ಬೆಂಗಳೂರು: ಹೊಸ ವರ್ಷ ಸಂಭ್ರಮಾಚರಣೆಗೆ ದಿನಗಣನೆ ಆರಂಭವಾಗಿದೆ. 2023ಕ್ಕೆ ಗುಡ್ ಬೈ ಹೇಳಿ 2024ರ ಹೊಸ ಸಂವತ್ಸರವನ್ನು ಬರಮಾಡಿಕೊಳ್ಳಲು ಎಲ್ಲರು ಎದುರು ನೋಡುತ್ತಿದ್ದಾರೆ. ಇದರ ನಡುವೆ ನಿಮಗೆಲ್ಲರಿಗೂ ಒಂದು ಗುಡ್ ನ್ಯೂಸ್ ಇದೆ. ಅದೇನೆಂದರೆ, ಮುಂದಿನ ವರ್ಷದಲ್ಲಿ 9 ದೀರ್ಘ ವಾರಾಂತ್ಯ ಅಥವಾ ವೀಕೆಂಡ್ಸ್ ಇರಲಿದೆ.
ಈಗಾಗಲೇ ರಾಜ್ಯ ಸರ್ಕಾರ 2024ನೇ ಸಾಲಿನ 25 ಸರ್ಕಾರಿ ರಜಾ ದಿನಗಳನ್ನು ಘೋಷಣೆ ಮಾಡಿದೆ. ಇದರೊಂದಿಗೆ ಮೂರು ಹೆಚ್ಚುವರಿ ರಜೆಗಳು ಎರಡನೇ ಶನಿವಾರಗಳು ಹಾಗೂ ಭಾನುವಾರದೊಂದಿಗೆ ಸೇರಿಕೊಳ್ಳುತ್ತದೆ. ಇದು ಬೇಸರದ ಸಂಗತಿಯಾದರೂ, ಗಮನಿಸಬೇಕಾದ ಬಹು ಮುಖ್ಯವಾದ ಸಂಗತಿ ಏನೆಂದರೆ, ಈ ರಜಾ ದಿನಗಳಲ್ಲಿ 9 ರಜೆಗಳು ಸೋಮವಾರ ಅಥವಾ ಶುಕ್ರವಾರ ಬರುವುದರಿಂದ 2024ರಲ್ಲಿ ಜನರು ದೀರ್ಘ ವಾರಂತ್ಯ ಅಥವಾ ಲಾಂಗ್ ವೀಕೆಂಡ್ಸ್ ಖುಷಿಯನ್ನು ಅನುಭವಿಸಬಹುದಾಗಿದೆ.
ಮುಂದಿನ ವರ್ಷದಲ್ಲಿ ಜನವರಿ 15ರಂದು ಯುಗಾದಿ, ಸೆಪ್ಟೆಂಬರ್ 16ರಂದು ಈದ್ ಮಿಲಾದ್ ಮತ್ತು ನವೆಂಬರ್ 18ರಂದು ಕನಕದಾಸ ಜಯಂತಿಯ ವಿಶೇಷ ರಜಾ ದಿನಗಳು ಸೋಮವಾರ ಇರಲಿವೆ. ಜನವರಿ 26 ಗಣರಾಜ್ಯೋತ್ಸವ, ಮಾರ್ಚ್ 8ರಂದು ಮಹಾ ಶಿವರಾತ್ರಿ, ಮೇ 10ರಂದು ಅಕ್ಷಯ ತೃತೀಯ, ಅಕ್ಟೋಬರ್ 11ರಂದು ಆಯುಧ ಪೂಜಾ ಮತ್ತು ನವೆಂಬರ್ 1ರಂದು ಕನ್ನಡ ರಾಜ್ಯೋತ್ಸವದ ವಿಶೇಷ ರಜಾ ದಿನಗಳು ಶುಕ್ರವಾರ ಇರಲಿವೆ.
