ಬೆಂಗಳೂರು: ಡಾ. ವಿಜಯ ಸಂಕೇಶ್ವರ ಜೀವನಾಧಾರಿತ ‘ವಿಜಯಾನಂದ’ ಚಿತ್ರದ ಟ್ರೇಲರ್ಗೆ ಎಲ್ಲೆಡೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಕನ್ನಡಿಗರು, ಕನ್ನಡದ ಸಾಧಕನ ಕುರಿತು ಮಾಡಿರುವ ಕನ್ನಡದ ಪ್ರಪ್ರಥಮ ಪ್ಯಾನ್ ಇಂಡಿಯಾ ಸಿನಿಮಾ ಎಂಬ ಹೆಗ್ಗಳಿಕೆ ಚಿತ್ರಕ್ಕೆ ಸಲ್ಲುತ್ತದೆ. ನ. 19ರಂದು ಬಿಡುಗಡೆಯಾದ ಚಿತ್ರದ ಟ್ರೇಲರ್ ಕೇವಲ ನಾಲ್ಕು ದಿನಗಳಲ್ಲಿ 1.26 ಕೋಟಿ ಮಂದಿ ವೀಸಿ, ಮೆಚ್ಚಿಕೊಂಡಿದ್ದಾರೆ.
ಇದನ್ನೂ ಓದಿ: ಆಶಿಕಾಗೆ ಆಶಿಕಾ ಪೈಪೋಟಿ; ಒಂದೇ ದಿನ ಎರಡು ಚಿತ್ರಗಳ ಬಿಡುಗಡೆ
ಅದಕ್ಕೂ ಮುನ್ನ ಬಿಡುಗಡೆಯಾಗಿದ್ದ ಚಿತ್ರದ ಟೀಸರ್ ಮತ್ತು ‘ಹಾಗೆ ಆದ ಆಲಿಂಗನ…’ ಹಾಡು ಕೂಡ ತಲಾ ಎರಡು ಕೋಟಿ ಬಾರಿ ವೀಕ್ಷಣೆಯಾಗಿದ್ದವು. ಆನಂದ್ ಆಡಿಯೋ ಯೂಟ್ಯೂಬ್ ಚಾನಲ್ನಲ್ಲಿ ಬಿಡುಗಡೆಯಾಗಿರುವ ‘ವಿಜಯಾನಂದ’ ಚಿತ್ರದ ಕನ್ನಡ ಟ್ರೇಲರ್ಗೆ 42 ಲಕ್ಷ ವೀವ್ಸ್, ತೆಲುಗು ಅವತರಣಿಕೆಗೆ 31 ಲಕ್ಷ, ತಮಿಳು ವರ್ಷನ್ಗೆ 22 ಲಕ್ಷ ವೀವ್ಸ್, ಹಿಂದಿ ಟ್ರೇಲರ್ಗೆ 19 ಲಕ್ಷ ವೀವ್ಸ್ ಹಾಗೂ ಮಲಯಾಳಂ ಭಾಷೆಯಲ್ಲಿ 12 ಲಕ್ಷ ಮಂದಿ ಟ್ರೇಲರ್ ಸಿಕ್ಕಿದೆ. ಆ ಮೂಲಕ ಐದೂ ಭಾಷೆಗಳಿಂದ ಟ್ರೇಲರ್ಅನ್ನು 1.26 ಕೋಟಿಗೂ ಹೆಚ್ಚು ಮಂದಿ ವೀಸಿದ್ದಾರೆ.
ವಿಆರ್ಎಲ್ ಪ್ರೊಡಕ್ಷನ್ಸ್ ಬ್ಯಾನರ್ನಲ್ಲಿ ಡಾ. ಆನಂದ ಸಂಕೇಶ್ವರ ನಿರ್ಮಿಸಿರುವ ‘ವಿಜಯಾನಂದ’ ಚಿತ್ರಕ್ಕೆ ರಿಷಿಕಾ ಶರ್ಮಾ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಡಿ. 9ರಂದು ವಿಶ್ವದಾದ್ಯಂತ 1600ಕ್ಕೂ ಹೆಚ್ಚು ಸ್ಕ್ರೀನ್ಗಳಲ್ಲಿ ‘ವಿಜಯಾನಂದ’ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: ಆರೋಗ್ಯದಲ್ಲಿ ಏರುಪೇರು; ಆಸ್ಪತ್ರೆಗೆ ದಾಖಲಾದ ರಿಯಲ್ ಸ್ಟಾರ್ ಉಪೇಂದ್ರ
ಇನ್ನು, ಚಿತ್ರದ ಪ್ಯಾನ್ ಇಂಡಿಯಾ ಪ್ರಚಾರ ಪ್ರಾರಂಭವಾಗಿದ್ದು, ಈ ಪ್ರಚಾರದಲ್ಲಿ ವಿಆರ್ಎಲ್ ಸಮೂಹ ಸಂಸ್ಥೆಯ ಎಂಡಿ ಡಾ. ಆನಂದ ಸಂಕೇಶ್ವರ, ನಾಯಕ ನಿಹಾಲ್, ನಾಯಕಿ ಸಿರಿ ಪ್ರಹ್ಲಾದ್, ನಟರಾದ ಭರತ್ ಬೋಪಣ್ಣ ಸದ್ಯ ಬಿಜಿಯಾಗಿದ್ದಾರೆ. ನ. 22ರಂದು ಗುಜರಾತ್ನ ಅಹಮದಾಬಾದ್ ಮತ್ತು 23ರಂದು ಉತ್ತಪ್ರದೇಶದ ರಾಜಧಾನಿ ಲಖ್ನೌನಲ್ಲಿ ಪ್ರಚಾರ ಮಾಡಿರುವ ಚಿತ್ರತಂಡ, ಇಂದು ಮಧ್ಯಪ್ರದೇಶದ ಇಂದೋರ್ನಲ್ಲಿ ಪ್ರಚಾರ ನಡೆಸಲಿದೆ.