ಬೆಂಗಳೂರು: ಎರಡು ಹಾಡುಗಳ ಚಿತ್ರೀಕರಣ ಮುಗಿದು ಬಿಟ್ಟಿದ್ದರೆ, ‘ಯುವರತ್ನ’ ಚಿತ್ರದ ಚಿತ್ರೀಕರಣವೇ ಮುಗಿದು ಹೋಗಿರುತಿತ್ತು. ಎರಡು ಹಾಡುಗಳ ಚಿತ್ರೀಕರಣಕ್ಕೆ ಫಾರಿನ್ಗೆ ಹೋಗಬೇಕು ಎಂದು ಚಿತ್ರತಂಡದವರು ಪ್ಲಾನ್ ಮಾಡಿಕೊಂಡಿದ್ದರು. ಅಷ್ಟರಲ್ಲಿ ಕರೊನಾ ಬಂತಲ್ಲ, ಚಿತ್ರತಂಡದವರ ಪ್ಲಾನ್ಗಳೆಲ್ಲಾ ತಲೆ ಕೆಳಗಾದವು.
ಇದನ್ನೂ ಓದಿ: ‘ಕೆಜಿಎಫ್’ ಸಲುವಾಗಿ ಯಶ್ ವರ್ಕೌಟ್ ಶೈಲಿ ಬದಲು
ಅದಾಗಿ ಆರು ತಿಂಗಳುಗಳೇ ಆಗಿವೆ. ಇದೀಗ ಚಿತ್ರತಂಡ ಮತ್ತೆ ಇವತ್ತಿನಿಂದ ಚಿತ್ರೀಕರಣ ಶುರು ಮಾಡಿದೆ. ದಕ್ಷಿಣ ಭಾರತದ ಖ್ಯಾತ ನೃತ್ಯ ನಿರ್ದೇಶಕರಾದ ಜಾನಿ ಮಾಸ್ಟರ್ ಅವರ ಸಾರಥ್ಯದಲ್ಲಿ ಪುನೀತ್ ಅವರ ಇಂಟ್ರೋಡಕ್ಷನ್ ಹಾಡನ್ನು ಚಿತ್ರೀಕರಣ ಮಾಡಲಿದೆ. ಅದಕ್ಕಾಗಿ ಕಂಠೀರವ ಸ್ಟುಡಿಯೋದಲ್ಲಿ ವಿಶೇಷ ಸೆಟ್ವೊಂದನ್ನು ಹಾಕಲಾಗಿದ್ದು, ಆ ಸೆಟ್ನಲ್ಲಿ ಚಿತ್ರೀಕರಣ ನಡೆಯಲಿದೆ.
ಅದಕ್ಕೂ ಮುನ್ನ, ಇತ್ತೀಚೆಗೆ ಆ ಹಾಡಿನ ಡ್ಯಾನ್ಸ್ ರಿಹರ್ಸಲ್ ನಡೆದಿದೆ. ಈ ರಿಹರ್ಸಲ್ನಲ್ಲಿ ಪುನೀತ್ ಮತ್ತು ಡ್ಯಾನ್ಸರ್ಗಳು ಭಾಗವಹಿಸಿದ್ದು, ಜಾನಿ ಮಾಸ್ಟರ್ ಅವರ ಸಾರಥ್ಯದಲ್ಲಿ ಪ್ರಾಕ್ಟೀಸ್ ಮಾಡಿದ್ದಾರೆ. ಚಿತ್ರೀಕರಣ ಸಂದರ್ಭದಲ್ಲಿ ಸುಲಭವಾಗಲೀ ಎನ್ನುವ ಕಾರಣಕ್ಕೆ ತರಬೇತಿ ಸೆಶನ್ ನಡೆದಿದ್ದು, ಇದೀಗ ಆ ಹಾಡಿನ ಮೇಕಿಂಗ್ ವಿಡಿಯೋವೊಂದನ್ನು ಚಿತ್ರತಂಡದವರು ಯೂಟ್ಯೂಬ್ನ ಹೊಂಬಾಳೆ ಫಿಲಂಸ್ನ ಚಾನಲ್ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: ಡ್ರಗ್ಸ್ ಕೇಸ್: ಕೊನೆಗೂ ವಿಚಾರಣೆಗೆ ಬಂದ ಅನುಶ್ರೀ
ಅಂದಹಾಗೆ, ‘ಯುವರತ್ನ’ ಚಿತ್ರದಲ್ಲಿ ಪುನೀತ್ ಜತೆಗೆ ಸಯೇಷಾ ಸೆಹಗಲ್, ದಿಗಂತ್, ಸೋನು ಗೌಡ, ಧನಂಜಯ್ ಮುಂತಾದವರು ನಟಿಸಿದ್ದುದ್ದಾರೆ. ಚಿತ್ರಕ್ಕೆ ಕಥೆ-ಚಿತ್ರಕಥೆ ಜತೆಗೆ ಸಂಭಾಷಣೆ ರಚಿಸಿ ನಿರ್ದೇಶನ ಮಾಡುತ್ತಿರುವುದು ಸಂತೋಷ್ ಆನಂದರಾಮ್. ಈ ಹಿಂದೆ ಪುನೀತ್ ಅಭಿನಯದಲ್ಲಿ ‘ರಾಜ್ಕುಮಾರ’ ಮತ್ತು ‘ನಿನ್ನಿಂದಲೇ’ ಚಿತ್ರಗಳನ್ನು ನಿರ್ಮಿಸಿದ್ದ ಹೊಂಬಾಳೆ ಫಿಲಂಸ್ನ ವಿಜಯ್ ಕುಮಾರ್ ಕಿರಗಂದೂರು ಈ ಚಿತ್ರವನ್ನು ಸಹ ನಿರ್ಮಿಸುತ್ತಿದ್ದಾರೆ.