ಬೆಂಗಳೂರು: ಪಲ್ಸ್ ಮೀಟರ್ ಪೂರೈಕೆ ಮಾಡುವುದಾಗಿ ನಂಬಿಸಿ ಸ್ಟೇಷನರಿ ಅಂಗಡಿ ಮಾಲೀಕನಿಂದ 7.50 ಲಕ್ಷ ರೂ. ಪಡೆದು ವಂಚನೆ ಮಾಡಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ನ್ಯೂ ತಿಪ್ಪಸಂದ್ರದ ದಯಾ ಮಾರ್ಟ್ ಸ್ಟೇಷನರಿ ಅಂಗಡಿ ಮಾಲೀಕ ಹುಕ್ಕಂ ಸಿಂಗ್ ನೀಡಿದ ದೂರಿನ ಮೇರೆಗೆ ಆರೋಪಿಗಳಾದ ಆಂಕುರ್ ಸಿಂಗ್ ಮತ್ತು ಮಂಡಲ್ ವಿರುದ್ಧ ಎಫ್ಐಆರ್ ದಾಖಲಿಸಿ ಜೀವನ್ಬೀಮಾನಗರ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
10 ವರ್ಷಗಳಿಂದ ಸ್ಟೇಷನರಿ ಅಂಗಡಿ ನಡೆಯುತ್ತಿರುವ ಹುಕ್ಕಂ ಸಿಂಗ್, ಕೋವಿಡ್ 19ರ ವೇಳೆ ಪಲ್ಸ್ ಮೀಟರ್ಗೆ ಹೆಚ್ಚಿನ ಗ್ರಾಹಕರು ಇದ್ದುದ್ದನ್ನು ಗಮನಿಸಿದ್ದರು. ಅದಕ್ಕಾಗಿ ಏಪ್ರಿಲ್ 28ರಂದು ತನ್ನ ಮೊಬೈಲ್ಗೆ ಮಾಹಿತಿ ಬಂದಿದ್ದ ಪಲ್ಸ್ ಮೀಟರ್ ಪೂರೈಕೆದಾರರಿಗೆ ಕರೆ ಮಾಡಿದ್ದರು. ಕರೆ ಸ್ವೀಕರಿಸಿದ ವ್ಯಕ್ತಿ, ವಿಡಿಯೋ ಕಾಲ್ ಮಾಡಿ ಪೂರೈಕೆ ಮಾಡುವುದಾಗಿ ವಿಳಾಸ ಪಡೆದು 20 ಸಾವಿರ ರೂ. ಮುಂಗಡ ಹಣವನ್ನು ಪೇಟಿಮ್ಗೆ ವರ್ಗಾವಣೆ ಮಾಡಿಸಿಕೊಂಡಿದ್ದ. ಹುಕ್ಕಂ ಸಿಂಗ್ ಸಹ 1 ಸಾವಿರ ಪಲ್ಸ್ ಮೀಟರ್ ಬೇಕೆಂದು ಹೇಳಿದ್ದರು. ಅದಕ್ಕೆ ಒಪ್ಪಿದ ಆರೋಪಿಗಳು ಸ್ವಲ್ಪ ದಿನ ಬಿಟ್ಟು ಮತ್ತೆ 30 ಸಾವಿರ ರೂ. ಪಡೆದಿದ್ದರು. ಆನಂತರ ಕರೊನಾ ಕರ್ಫ್ಯೂ ಜಾರಿಯಾದ ಕಾರಣ ವ್ಯವಹಾರ ನಡೆಸದೆ ಸುಮ್ಮನಾಗಿದ್ದರು. ಇತ್ತೀಚೆಗೆ ಮತ್ತೆ ಆರೋಪಿ, ಹುಕ್ಕಂ ಸಿಂಗ್ಗೆ ಕರೆ ಮಾಡಿ ಇಂದೂರ್ನಲ್ಲಿ ನಮ್ಮ ಸಂಬಂಧಿ ಇದ್ದಾನೆ. ಆತ ನಿನಗೆ 10 ರೂ. ನೋಟಿನ ಫೋಟೋ ಕಳುಹಿಸುತ್ತಾರೆ. ಆತನಿಗೆ 7 ಲಕ್ಷ ರೂ. ಆನ್ಲೈನ್ನಲ್ಲಿ ವರ್ಗಾವಣೆ ಮಾಡುವಂತೆ ಹೇಳಿದ್ದರು. ಸ್ವಲ್ಪ ಹೊತ್ತಿಗೆ ಹುಕ್ಕಂ ಸಿಂಗ್ಗೆ ಕರೆ ಮಾಡಿದ ವ್ಯಕ್ತಿ, 10 ರೂ. ನೋಟಿನ ಫೋಟೋವನ್ನು ವಾಟ್ಸ್ಆ್ಯಪ್ನಲ್ಲಿ ಕಳುಹಿಸಿ 7 ಲಕ್ಷ ರೂ. ಪಾವತಿ ಮಾಡಿದರೆ ಪಲ್ಸ್ ಮೀಟರ್ ಕಳುಹಿಸುವುದಾಗಿ ಹೇಳಿ ಹಣ ವರ್ಗಾವಣೆ ಮಾಡಿಸಿಕೊಂಡಿದ್ದ. ಆದರೆ, ದಿನಗಳೇ ಕಳೆದರು ಪಾರ್ಸಲ್ ಮಾತ್ರ ಕೈ ಸೇರಲಿಲ್ಲ. ಕೊನೆಗೆ ವಂಚನೆಗೆ ಒಳಗಾಗಿರುವುದು ಗೊತ್ತಾಗಿ ಠಾಣೆಗೆ ಬಂದು ದೂರು ನೀಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ವಿದ್ಯಾರ್ಥಿನಿಗೇ ಲವ್ ಲೆಟರ್ ಬರೆದ ಶಿಕ್ಷಕ! ಮಾಡಿದ ತಪ್ಪಿಗೆ ತಕ್ಕ ಶಿಕ್ಷೆ ಕೊಟ್ಟ ಗ್ರಾಮಸ್ಥರು
17 ವರ್ಷದ ವಿದ್ಯಾರ್ಥಿಯೊಂದಿಗೆ ಓಡಿಹೋದ ಶಿಕ್ಷಕಿ! ದಿನಕ್ಕೆ ನಾಲ್ಕು ತಾಸು ಒಟ್ಟಿಗೇ ಕುಳಿತಿರುತ್ತಿದ್ದರು…
ಬಾಸ್ ಮರ್ಮಾಂಗವನ್ನೇ ಕತ್ತರಿಸಿ ಪೊಲೀಸರಿಗೆ ಕರೆ ಮಾಡಿದ ಮಹಿಳೆ! ಕಾರಣ ಕೇಳಿ ಬೆಚ್ಚಿಬಿದ್ದ ಪೊಲೀಸ್