ಕೋವಿಡ್-19 ಸೋಂಕು ಎಂದರೆ ಬಹಳ ಜನ ಭಯಭೀತರಾಗುತ್ತಾರೆ. ಅವರ ಜತೆಗೆ ಮಾತನಾಡುವುದಕ್ಕೂ ಅಂಜುತ್ತಾರೆ. ಇತ್ತೀಚೆಗೆ ಮಹಾರಾಷ್ಟ್ರದಲ್ಲಿ ಕೋವಿಡ್ ಸೋಂಕಿತರಿಗೆ ಚಿಕಿತ್ಸೆ ನೀಡಲು ಹೊಸ ಉಪಾಯವೊಂದನ್ನು ಕಂಡುಕೊಂಡಿದ್ದಾರೆ. ಮುಂಬೈನ ವರ್ಲಿಯಲ್ಲಿರುವ ಪೊದಾರ್ ಆಸ್ಪತ್ರೆಯಲ್ಲಿ ಕೋವಿಡ್ ಸೋಂಕಿತರಿಗೆ ಔಷಧ, ಊಟ, ನೀರು ಕೊಡುವುದಕ್ಕೆ ನರ್ಸ್ಗಳ ಬದಲು ಟ್ರಾಲಿ ಮಾದರಿಯ ರಿಮೋಟ್ ಕಂಟ್ರೋಲ್ ಆಧಾರಿತ ಗೊಲ್ಲಾರ್ ಎಂಬ ರೋಬಾಟ್ ಬಳಕೆಯಾಗುತ್ತಿದೆ. ಕೋವಿಡ್ ಸೋಂಕಿನ ಲಕ್ಷಣಗಳು ಕಂಡುಬಂದವರನ್ನು ಈ ಆಸ್ಪತ್ರೆಯಲ್ಲಿ ಕ್ವಾರಂಟೈನ್ ಮಾಡಲಾಗಿದೆ.
ಅಂಥ ಶಂಕಿತರ ಜತೆಗೆ ನೇರ ಸಂಪರ್ಕ ಹೊಂದುವುದನ್ನು ತಪ್ಪಿಸಲು ಈ ಬಗೆಯ ರೋಬಾಟ್ಗಳನ್ನು ಬಳಸಲಾಗುತ್ತಿದೆ. ಕ್ವಾರಂಟೈನ್ ವಾರ್ಡ್ನಲ್ಲಿ ರೋಬಾಟ್ ಸಾಗುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.