ಮುಂಬೈ: ಗುರುವಾರ ಚಿನ್ನದ ಬೆಲೆ ಮತ್ತಷ್ಟು ಏರಿಕೆಯಾಗಿ ಹೊಸ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ಮುಟ್ಟಿತು. ದೇಶೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ 70,275 ರೂ. ತಲುಪಿದೆ ಎಂದು ಮಲ್ಟಿ ಕಮೊಡಿಟಿ ಎಕ್ಸ್‌ಚೇಂಜ್‌ನಲ್ಲಿ (ಎಂಸಿಎಕ್ಸ್) ಹೇಳಿದೆ.
ಏಪ್ರಿಲ್ 04 ರಂದು, ಅಮೆರಿಕ ಫೆಡರಲ್, ಬ್ಯಾಂಕ್ ದರ ಕಡಿತದ ಸಾಧ್ಯತೆಯ ಬಗ್ಗೆ ಸುಳಿವು ನೀಡಿದೆ. ಇದು ಚಿನ್ನದ ಬೆಲೆ ಹೆಚ್ಚಳವಾಗಲು ಕಾರಣವಾಗಿದೆ ಎಂದು ಟ್ರೇಡ್‌ಬುಲ್ ಸೆಕ್ಯುರಿಟೀಸ್‌ನ ಸರಕು ಮತ್ತು ಕರೆನ್ಸಿ ವಿಶ್ಲೇಷಕ ಭಾವಿಕ್ ಪಟೇಲ್ ಹೇಳಿದ್ದಾರೆ.
ಕಳೆದ ಆರು ವಹಿವಾಟು ಅವಧಿಗಳಲ್ಲಿ, ಚಿನ್ನವು ಎಲ್ಲಾ ಅಡಚಣೆಗಳನ್ನು ಜಯಿಸಲು ಯಶಸ್ವಿಯಾಗಿದೆ ಮತ್ತು MCX ಮತ್ತು COMEX ಎರಡರಲ್ಲೂ ತಾಜಾ ಸಾರ್ವಕಾಲಿಕ ಗರಿಷ್ಠ ಮಟ್ಟ ಮುಟ್ಟುವುದನ್ನು ಮುಂದುವರಿಸಿದೆ. ಏಪ್ರಿಲ್ 04 ರಂದು, ಚಿನ್ನವು ಮೊದಲ ಬಾರಿಗೆ COMEX ನಲ್ಲಿ 2300 ಡಾಲರ್ಗಿಂತ ಹೆಚ್ಚಾಯಿತು ಎಂದು ಪಟೇಲ್ ಹೇಳಿದರು.
ಮಲ್ಟಿ ಕಮೊಡಿಟಿ ಎಕ್ಸ್‌ಚೇಂಜ್‌ನಲ್ಲಿ (ಎಂಸಿಎಕ್ಸ್) ಗುರುವಾರ ಚಿನ್ನದ ಬೆಲೆ 10 ಗ್ರಾಂಗೆ 69,868 ರೂ.ನಲ್ಲಿ ಪ್ರಾರಂಭವಾಯಿತು ಮತ್ತು ಇಂಟ್ರಾಡೇ ಕನಿಷ್ಠ ರೂ.69,755 ತಲುಪಿತು. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ, ಬೆಲೆಗಳು ಪ್ರತಿ ಔನ್ಸ್‌ಗೆ 2,299.87 ಡಾಲರ್ ಇತ್ತು.
ಏತನ್ಮಧ್ಯೆ, ಬೆಳ್ಳಿ ಪ್ರತಿ ಕೆಜಿಗೆ ರೂ 79,099 ಕ್ಕೆ ಪ್ರಾರಂಭವಾಯಿತು ಮತ್ತು ಎಂಸಿಎಕ್ಸ್‌ನಲ್ಲಿ ರೂ 79,099 ರ ಕನಿಷ್ಠ ಮಟ್ಟಕ್ಕೆ ತಲುಪಿತು. ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪ್ರತಿ ಔನ್ಸ್ ಬೆಲೆ 27.11 ಡಾಲರ್ ಆಸುಪಾಸಿನಲ್ಲಿತ್ತು.
ಹೆಚ್ಚುವರಿಯಾಗಿ, ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್‌ನ ಸರಕು ಮತ್ತು ಕರೆನ್ಸಿ ಮುಖ್ಯಸ್ಥರಾದ ಅನುಜ್ ಗುಪ್ತಾ ಅವರು, “ನಿನ್ನೆ ಮತ್ತೆ, ಚಿನ್ನದ ಬೆಲೆಗಳು 1.26% ರಷ್ಟು ಏರಿವೆ. 10 ಗ್ರಾಂಗೆ ರೂ. 69918 ತಲುಪಿ, MCX ಜೂನ್ ಒಪ್ಪಂದದ ಹೊಸ ಗರಿಷ್ಠ ಮಟ್ಟವನ್ನು ತಲುಪಿದೆ. ಬೆಳ್ಳಿ ಬೆಲೆ ಕೂಡ 2.56% ರಷ್ಟು ಏರಿಕೆಯಾಗಿದೆ. ಅಲ್ಲದೆ, MCX ಮೇ ಒಪ್ಪಂದದಲ್ಲಿ ಪ್ರತಿ ಕೆಜಿಗೆ ರೂ 79197 ರ ಹೊಸ ಗರಿಷ್ಠ ಮಟ್ಟವನ್ನು ತಲುಪಿದೆ” ಎಂದರು.
ಷೇರು ಪೇಟೆಯಲ್ಲಿ ಗೂಳಿಯ ಅಬ್ಬರ: ಜೀವಮಾನದ ಗರಿಷ್ಠ ಮಟ್ಟ ಮುಟ್ಟಿ ದಾಖಲೆ ಬರೆದ ಸೂಚ್ಯಂಕ