ಮುಂಬೈ: ಈಗಿನ ಯುವಕರಲ್ಲಿ ಫೇಸ್ಬುಕ್, ಇನ್ಸ್ಟಾಗ್ರಾಂ ಕ್ರೇಜ್ ಜಾಸ್ತಿಯೇ ಇದೆ. ಅದೇ ರೀತಿ ಕ್ರೇಜ್ನಿಂದ ಇನ್ಸ್ಟಾಗ್ರಾಂನಲ್ಲಿ ಫಾಲೋವರ್ಸ್ ಸಂಖ್ಯೆ ಹೆಚ್ಚಿಸಿಕೊಳ್ಳಲು ಹೋದ ಯುವಕನೊಬ್ಬ ಜೈಲು ಸೇರಿರುವ ಘಟನೆ ಮಹಾರಾಷ್ಟ್ರದ ಮುಂಬೈನಲ್ಲಿ ನಡೆದಿದೆ.
20 ವರ್ಷದ ಇರ್ಫಾನ್ ಖಾನ್ ಬಂಧಿತ ಆರೋಪಿ. ಆತ ಇನ್ಸ್ಟಾಗ್ರಾಂ ಇನ್ಫ್ಲೂಯೆನ್ಸರ್ ಎನಿಸಿಕೊಂಡಿದ್ದಾನೆ. ಸಾಕಷ್ಟು ಫಾಲೋವರ್ಸ್ ಇರುವ ಆತ ಈವೆಂಟ್ ಮ್ಯಾನೇಜ್ಮೆಂಟ್ ಕೂಡ ಮಾಡುತ್ತಿದ್ದನಂತೆ. ಹೇಗಾದರೂ ಮಾಡಿ ಇನ್ಸ್ಟಾಗ್ರಾಂನಲ್ಲಿ ಫಾಲೋವರ್ಸ್ ಹೆಚ್ಚಿಸಿಕೊಳ್ಳಬೇಕೆಂದುಕೊಂಡ ಆತ ಒಂದು ವಿಡಿಯೋ ಮಾಡುವ ಪ್ಲಾನ್ ಮಾಡಿದ್ದಾನೆ.
ಪ್ರೀತಿಸಿ ಮೋಸ ಹೋದರೆ ಹೇಗೆ ಇರುತ್ತೇನೆಂದು ವಿಡಿಯೋದಲ್ಲಿ ತೋರಿಸಲು ಪ್ರಯತ್ನಿಸಿದ್ದಾನೆ. ತಾನು ರೈಲ್ವೆ ಹಳಿ ಮೇಲೆ ಕುಳಿತಂತೆ, ರೈಲು ಬಂದು ಅದರ ಅಡಿ ಸಿಲುಕಿ ಆತ ಪ್ರಾಣ ಬಿಟ್ಟಂತೆ ವಿಡಿಯೋ ಎಡಿಟ್ ಮಾಡಿ ಅದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾನೆ. ಆ ವಿಡಿಯೋ ಕೆಲವೇ ಕ್ಷಣಗಳಲ್ಲಿ ವೈರಲ್ ಆಗಿದೆ.
ಈ ವೈರಲ್ ವಿಡಿಯೋದಲ್ಲಿ ಆತ್ಮಹತ್ಯೆಗೆ ಪ್ರಚೋಧನೆ ಇರುವುದನ್ನು ಗಮನಿಸಿದ ಪೊಲೀಸರು ಇರ್ಫಾನ್ಗಾಗಿ ಬಲೆ ಬೀಸಿದ್ದಾರೆ. ಶನಿವಾರ ಸಂಜೆ ಆತನನ್ನು ಬಂಧಿಸಲಾಗಿದೆ. ಆತ್ಮಹತ್ಯೆಗೆ ಪ್ರಚೋಧನೆ ಎಂದು ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ. (ಏಜೆನ್ಸೀಸ್)
ಜಪಾನ್ ಯುವತಿಯ ಭಾರತ ಪ್ರೀತಿ: ಹಿಂದಿಯಲ್ಲೇ ಮಾತನಾಡೋ ಬೆಡಗಿಗೆ ಪಾನಿಪುರಿ ಇಷ್ಟವಂತೆ
#BBK8: ಬಿಗ್ಬಾಸ್ ಮನೆಯಲ್ಲಿ ಇಂದು ಎಲಿಮಿನೇಟ್ ಆದವರು ಇವರೇ.. ಮನೆ ಮಂದಿಗೆ ಶಾಕ್!