ನವದೆಹಲಿ : ಫೋಟೋ ನೋಡಿದ ತಕ್ಷಣ ಇದೇನು ಮತ್ಸ್ಯಕನ್ಯೆಯೇ ಎಂದೆನಿಸಬಹುದು. ಒಂದು ರೀತಿಯಲ್ಲಿ ಹೌದು, ಆದರೂ ಇಲ್ಲ. ಸರಿಯಾಗಿ ನೋಡಿ, ಇದು ಬಾಲಿವುಡ್ ನಟಿ ಆಲಿಯಾ ಭಟ್. ಹೌದು, ಬೇಸಿಗೆಯ ಧಗೆ ಶುರುವಾಗುತ್ತಿರುವ ಈ ಸಂದರ್ಭದಲ್ಲಿ ತಮ್ಮ ಅಂಡರ್ವಾಟರ್ ಸ್ವಿಮ್ಮಿಂಗ್ ಪೋಸ್ನ ಫೋಟೋವನ್ನು ಆಲಿಯಾ ಹರಿಬಿಟ್ಟಿದ್ದಾರೆ.
ತಮ್ಮ ಇನ್ಸ್ಟಾಗ್ರಾಂ ಖಾತೆಯ ಪೋಸ್ಟ್ಗಳಿಗೆ ಲಕ್ಷಾಂತರ ಲೈಕುಗಳ ಸುರಿಮಳೆಗೈಯುವ ಅಭಿಮಾನಿಗಳೊಂದಿಗೆ ಆಲಿಯಾ ಆಗಾಗ ಹ್ಯಾಪಿ ಮೂಡ್ ಹಂಚಿಕೊಳ್ಳುತ್ತಿರುತ್ತಾರೆ. ಇಂದೂ ಹಾಗೇ… ವಾರಾಂತ್ಯದ ತಮ್ಮ ರಿಲ್ಯಾಕ್ಸ್ ಮೂಡ್ಅನ್ನು ಪ್ರದರ್ಶಿಸಲು ‘…ಇಟ್ ವಾಸ್ ದ ಬೆಸ್ಟ್ ಡೇ’ ಎಂದು ಕಾಮೆಂಟ್ ಹಾಕಿ ಬಿಕಿನಿಯಲ್ಲಿ ಈಜುತ್ತಿರುವ ಫೋಟೋವನ್ನು ಆಲಿಯಾ ಶೇರ್ ಮಾಡಿದ್ದಾರೆ.
View this post on Instagram
ಆಲಿಯಾರ ಈ ಪೋಸ್ಟ್ಗೆ ಒಂದು ಗಂಟೆಯಲ್ಲೇ 7 ಲಕ್ಷಕ್ಕೂ ಹೆಚ್ಚು ಲೈಕುಗಳ ಸುರಿಮಳೆಯಾಗಿದೆ. ಇತ್ತೀಚೆಗಷ್ಟೇ 28 ನೇ ಹುಟ್ಟಿದಹಬ್ಬವನ್ನು ಆಚರಿಸಿಕೊಂಡ ಆಲಿಯಾಗೆ ನೀರಿನ ಬಗ್ಗೆ ವಿಶೇಷ ಒಲವು ಅನಿಸುತ್ತದೆ. ಏಕೆಂದರೆ ಈ ಜಲವಿಹಾರದ ಫೋಟೋ ಅಲ್ಲದೆ, ಕೆಲವು ದಿನಗಳ ಹಿಂದೆ ಮಾಲ್ಡೀವ್ಸ್ಗೆ ಪ್ರವಾಸ ಹೋಗಿದ್ದಾಗಿನ ಬೀಚ್ ಫೋಟೋ ಕೂಡ ಅವರು ಶೇರ್ ಮಾಡಿದ್ದರು. (ಏಜೆನ್ಸೀಸ್)
ಮನೆ-ಸೈಟು ಮಾರಾಟದ ಮೋಸಕ್ಕೆ ಬ್ರೇಕ್! 100 ವಾರ್ಡ್‌ಗಳಲ್ಲಿ ಇ-ಆಸ್ತಿ ಸಾಫ್ಟ್ವೇರ್ ಜಾರಿ