ನವದೆಹಲಿ: ಫೋಬ್ಸ್ ನಿಯತಕಾಲಿಕ ಪ್ರಕಟಿಸುವ ವಿಶ್ವದ ಅತ್ಯಂತ ಶ್ರೀಮಂತ ನೂರು ಕ್ರೀಡಾಪಟುಗಳಲ್ಲಿ ಭಾರತದಿಂದ ವಿರಾಟ್ ಕೊಹ್ಲಿ ಮಾತ್ರ ಸ್ಥಾನ ಪಡೆದಿದ್ದಾರೆ. ಜತೆಗೆ, ಈ ಪಟ್ಟಿಯಲ್ಲಿರುವ ಏಕೈಕ ಕ್ರಿಕೆಟಿಗ ಕೂಡ ಕೊಹ್ಲಿ ಆಗಿದ್ದಾರೆ.
ಭಾರತೀಯ ಕ್ರಿಕೆಟ್ ತಂಡದ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಕಳೆದ ಒಂದು ವರ್ಷದಲ್ಲಿ ಗಳಿಸಿರುವ ಆದಾಯ 26 ಮಿಲಿಯನ್ ಡಾಲರ್ (ಅಂದಾಜು 196 ಕೋಟಿ ರೂ.) ಇದರಲ್ಲಿ 24 ಮಿಲಿಯನ್ ಜಾಹೀರಾತು ಆದಾಯವಾಗಿದ್ದರೆ (181 ಕೋಟಿ ರೂ.), 2 ಮಿಲಿಯನ್ ಡಾಲರ್ ( 15 ಕೋಟಿ ರೂ.) ಸಂಬಳ ಹಾಗೂ ಪ್ರಶಸ್ತಿ ಮೊತ್ತವಾಗಿದೆ ಎಂದು ಫೋಬ್ಸ್ ತಿಳಿಸಿದೆ.
ಇದನ್ನೂ ಓದಿ; ಪಿಯು ವಿದ್ಯಾರ್ಥಿಗಳಿಗೂ ಸಿಗಲಿದೆಯೇ ಉಚಿತ ಲ್ಯಾಪ್ಟಾಪ್…?
ಆದರೆ, ಕಳೆದ ಸಾಲಿಗೆ ಹೋಲಿಸಿದರೆ ವಿರಾಟ್ ಕೊಹ್ಲಿ ಸ್ಥಾನದಲ್ಲಿ ಭಾರಿ ಏರಿಕೆ ಕಂಡಿದೆ. ಈ ಬಾರಿ 30 ಸ್ಥಾನಗಳಷ್ಟು ಮೇಲೆ ಬಂದಿದ್ದು, 66ನೇ ಸ್ಥಾನದಲ್ಲಿದ್ದಾರೆ.
ಈ ಪಟ್ಟಿಯಲ್ಲಿ ಸ್ಥಾನ ಗಳಿಸಿದ ಏಕೈಕ ಕ್ರಿಕೆಟಿಗ ಎಂಬ ಹಿರಿಮೆ ಸತತ ಎರಡನೇ ವರ್ಷವೂ ಕೊಹ್ಲಿಯದ್ದಾಗಿದೆ. ಕಳೆದ ಬಾರಿ ಬೇರಾವ ಕ್ರಿಕೆಟಿಗನೂ ಅಗ್ರ 100ರ ಪಟ್ಟಿಗೆ ಸೇರಿರಲಿಲ್ಲ.
ಕ್ರೀಡಾಪಟುಗಳು 2019ರ ಜೂನ್ನಿಂದ 2020ರ ಜೂನ್ವರೆಗೆ ಗಳಿಸಿದ ಪ್ರಶಸ್ತಿ ಮೊತ್ತ, ಸಂಬಳ, ಒಪ್ಪಂದಗಳು ಜಾಹೀರಾತು ಆದಾಯಗಳನ್ನು ಪರಿಗಣನೆಗೆ ತೆಗೆದುಕೊಳ್ಳಲಾಗುತ್ತದೆ. ಕಳೆದ ವರ್ಷ ಈ ಪಟ್ಟಿಯಲ್ಲಿ ಕೊಹ್ಲಿ 100ನೇ ಸ್ಥಾನದಲ್ಲಿದ್ದರು.
ಇದನ್ನೂ ಓದಿ; ಬುಕ್ ಅಲ್ಲ, ಟ್ಯಾಬ್ ಹಿಡಿದು ಹೋಗಬೇಕಿಗ ಶಾಲೆಗೆ; ಆನ್ಲೈನ್ ಮೋಡ್ಗೆ ಶಿಫ್ಟ್ ಆದ ಶಿಕ್ಷಣ
ಪ್ರತಿ ವರ್ಷವೂ ಫುಟ್ಬಾಲ್ ಆಟಗಾರರೇ ಈ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿರುತ್ತಿದ್ದರು. ಇದೇ ಮೊದಲ ಬಾರಿಗೆ ಟೆನಿಸ್ ಆಟಗಾರ ರೋಜರ್ ಫೆಡರರ್ 802 ಕೋಟಿ ರೂ. ಆದಾಯದೊಂದಿಗೆ ಮೊದಲ ಸ್ಥಾನದಲ್ಲಿದ್ದಾರೆ. ನಂತರದಲ್ಲಿ 793 ಕೋಟಿ ರೂ.ಗಳೊಂದಿಗೆ ಫುಟ್ಬಾಲ್ ಆಟಗಾರ ಕ್ರಿಸ್ಚಿಯಾನೋ ರೊನಾಲ್ಡೊ ಎರಡನೇ ಸ್ಥಾನಕ್ಕೆ ಇಳಿದಿದ್ದಾರೆ. ನಂತರದಲ್ಲಿ ಲಿಯೊನೆಲ್ ಮೆಸ್ಸಿ 785 ಕೋಟಿ ರೂ.ಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ. ಬ್ರೆಜಿಲ್ನ ನೇಮಾರ್ 721 ಕೋಟಿ ರೂ. ಒಡೆಯರಾಗಿ ನಾಲ್ಕನೇ ಸ್ಥಾನ ಪಡೆದುಕೊಂಡಿದ್ದಾರೆ.