ಸಿಡ್ನಿ: ಆಕಸ್ಮಿಕವಾಗಿ ಕ್ಯಾಂಪ್ ಫೈರ್ಗೆ ಬಿದ್ದ ಯುವತಿಯೊಬ್ಬಳ ಮುಖ ಸಂಪೂರ್ಣ ಸುಟ್ಟ ಹೋಗಿ ಮುಖ ಗುರುತು ಹಿಡಿಯದಷ್ಟು ವಿಕಾರವಾಗಿದ್ದು, ಆಕೆಯನ್ನು “ಜೋಂಬಿಯಾ” ಎಂದೇ ಕರೆಯುತ್ತಿದ್ದಾರೆ.
ಪ್ರಾಥಮಿಕ ಶಾಲಾ ಶಿಕ್ಷಕಿಯಾಗಿರುವ ಹೆಲಿಯಾ ಟೆನೆಂಟ್ (29) ಎಂಬಾಕೆ ಇದೀಗ ತನ್ನ ಗುರುತನ್ನೇ ಕಳೆದುಕೊಂಡು ದುಃಖದ ಕಡಲಲ್ಲಿ ಮುಳುಗಿದ್ದಾಳೆ. ಕರೊನಾ ಸಮಯದಲ್ಲಿ ಟೆನೆಂಟ್ ಹೀಗಾಗಿದ್ದು, ಕರೊನಾ ರೋಗಿಗಳೇ ತುಂಬಿ ಇತರೆ ರೋಗಿಗಳಿಗೆ ಚಿಕಿತ್ಸೆ ವಿರಳವಾಗಿರುವ ಸಮಯದಲ್ಲಿ ದಿನವೊಂದಕ್ಕೆ ಒಂದು ಗಂಟೆ ಮಾತ್ರ ಟೆನೆಂಟ್ ಚಿಕಿತ್ಸೆಗೆ ಸಮಯ ನೀಡಲಾಗಿತ್ತು. ಈಕೆ ಒಬ್ಬಳೇ ಹೊರ ರೋಗಿಯು ಆಗಿದ್ದಾಳು.
ಇದನ್ನೂ ಓದಿ: ಪೊಲೀಸ್ ಇಲಾಖೆಯಲ್ಲಿ ಪಾಕ್ ಪ್ರೇಮಿ: ವಾಟ್ಸಾಪ್ ಗ್ರೂಪ್ನಲ್ಲಿ ಪಾಕ್ ಪರ ಪೋಸ್ಟ್
ಆಸ್ಟ್ರೇಲಿಯಾದ ವಿಕ್ಟೋರಿಯಾದಲ್ಲಿರುವ ಹಾಟ್ಸ್ಪುರ್ ಮೂಲದ ನಿವಾಸಿಯಾಗಿರುವ ಟೆನೆಂಟ್ ಫ್ರೆಂಡ್ ಜತೆಗೆ ಸ್ವಯಂಪ್ರೇರಿತವಾಗಿ ಕ್ಯಾಂಪಿಂಗ್ ತೆರಳಿದ್ದರು. ರಾತ್ರಿ ಕ್ಯಾಂಪಿಂಗ್ ಫೈರ್ ಹಾಕಿದ್ದ ಸಮಯದಲ್ಲಿ ಆಕೆಯ ಕುರ್ಚಿ ಮೇಲೆ ಕುಳಿತಿದ್ದಾಗ ನಿದ್ರೆಯ ಮಂಪರಿನಿಂದ ತೂಕಡಿಸಿ ಉರಿಯುವ ಬೆಂಕಿಯ ಮೇಲೆ ಬೀಳುತ್ತಾಳೆ. ಈ ವೇಳೆ ಆಕೆಯ ಫ್ರೆಂಡ್ ನಿದ್ರೆಯಲ್ಲಿದ್ದರು.
ನರಳಾಡುವ ಧ್ವನಿ ಕೇಳಿ ಎಚ್ಚರಗೊಂಡ ಫ್ರೆಂಡ್ ಕ್ಯಾಂಪ್ ಫೈರ್ ಮೇಲೆ ಬಿದ್ದು ಒದ್ದಾಡುತ್ತಿದ್ದ ಟೆನೆಂಟ್ ನೋಡಿ ಗಾಬರಿಯಾಗಿ ಎಲ್ಲಿಗೂ ಕದಲದೆ ಗರಬಡಿದಂತೆ ನಿಂತಿರುತ್ತಾರೆ. ಇದರ ಬೆನ್ನಲ್ಲೇ ವಾಸ್ತವಕ್ಕೆ ಬಂದು ಓಡಿ ಹೋಗಿ ಬೆಂಕಿಯ ಮೇಲೆ ಬಿದ್ದಿದ್ದ ಟೆನೆಂಟ್ಳನ್ನು ಎಳೆದುಕೊಳ್ಳುತ್ತಾರೆ. ಬಳಿಕ ನೋವು ಕಡಿಮೆಯಾಗಲೆಂದು ಆಕೆಯ ಮೇಲೆ ತಣ್ಣನೆಯ ನೀರನ್ನು ಸುರಿಯುತ್ತಾರೆ.
ಇದನ್ನೂ ಓದಿ: ಮಗಳಿಗೆ ನಿಶ್ಚಯವಾಗಿದ್ದ ವರನಿಗೆ ಫೋನ್ ಮಾಡಿ ಮನೆಗೆ ಕರೆಸಿಕೊಂಡ ಮಹಿಳೆ ಹೀಗಾ ಮಾಡೋದು?
ಬಳಿಕ ಆಕೆಯನ್ನು ಮೆಲ್ಬೋರ್ನ್ನಲ್ಲಿ ಆಲ್ಫ್ರೆಡ್ ಆಸ್ಪತ್ರೆಗೆ ದಾಖಲಿಸುತ್ತಾರೆ. ಅಷ್ಟರಲ್ಲಾಗಲೇ ಆಕೆ ಕೋಮಾಗೆ ಜಾರಿರುತ್ತಾಳೆ. ಸುಮಾರು 8 ದಿನಗಳವರೆಗೆ ಕೋಮಾದಲ್ಲೇ ಇರುತ್ತಾಳೆ. ಕೋಮಾದಿಂದ ಎಚ್ಚರಗೊಂಡ ಬಳಿಕ ಆಕೆಯನ್ನು ಬರ್ನ್ ವಾರ್ಡ್ಗೆ ಸ್ಥಳಾಂತರಿಸಿ, ಸರ್ಜರಿ ಮಾಡುತ್ತಾರೆ. ಸುಮಾರು ಎರಡೂವರೆ ತಿಂಗಳು ಸರ್ಜರಿ ನಡೆಸಿದ್ದು, ಹಾನಿಗೊಳಗಾದ ಆಕೆಯ ಚರ್ಮವನ್ನು ತೆಗೆದುಹಾಕಿ, ಮುಖ, ಕುತ್ತಿಗೆ, ಕಣ್ಣುರೆಪ್ಪೆಗಳು ಮತ್ತು ಬಾಯಿಗೆ ಚರ್ಮದ ನಾಟಿ ಮಾಡಿದ್ದು, ಆಕೆಯ ಮುಖ ಸಂಪೂರ್ಣವಾಗಿ ಬದಲಾಗಿದೆ. (ಏಜೆನ್ಸೀಸ್)