ಮುಂಬೈ: ಇತ್ತೀಚೆಗೆ, ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ತಮ್ಮ ಪತಿ ವಿರಾಟ್ ಕೊಹ್ಲಿ ಜತೆ ವಿದೇಶಗಳಲ್ಲಿ ಕ್ರಿಕೆಟ್ ಸರಣಿಗಳನ್ನು ನೋಡಲು ಹಲವು ಪ್ರವಾಸಗಳನ್ನು ಕೈಗೊಳ್ಳುತ್ತಿದ್ದಾರೆ. ಆದರೆ, ಇದೀಗ ಕ್ರಿಕೆಟ್ನಿಂದ ಕೆಲವು ದಿನಗಳ ಕಾಲ ರಜೆ ತೆಗೆದುಕೊಂಡಿರುವ ವಿರಾಟ್ ತಮ್ಮ ಕುಟುಂಬದೊಂದಿಗೆ ಕಾಲ ಕಳೆಯುತ್ತಿದ್ದಾರೆ. ಇಂದು ಈ ತಾರಾ ಜೋಡಿ ಒಂದು ಚಿತ್ರೀಕರಣದ ಸೆಟ್ನಲ್ಲಿ ಜತೆಯಾಗಿ ಕಾಣಿಸಿಕೊಂಡಿದ್ದು, ಈ ಸಂದರ್ಭದ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ. ಹೌದು, ಮುಂಬೈನ ಮೆಹ್ಬೂಬ್ ಸ್ಟುಡಿಯೋದಲ್ಲಿ ವಿರಾಟ್, ಅನುಷ್ಕಾ ಜಾಹಿರಾತೊಂದರ ಚಿತ್ರೀಕರಣಕ್ಕೆಂದು ರೆಡಿಯಾಗಿದ್ದರು. ಈ ಶೂಟ್ನ ಅಂಗವಾಗಿ ವಿರಾಟ್ ಕೊಹ್ಲಿ ಒಂದು ಟರ್ಬನ್ ಧರಿಸಿ ಕಾಣಿಸಿಕೊಂಡಿದ್ದು, ಅನುಷ್ಕಾ ಅವರು ಒಂದು ಸಿಂಪಲ್ ಕುರ್ತಿನಲ್ಲಿ ಮಿಂಚುತ್ತಿದ್ದರು.
ಇದನ್ನು ಕಂಡ ಅಭಿಮಾನಿಗಳು ಜಾಹಿರಾತಿನಲ್ಲಿ ವಿರಾಟ್ ಸಿಖ್ ಪಾತ್ರವೊಂದನ್ನು ನಿರ್ವಹಿಸುತ್ತಿರಬಹುದು ಎಂದು ಭಾವಿಸ ತೊಡಗಿದ್ದಾರೆ. ಇನ್ನು, ವಿರಾಟ್ ಮತ್ತು ಅನುಷ್ಕಾ ಅವರ ಗೆಟಪ್ಗಳಿಗೆ ಅಭಿಮಾನಿಗಳು ತುಂಬಾ ಮಜವಾಗಿ ಪ್ರತಿಕ್ರಿಯಿಸಿದ್ದಾರೆ. ವಿರಾಟ್ ಹಾಗೂ ಅನುಷ್ಕಾ ಅವರ ಹೊಸ ಗೆಟಪ್ ನೋಡಿದ ಅಭಿಮಾನಿಗಳು ಅನುಷ್ಕಾ ಮತ್ತು ಶಾರುಖ್ ನಟಿಸಿದ್ದ ‘ರಬ್ನೆ ಬನಾದಿ ಜೋಡಿ’ಯನ್ನು ನೆನಪಿಸಿಕೊಂಡಿದ್ದು, ಆ ಸಿನಿಮಾದ ಎರಡನೇ ಭಾಗವಿದು ಎಂದು ಕಾಮೆಂಟ್ಗಳ ಸುರಿ ಮಳೆ ಸುರಿಸಿದ್ದಾರೆ. ಇನ್ನೊಬ್ಬ ಅಭಿಮಾನಿ ಅಂತೂ, ವಿರಾಟ್ಗೆ ‘ಕ್ರಿಕೆಟ್ ಬಿಟ್ಟು ಇದನ್ನೇ ಮಾಡಿ’ ಎಂದು ವಿನಂತಿಸಿದ್ದಾರೆ. ಸದ್ಯ, ಈ ತಾರಾ ಜೋಡಿಯ ಹೊಸ ಗೆಟಪ್ನ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸುತ್ತಿವೆ.
‘ಟೈಟಾನಿಕ್’ ಪೋಸ್ಗಾಗಿ ಈ ಮೂವರು ತಾರೆಯರು ಬದಲಾಗಿದ್ದು ಹೇಗೆ? ವಿಡಿಯೋ ವೈರಲ್…
ಸಾವಿರಾರು ಅಭಿಮಾನಿಗಳನ್ನು ಆಂಧ್ರದಲ್ಲಿ ಕಂಡು ದಿಲ್ ಖುಷ್ ಆದ ಸಮಂತಾ! ಫೋಟೋಗಳು ವೈರಲ್…
‘ಭೀಮ್ಲಾ ನಾಯಕ್’ನಲ್ಲಿ ಸುದೀಪ್ ನಟಿಸದಿರುವುದು ಒಳ್ಳೇದಾಯ್ತು ಎಂದ ಅಭಿಮಾನಿಗಳು! ಕಾರಣ?