಆರ್. ಅಶೋಕ್, ಬಿ.ಸಿ. ನಾಗೇಶ್, ಕೆ. ಸುಧಾಕರ್ ಮುಂತಾದವರ ಜತೆಗೆ ಚಿತ್ರ ನೋಡಿ ಭಾಗವುಕರಾಗಿದ್ದರು. ಆ ನಂತರ ರಾಜ್ಯ ಸರ್ಕಾರವು ಚಿತ್ರಕ್ಕೆ ಶೇ. 100ರಷ್ಟು ತೆರಿಗೆ ವಿನಾಯ್ತಿ ಘೋಷಿಸಿ ಆದೇಶ ಹೊರಡಿಸಿತ್ತು.
ಇದನ್ನೂ ಓದಿ: ಅಭಿನಯಕ್ಕೆ ಆಮೀರ್ ಗುಡ್ಬೈ? ‘ಚಾಂಪಿಯನ್’ ಚಿತ್ರದಲ್ಲಿ ನಟಿಸಲು ಹಿಂದೇಟು …
ಬರೀ ಮುಖ್ಯಂಮತ್ರಿಗಳಷ್ಟೇ ಅಲ್ಲ, ರಜನಿಕಾಂತ್ ಜಾನ್ ಅಬ್ರಹಾಂ, ಬೋನಿ ಕಪೂರ್ ಸೇರಿದಂತೆ ಹಲವು ಸೆಲೆಬ್ರಿಟಿಗಳು ಚಿತ್ರ ನೋಡಿ ರಕ್ಷಿತ್ ಮತ್ತು ಚಿತ್ರತಂಡದವರಿಗೆ ಶುಭ ಹಾರೈಸಿದ್ದರು. ಇನ್ನು, ರಜನಿಕಾಂತ್ ರಕ್ಷಿತ್ಗೆ ಫೋನ್ ಮಾಡಿ ಚಿತ್ರದ ಮೇಕಿಂಗ್, ಅದರಲ್ಲಿ ಅಡಗಿರುವ ಒಳಾರ್ಥ
ಇನ್ನು, ಚಿತ್ರಕ್ಕೆ ಸಿಕ್ಕ ಪ್ರತಿಕ್ರಿಯೆ ಮತ್ತು ಯಶಸ್ಸು ನೋಡಿ ರಕ್ಷಿತ್ ಎರಡು ಮಹತ್ವದ ತೀರ್ಮಾನಗಳನ್ನು ತೆಗೆದುಕೊಂಡಿದ್ದರು. ಪ್ರಮುಖವಾಗಿ, ಬಂದ ಲಾಭದಲ್ಲಿ ಶೇ. 5ರಷ್ಟನ್ನು ಅವರು ಚಾರ್ಲಿಗಾಗಿ ಎತ್ತಿಡುವುದರ ಜತೆಗೆ, ಶೇ. 10ರಷ್ಟನ್ನು ಅವರು ಚಿತ್ರಕ್ಕೆ ದುಡಿದ ಕಲಾವಿದರು ಮತ್ತು ತಂತ್ರಜ್ಞರಿಗೆ ಕೊಡುವುದಕ್ಕೆ ತೀರ್ಮಾನಿಸಿದ್ದರು.
ಇದನ್ನೂ ಓದಿ: ಡಿಂಗ್ರಿ ನಾಗರಾಜ್ ಮೇಲೆ ನಟಿಯ ಗಂಭೀರ ಆರೋಪ
ಈಗ ಚಿತ್ರ ಇನ್ನೊಂದು ಹೆಗ್ಗಳಿಕೆಗೆ ಪಾತ್ರವಾಗಿದೆ. ಚಿತ್ರವನ್ನು ನೋಡಿ ಮೆಚ್ಚಿರುವ ಥಾಯ್ಲೆಂಡ್ ದೇಶದ ಚಿತ್ರ ವಿತರಣಾ ಸಂಸ್ಥೆಯಾದ ಗೋಲ್ಡನ್ ಎ ಎಂಟರ್ಟೈನ್ಮೆಂಟ್ ಕೋ ಲಿಮಿಟೆಡ್, ಚಿತ್ರದ ಡಬ್ಬಿಂಗ್ ಹಕ್ಕುಗಳನ್ನು ಪಡೆದಿದ್ದು, ಥಾಯ್ ಭಾಷೆಗೆ ಡಬ್ ಮಾಡಿದೆ. ಚಿತ್ರವು ಡಿ. 1ರಂದು ಥಾಯ್ಲೆಂಡ್ನಾದ್ಯಂತ ಬಿಡುಗಡೆ ಮಾಡಲಿದ್ದು, ಮೊದಲ ಹಂತವಾಗಿ ಚಿತ್ರದ ಟ್ರೇಲರ್ ಸಹ ಬಿಡುಗಡೆ ಮಾಡಿದೆ.
‘777 ಚಾರ್ಲಿ’ ಚಿತ್ರವನ್ನು ಪರಂವಾ ಸ್ಟುಡಿಯೋಸ್ನಡಿ ರಕ್ಷಿತ್ ಶೆಟ್ಟಿ ನಿರ್ಮಿಸಿದ್ದು, ಕಿರಣ್ ರಾಜ್ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ರಕ್ಷಿತ್ ಜತೆಗೆ ಸಂಗೀತಾ ಶೃಂಗೇರಿ, ರಾಜ್ ಬಿ ಶೆಟ್ಟಿ, ಭಾರ್ಗವಿ ನಾರಾಯಣ್, ದಾನಿಶ್ ಸೇಠ್, ಗೋಪಲಕೃಷ್ಣ ದೇಶಪಾಂಡೆ ಮುಂತಾದವರು ನಟಿಸಿದ್ದಾರೆ.
ಮಗಳ ತುಟಿಗೆ ಮುತ್ತು ಕೊಟ್ಟು ಟ್ರೋಲ್ ಆದ ಐಶ್ವರ್ಯಾ ರೈ … ಯಾಕೆ ಗೊತ್ತಾ?