ಪ್ರವಾಸದ ಮೋಜು-ಮಸ್ತಿಗೆ ಒಳ್ಳೆಯ ಸಮಯ
ಈ ಬಾರಿ 9 ದೀರ್ಘ ವೀಕೆಂಡ್ಸ್ ದೊರೆಯುವರಿಂದ ಪ್ರವಾಸಿ ಪ್ರಿಯರಿಗೆ ಒಳ್ಳೆಯ ಅವಕಾಶವಾಗಿದೆ. ಮೊದಲೇ ಪ್ಲ್ಯಾನ್ ಮಾಡಿಕೊಂಡರೆ ದೀರ್ಘ ವೀಕೆಂಡ್ಸ್ನ ಲಾಭ ಪಡೆಯಬಹುದು. ಕುಟುಂಬದೊಂದಿಗೆ ಒಂದು ಉತ್ತಮ ಸಮಯ ಕಳೆಯಲು ದೀರ್ಘ ವಾರಂತ್ಯ ಒಳ್ಳೆಯ ಅವಕಾಶ ನೀಡಲಿದೆ. ನಿತ್ಯ ಕೆಲಸದ ಒತ್ತಡದಲ್ಲಿ ದೀರ್ಘ ವಿರಾಮಕ್ಕಾಗಿ ಎದುರು ನೋಡುವವರಿಗೆ 2024ರ ಲಾಂಗ್ ವೀಕೆಂಡ್ಸ್ ಒಂದು ಒಳ್ಳೆಯ ಸಮಯವಾಗಿದೆ.
ಇನ್ನು ಹೆಚ್ಚುವರಿಯಾಗಿ ಏಪ್ರಿಲ್ 12ರಂದು ಮಹಾವೀರ ಜಯಂತಿ ಮತ್ತು ಅಕ್ಟೋಬರ್ 12ರಂದು ವಿಜಯದಶಮಿ ಎರಡನೇ ಶನಿವಾರದಂದು ಬರುತ್ತವೆ. ಏಪ್ರಿಲ್ 14ರ ಅಂಬೇಡ್ಕರ್ ಜಯಂತಿ ಭಾನುವಾರ ಇರುವುದರಿಂದ ಈ ಮೂರು ರಜೆಗಳು ಮಾಮೂಲಿ ರಜೆಗಳೊಂದಿಗೆ ಸೇರಿಕೊಂಡಿವೆ. ಇದಲ್ಲದೆ, ಕೊಡಗು ಜಿಲ್ಲೆಯಲ್ಲಿ ಸೆಪ್ಟೆಂಬರ್ 3 ರಂದು ಕೈಲ್ ಮುಹೂರ್ತ, ಅಕ್ಟೋಬರ್ 17 ರಂದು ತುಲಾ ಸಂಕ್ರಮಣ ಮತ್ತು ಡಿಸೆಂಬರ್ 14 ರಂದು ಹುತ್ತರಿ ವಿಶೇಷವಾಗಿ ರಜಾದಿನಗಳನ್ನು ಆಚರಿಸಲಾಗುತ್ತದೆ. (ಏಜೆನ್ಸೀಸ್)
ಇಂದಿನಿಂದ 2 ದಿನ ಬೆಂಗ್ಳೂರಲ್ಲಿ ಕಂಬಳ ಕಲರವ: ಪ್ರವೇಶ ಉಚಿತ, ಇಲ್ಲಿದೆ ಕಾರ್ಯಕ್ರಮಗಳ ವಿವರ…
ವಿಶ್ವಕಪ್ ಫೈನಲ್ ಹಿಂದಿತ್ತಾ ಬಿಜೆಪಿಯ ಮಾಸ್ಟರ್ ಪ್ಲ್ಯಾನ್? ಮೋದಿ ಸ್ಕ್ರಿಪ್ಟ್ ತಪ್ಪಾಗಿದೆ ಎಂದ ಪ್ರಕಾಶ್ ರಾಜ್!