ನವದೆಹಲಿ: ಇಡೇ ದೇಶವನ್ನು ತಾಲಿಬಾನ್ ಆಕ್ರಮಿಸಕೊಂಡ ಬೆನ್ನಲ್ಲೇ ಅಫ್ಘಾನಿಸ್ತಾನದಿಂದ ಪರಾರಿಯಾಗಿದ್ದ ಆಫ್ಘಾನ್ನ ಮಾಜಿ ಅಧ್ಯಕ್ಷ ಅಶ್ರಫ್ ಘನಿಗೆ ಯುನೈಟೆಡ್ ಅರಬ್ ಎಮಿರೆಟ್ಸ್ (ಯುಎಇ) ಮಾನವೀಯ ನೆಲೆಗಟ್ಟಿನಲ್ಲಿ ಬುಧವಾರ ಆತಿಥ್ಯವನ್ನು ನೀಡಿದೆ.
ಯುಎಇ ವಿದೇಶಾಂಗ ಸಚಿವಾಲಯ ಮತ್ತು ಅಂತಾರಾಷ್ಟ್ರೀಯ ಸಹಕಾರ ಇಲಾಖೆಯು ಈ ವಿಚಾರವನ್ನು ಖಚಿತಪಡಿಸಿದೆ. ಆಫ್ಘಾನ್ನ ಮಾಜಿ ಅಧ್ಯಕ್ಷ ಮತ್ತು ಅವರ ಕುಟುಂಬವನ್ನು ಮಾನವೀಯ ನೆಲೆಗಟ್ಟಿನಲ್ಲಿ ಸ್ವಾಗತಿಸುತ್ತದೆ ಎಂದು ಯುಎಇ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.
ತಾಲಿಬಾನಿಗಳು ಕಾಬೂಲ್ ಕಡೆ ಬರುತ್ತಿದ್ದಂತೆ ಅಶ್ರಫ್ ಘನಿ ಭಾನುವಾರ ಅಫ್ಘಾನಿಸ್ತಾನದಿಂದ ಕಾಲ್ಕಿತ್ತರು. ಇದರ ಬೆನ್ನಲ್ಲೇ ಓಡಿಹೋಗಿದ್ದಕ್ಕೆ ಫೇಸ್ಬುಕ್ನಲ್ಲಿ ಸ್ಪಷ್ಟನೆ ನೀಡಿದ ಘನಿ, ತಾಲಿಬಾನ್ ಜಯಿಸಿದೆ ಮತ್ತು ರಕ್ತದ ಪ್ರವಾಹವನ್ನು ತಪ್ಪಿಸಲು ಓಡಿಹೋಗಿದ್ದಾಗಿ ತಿಳಿಸಿದರು.
ಬುಧವಾರದವರೆಗೂ ಘನಿ ಎಲ್ಲಿದ್ದಾರೆ ಎಂಬ ಮಾಹಿತಿ ಯಾರಿಗೂ ತಿಳಿದಿರಲಿಲ್ಲ. ಇದರ ನಡುವೆ ಘನಿ ಅವರು ತಜಕಿಸ್ತಾನ, ಉಜ್ಬೇಕಿಸ್ತಾನ ಅಥವಾ ಒಮನ್ನಲ್ಲಿ ಇರಬಹುದು ಎಂದು ವರದಿಗಳಾಗಿದ್ದವು. ಇದೀಗ ಯುಎಇ ಅಧಿಕೃತವಾಗಿ ಹೇಳಿಕೆಯನ್ನೇ ಬಿಡುಗಡೆ ಮಾಡಿದ್ದು, ಘನಿ ಅವರಿಗೆ ಆತಿಥ್ಯವನ್ನು ನೀಡಿದೆ. (ಏಜೆನ್ಸೀಸ್)
ಸುನಂದಾ ಪುಷ್ಕರ್ ನಿಗೂಢ ಸಾವು ಪ್ರಕರಣದಿಂದ ಶಶಿ ತರೂರ್ ಖುಲಾಸೆ: ನಿಟ್ಟುಸಿರು ಬಿಟ್ಟ ಮಾಜಿ ಕೇಂದ್ರ ಸಚಿವ
VIDEO| ಪಾಕ್ ಟಿಕ್ಟಾಕರ್ ಬಟ್ಟೆ ಹರಿದು, ಎಳೆದಾಡಿದ ನೂರಾರು ಯುವಕರು! ಭಯಾನಕ ವಿಡಿಯೋ ವೈರಲ್
ನಮಗೆ ಸಹಾಯ ಮಾಡಲು ಪ್ರಧಾನಿ ಮೋದಿಯಿಂದ ಮಾತ್ರ ಸಾಧ್ಯ: ಭಾರತದ ಮೇಲೆ ಆಫ್ಘಾನ್ ಪ್ರಜೆಗಳ ಭರವಸೆ