ಸಿಡ್ನಿ: ಯಾವುದೇ ವಸ್ತುವನ್ನಾಗಲಿ ಆಗಾಗ ಉಪಯೋಗಿಸುತ್ತಿರಬೇಕು ಮತ್ತು ಶುಚಿಯಾಗಿಟ್ಟುಕೊಳ್ಳಬೇಕು. ಇಲ್ಲವಾದಲ್ಲಿ ಏನಾದರೂ ಸಂಭವಿಸಬಹುದು ಎಂಬುದಕ್ಕೆ ಈ ಒಂದು ಘಟನೆ ಉದಾಹರಣೆಯಾಗಿದೆ. ಸುಮಾರು ಒಂದು ವಾರಗಳ ಕಾಲ ಉಪಯೋಗಿಸದೇ ಆಗೇ ಪಾರ್ಕ್ ಮಾಡಿದ್ದ ಕಾರನ್ನು ಚಲಾಯಿಸಲು ಮುಂದಾದ ಮಹಿಳೆಗೆ ಆಘಾತವೊಂದು ಎದುರಾಗಿತ್ತು.
ಆಸ್ಟ್ರೇಲಿಯಾದ ನ್ಯೂ ಸೌಥ್ ವೇಲ್ಸ್ನ ಅರ್ಮಿಡೇಲ್ ನಗರದ ಮಹಿಳೆ ತನ್ನ ಕಾರಿನ ಬಾಗಿಲು ಫೋಟೋವನ್ನು ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಒಂದು ವಾರಗಳ ಕಾಲ ಕಾರನ್ನು ಉಪಯೋಗಿಸಿರಲಿಲ್ಲ. ಆ ಬಳಿಕ ಕಾರಿನ ಚಾಲನೆಗೆ ಮುಂದಾಗಿ ಬಾಗಿಲು ತೆರೆಯಲು ಹೋದಾಗ ಡೋರ್ನ ಹ್ಯಾಂಡಲ್ ಒಳಗೆ ಕೂದಲು ಮಿಶ್ರಿತ ದೊಡ್ಡ ಗಾತ್ರದ ಜೇಡ ಪತ್ತೆಯಾಗಿದೆ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಹಳೇ ದೋಸ್ತಿ ಹೊಸ ಕುಸ್ತಿ: ತಾರಕಕ್ಕೇರಿದ ಕುಮಾರಸ್ವಾಮಿ, ಸಿದ್ದರಾಮಯ್ಯ ಜಟಾಪಟಿ
ಫೋಟೋದಲ್ಲಿ ಕಾರಿನ ಹ್ಯಾಂಡಲ್ ಕೆಳಗೆ ಒಂದು ನಿಗೂಢ ಜೀವಿ ಅಂಟಿಕೊಂಡಿರುವುದನ್ನು ಕಾಣಬಹುದಾಗಿದೆ. ಕೂದಲು ಮಿಶ್ರಿತ ಕಾಲು, ಸಾಮಾನ್ಯಕ್ಕಿಂತ ದೊಡ್ಡ ಗಾತ್ರದ ದೇಹದಿಂದಲೇ ಜೇಡವನ್ನು ಬ್ರ್ಯಾಂಡ್ ಹಂಟ್ಸ್ಮನ್ ಎಂದು ಗುರುತಿಸಲಾಗಿದೆ.
ಇನ್ನು ಫೋಟೋವನ್ನು 31 ಸಾವಿರಕ್ಕೂ ಹೆಚ್ಚು ಮಂದಿ ಆಸ್ಟ್ರೇಲಿಯನ್ ಸ್ಪೈಡರ್ ಹುಡುಕುವಿಕೆ ಫೇಸ್ಬುಕ್ ಪೇಜ್ನಲ್ಲಿ ಶೇರ್ ಮಾಡಿದ್ದಾರೆ. ಕಾರಿನ ಬಾಗಿಲು ತೆಗೆಯುವ ಮುನ್ನ ಒಮ್ಮೆ ಪರಿಶೀಲಿಸಿಕೊಳ್ಳಬೇಕು ಎಂಬುದು ಫೋಟೋ ನೋಡಿದ ಮೇಲೆ ತಿಳಿಯಿತು. ನಿಜಕ್ಕೂ ಜೇಡ ಭಯ ಹುಟ್ಟಿಸುವಂತಿದೆ ಎಂದು ಅನೇಕ ನೆಟ್ಟಿಗರು ತಮ್ಮದೇ ರೀತಿಯಲ್ಲಿ ಫೋಟೋ ಕುರಿತು ಕಾಮೆಂಟ್ ಮಾಡುತ್ತಿದ್ದಾರೆ. (ಏಜೆನ್ಸೀಸ್)
ಕಾರಿದ್ದ ವರ ಮದುವೆಗೆ ಬಂದಿದ್ದು ಟ್ರ್ಯಾಕ್ಟರ್ನಲ್ಲಿ! ಬೆಂಬಲವೆಂದರೆ ಹೀಗಿರಬೇಕೆಂದ ನೆಟ್ಟಿಗರು