ಚೆನ್ನೈ: ಕಳೆದ ತಿಂಗಳು ಕಾಲಿವುಡ್ ನಟ ಸೇತುಪತಿ ಸೋಷಿಯಲ್ ಮೀಡಿಯಾದಲ್ಲಿ ಒಂದು ಫೋಟೋ ಹಂಚಿಕೊಂಡಿದ್ದರು. ಆ ಫೋಟೋ ನೋಡಿದವರೆಲ್ಲ ಸಾಕಷ್ಟು ಆಶ್ಚರ್ಯಪಟ್ಟಿದ್ದರು. ಏಕೆಂದರೆ, ವಿಜಯ್ ಸೇತುಪತಿ ಅದರಲ್ಲಿ ಸಾಕಷ್ಟು ತೂಕ ಇಳಿಸಿಕೊಂಡು ಸ್ಲಿಮ್ ಅಂಡ್ ಟ್ರಿಮ್ ಆಗಿದ್ದರು. ಹಾಗಾಗಿ, ಎಲ್ಲರೂ ಅವರ ಬಗ್ಗೆ ಮೆಚ್ಚಿ ಮಾತನಾಡಿದ್ದಾರೆ.
ಇದನ್ನೂ ಓದಿ: ಬಾಲಿವುಡ್ಗೆ ಎಂಟ್ರಿ ಕೊಡುವುದಕ್ಕೆ ರೆಡಿಯಾಗಿದ್ದಾಳೆ ರವೀನಾ ಟಂಡನ್ ಮಗಳು
ಹೀಗೆ ಎಲ್ಲರೂ ಮೆಚ್ಚಿ ಮಾತನಾಡಿರುವುದು ವಿಜಯ್ ಸೇತುಪತಿಗೆ ಬಹಳ ಖುಷಿ ತಂದಿದೆ. ಈ ಖುಷಿಯಿಂದಲೇ ಅವರೊಂದು ತೀರ್ಮಾನಕ್ಕೆ ಬಂದಿದ್ದಾರೆ. ಮುಂದೆ ಯಾವತ್ತೂ ದಪ್ಪ ಆಗಬಾರದು ಎಂದು ನಿರ್ಧರಿಸಿದ್ದಾರೆ.
ಈ ಕುರಿತು ಮಾತನಾಡಿರುವ ಅವರು, ‘ಅಭಿಮಾನಿಗಳು ಮಾಡಿದ ಕಾಮೆಂಟ್ಗಳನ್ನು ಮರೆಯುವುದಕ್ಕೆ ಸಾಧ್ಯವೇ ಇಲ್ಲ. ಬಹಳಷ್ಟು ಜನ ನಾನು ತೂಕ ಕಡಿಮೆ ಮಾಡಿಕೊಂಡಿದ್ದರ ಬಗ್ಗೆ ಒಳ್ಳೆಯ ಮಾತುಗಳನ್ನಾಡಿದ್ದರು. ಸಾಮಾನ್ಯವಾಗಿ ನಾನುಯ ವರ್ಕೌಟ್ ಮಾಡುವುದು ರಾತ್ರಿ ಹೊತ್ತು. ಕೆಲವೊಮ್ಮೆ ಶೂಟಿಂಗ್ ಒತ್ತಡದಲ್ಲಿ ವರ್ಕೌಟ್ ಮಾಡುವುದಕ್ಕೆ ಆಗುವುದಿಲ್ಲ. ಜನರ ಮಾತು ಕೇಳಿ ಇನ್ನು ಮುಂದೆ ಪ್ರತಿದಿನ ಜಿಮ್ಗೆ ಹೋಗಬೇಕು ಎಂದು ನಿರ್ಧರಿಸಿದ್ದೇನೆ. ಯಾವುದೇ ಕಾರಣಕ್ಕೂ ಮಿಸ್ ಮಾಡಬಾರದು ಎಂಬ ತೀರ್ಮಾನಕ್ಕೆ ಬಂದಿದ್ದೇನೆ’ ಎನ್ನುತ್ತಾರೆ ಅವರು.
ಇದನ್ನೂ ಓದಿ: ಬಾಲಿವುಡ್ಗೆ ಎಂಟ್ರಿ ಕೊಡುವುದಕ್ಕೆ ರೆಡಿಯಾಗಿದ್ದಾಳೆ ರವೀನಾ ಟಂಡನ್ ಮಗಳು
‘ಫರ್ಜಿ’ ಎಂಬ ಹಿಂದಿ ವೆಬ್ ಸೀರೀಸ್ ಅಲ್ಲಿ ನಟಿಸಿರುವ ವಿಜಯ್ ಸೇತುಪತಿ, ಅದಲ್ಲದೆ ಶಾರುಖ್ ಖಾನ್ ಅಭಿನಯದ ‘ಜವಾನ್’ ಚಿತ್ರದಲ್ಲಿ ವಿಲನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.