ಈಗಾಗಲೇ ಸ್ಯಾಂಡಲ್ವುಡ್ನಲ್ಲಿ ಹಲವು ದಾಖಲೆಗಳನ್ನು ತನ್ನ ಹೆಸರಿಗೆ ಬರೆದುಕೊಂಡಿರುವ ಯಶ್ ಅಭಿನಯದ ‘ಕೆಜಿಎಫ್‘ ಸಿನಿಮಾ, ಇದೀಗ ಟಿಕ್ಟಾಕ್ನಲ್ಲೂ ದಾಖಲೆಯೊಂದನ್ನು ಮಾಡಿದೆ. ಕೇವಲ ಕರ್ನಾಟಕಕ್ಕಷ್ಟೇ ಆ ದಾಖಲೆ ಸೀಮಿತವಾಗಿಲ್ಲ. ಇಡೀ ಭಾರತೀಯ ಸಿನಿಮಾರಂಗದಲ್ಲಿ ಬೇರಾವ ಸಿನಿಮಾ ಮಾಡದ ದಾಖಲೆಯನ್ನು ಕೆಜಿಎಫ್ ಮಾಡಿದೆ ಎಂದರೆ ಅದು ನಿಜಕ್ಕೂ ಮೆಚ್ಚುವ ವಿಷಯವೇ.
ಹೌದು, ಟಿಕ್ಟಾಕ್ ಸದ್ಯ ಭಾರತದಲ್ಲಿ ಭಾರೀ ಜನಪ್ರಿಯತೆಯಲ್ಲಿರುವ ಆ್ಯಪ್. ಆ ಆ್ಯಪ್ನಲ್ಲಿ ಬರೋಬ್ಬರಿ 3.4 ಬಿಲಿಯನ್ ಬಾರಿ ಕೆಜಿಎಫ್ ಎಂದು ಹ್ಯಾಶ್ಟ್ಯಾಗ್ ಬಳಸಲಾಗಿದೆ. ಭಾರತೀಯ ಸಿನಿಮಾಗಳಲ್ಲಿ ಬೇರಾವ ಚಿತ್ರ ಇಷ್ಟೊಂದು ಬಾರಿ ಹ್ಯಾಶ್ಟ್ಯಾಗ್ ಬಳಸಿದ ಇತಿಹಾಸವಿಲ್ಲ. ಅಂಥ ಸಾಧನೆಗೆ ಕನ್ನಡದ ಮಾಸ್ಟರ್ಪೀಸ್ ಸಾಕ್ಷಿಯಾಗಿದೆ.
ಇದನ್ನೂ ಓದಿ: ಐ ಆ್ಯಮ್ ಸೋ ಪ್ರೌಡ್ ಆಫ್ ಯೂ … ಸೋನಾಕ್ಷಿ ಬೆನ್ನು ತಟ್ಟಿದ ಆಲಿಯಾ ಭಟ್
ಸಿನಿಮಾ ಬಿಡುಗಡೆಗೂ ಮುನ್ನವೇ ಹಲವು ದಾಖಲೆಗೆ ಅಚ್ಚೊತ್ತಿದ್ದ ಕೆಜಿಎಫ್ ಸಿನಿಮಾ, ಬಿಡುಗಡೆ ಬಳಿಕವೂ ಗಳಿಕೆ ವಿಚಾರದಲ್ಲಿ ಮೈಲಿಗಲ್ಲು ಸೃಷ್ಟಿಸಿತ್ತು. ಟಿವಿ ರೈಟ್ಸ್, ಅಮೆಜಾನ್ನಲ್ಲೂ ಸಿನಿಮಾ ಬಗ್ಗೆ ಕ್ರೇಜ್ ಶುರುವಾಗಿತ್ತು. ಅದರಂತೆ ಚಾಪ್ಟರ್ 2 ಬಗ್ಗೆಯೂ ಇದೀಗ ಎಲ್ಲೆಡೆ ಕೌತುಕ ಮನೆ ಮಾಡಿದೆ. ಈಗಾಗಲೇ ಘೋಷಣೆ ಆದಂತೆ ಅಕ್ಟೋಬರ್ 23ಕ್ಕೆ ವಿಶ್ವಾದ್ಯಂತ ಐದು ಭಾಷೆಗಳಲ್ಲಿ ಸಿನಿಮಾ ಬಿಡುಗಡೆ ಆಗಲಿದೆ.