ಬೆಂಗಳೂರು: ನವೆಂಬರ್ನಲ್ಲಿ ಶುರುವಾಗಿ, ಡಿಸೆಂಬರ್ನಲ್ಲಿ ಮುಕ್ತಾಯವಾದ ಪ್ರೇಮಾ ಅಭಿನಯದ ‘ವೆಡ್ಡಿಂಗ್ ಗಿಫ್ಟ್’ ಇದೀಗ ಬಿಡುಗಡೆಯ ಹಂತಕ್ಕೆ ಬಂದಿದೆ. ಜೂನ್ನಲ್ಲಿ ಚಿತ್ರವನ್ನು ಬಿಡುಗಡೆ ಮಾಡುವ ಯೋಚನೆ ನಿರ್ಮಾಪಕ-ನಿರ್ದೇಶಕ ವಿಕ್ರಂ ಪ್ರಭು ಅವರದ್ದು. ಅದಕ್ಕೂ ಮುನ್ನ, ಚಿತ್ರದ ಹಾಡುಗಳು ಇತ್ತೀಚೆಗೆ ಬಿಡುಗಡೆಯಾಯಿತು.
ಇದನ್ನೂ ಓದಿ: ನಗುವಿನ ಹೊಸ ಅಡ್ಡ, ಕಾಮಿಡಿ ಗ್ಯಾಂಗ್ಸ್
ಕೆಲವು ಹೆಣ್ಣುಮಕ್ಕಳು ಹೇಗೆ ಕಾನೂನನ್ನು ದುರ್ಬಳಕೆ ಮಾಡಿಕೊಳ್ಳುತ್ತಾರೆ ಎಂಬುದನ್ನು ಈ ಚಿತ್ರದ ಮೂಲಕ ಹೇಳುವುದಕ್ಕೆ ಹೊರಟಿದ್ದಾರಂತೆ ನಿರ್ದೇಶಕ ವಿಕ್ರಂ ಪ್ರಭು. “ಹಿಂದಿಯ “ಸೆಕ್ಷನ್ 375′ ಈ ಚಿತ್ರಕ್ಕೆ ಸ್ಫೂರ್ತಿ. ಹೇಗೆ ಕೆಲವು ಕಾನೂನುಗಳನ್ನು ತಮಗೆ ಬೇಕಾದ ರೀತಿ ದುರ್ಬಳಕೆ ಮಾಡಿಕೊಳ್ಳಲಾಗುತ್ತದೆ ಎಂದು ಹೇಳುವುದಕ್ಕೆ ಹೊರಟಿದ್ದೇವೆ. ಕಾನೂನಿನಲ್ಲಿರುವ ಲೂಪ್ಹೋಲ್ಗಳನ್ನು ಇಟ್ಟಿಕೊಂಡು ಗಂಡಂದಿರನ್ನು ಹೇಗೆ ಟ್ರಾಪ್ ಮಾಡಲಾಗುತ್ತದೆ ಎಂಬುದನ್ನು ಇಲ್ಲಿ ಹೇಳ ಹೊರಟಿದ್ದೇವೆ. ಇದು ಮಹಿಳೆಯರಿಗೆ ನಮ್ಮ ಕಾನೂನು ಕೊಟ್ಟಿರುವ ಒಂದು ಗಿಫ್ಟ್. ಅದೇ ಕಾರಣಕ್ಕೆ ಚಿತ್ರಕ್ಕೆ ‘ವೆಡ್ಡಿಂಗ್ ಗಿಫ್ಟ್’ ಎಂದು ಹೆಸರಿಟ್ಟಿದ್ದೇವೆ’ ಎಂದು ವ್ಯಾಖ್ಯಾನಿಸಿದರು ಅವರು.
‘ವೆಡ್ಡಿಂಗ್ ಗಿಫ್ಟ್’ ಹಾಡುಗಳನ್ನ ಬಿಡುಗಡೆ ಮಾಡಿ ಮಾತನಾಡಿದ ಪ್ರೇಮಾ, “ನಾನು ದುಡ್ಡಿಗಾಗಿ ಸಿನಿಮಾ ಮಾಡುವವಳಲ್ಲ. ಕಥೆ ಇಷ್ಟವಾದರೆ ಮಾತ್ರ ಒಂದು ಚಿತ್ರ ಒಪ್ಪುತ್ತೇನೆ. ವಿಕ್ರಂ ಪ್ರಭು ಹೇಳಿದ ಕಥೆ ಇಷ್ಟವಾಗಿ, ತಕ್ಷಣ ಒಪ್ಪಿಕೊಂಡೆ. ಚಿತ್ರ ಬಹಳ ಚೆನ್ನಾಗಿ ಮೂಡಿಬಂದಿದೆ’ ಎನ್ನುತ್ತಾರೆ.
ಇದನ್ನೂ ಓದಿ: ಈ ದಾಖಲೆ ಮುರಿಯಲು ಸಾಧ್ಯವಿಲ್ಲ…; ಡಾ.ರಾಜ್ ಉತ್ಸವ
ಛಾಯಾಗ್ರಾಹಕ ಉದಯ್ ಲೀಲಾ, ಸಂಗೀತ ನಿರ್ದೇಶಕ ಬಾಲಚಂದ್ರ ಪ್ರಭು, ಬಾ.ಮಾ. ಹರೀಶ್ ಮುಂತಾದವರು ಈ ಸಂದರ್ಭದಲ್ಲಿ ಹಾಜರಿದ್ದರು.
ಹುಡುಗಿಯರಿಗಾಗಿ ಡ್ರಗ್ಸ್ ಸೇವನೆ ಆರಂಭಿಸಿದ ಬಳಿಕ ಎದುರಾದ ಸಮಸ್ಯೆಗಳನ್ನು ಬಿಚ್ಚಿಟ್ಟ ಸಂಜಯ್ ದತ್!