ನವದೆಹಲಿ: ಕರೊನಾ ಹಿನ್ನೆಲೆಯಲ್ಲಿ ಉಂಟಾದ ಪರಿಸ್ಥಿತಿಯ ಕಾರಣದಿಂದಾಗಿ ಡಿಜಿಟಲ್ ಲೋಕದಲ್ಲಿ ಭಾರಿ ಬೆಳವಣಿಗೆಗಳು ಆಗುತ್ತಿದ್ದು, ಮೆಸೇಜಿಂಗ್ ಹಾಗೂ ಸೋಷಿಯಲ್ ಮೀಡಿಯಾ ಕುರಿತಾದ ಆ್ಯಪ್ಗಳಲ್ಲೂ ಭಾರಿ ಅಪ್ಡೇಟ್ಸ್ ಆಗುತ್ತಿವೆ. ಮೊನ್ನೆಮೊನ್ನೆಯಷ್ಟೇ ವಾಟ್ಸ್ಆ್ಯಪ್ ಮಹತ್ವದ ಅಪ್ಡೇಟ್ವೊಂದನ್ನು ಕೊಟ್ಟಿದ್ದು, ಫೇಸ್ಬುಕ್ ಕೂಡ ಸದ್ಯದಲ್ಲೇ ಹೊಸದೇನನ್ನೋ ಕೊಡುವುದಾಗಿ ಘೋಷಿಸಿದೆ. ಈಗ ಟ್ವಿಟರ್ ಸಹ ಹೊಸದೊಂದು ಅಪ್ಡೇಟ್ ಕೊಟ್ಟಿದ್ದು, ಟ್ವಿಟರ್ನಲ್ಲಿ ‘ಲವ್’ ಗೊಂದಲ ಪರಿಹಾರವಾಗಲಿದೆ.
ಅಂದರೆ ಸದ್ಯ ಟ್ವಿಟರ್ನಲ್ಲಿ ಯಾವುದೇ ಟ್ವೀಟ್ ಅಥವಾ ರಿಪ್ಲೈಗೆ ಯಾರಾದರೂ ಅಸಮಾಧಾನ ಅಥವಾ ಅಸಮ್ಮತಿ ಸೂಚಿಸುವುದು ಸಾಧ್ಯವಿಲ್ಲ. ಯಾವುದೇ ಟ್ವೀಟ್ ಅಥವಾ ರಿಪ್ಲೈಯನ್ನು ಸುಮ್ಮನೆ ಮುಟ್ಟಿದರೂ ಅದು ಲವ್ ಆಗಿ ಅಂದರೆ ಹಾರ್ಟ್ ಸಿಂಬಲ್ ಥರ ಬರುವುದರಿಂದ ಎಲ್ಲವೂ ಮೆಚ್ಚುಗೆ ಎಂದೇ ಬಿಂಬಿತವಾಗುತ್ತಿದೆ. ಪರಿಣಾಮವಾಗಿ ಯಾವುದೇ ಒಂದು ಟ್ವೀಟ್ ಅಥವಾ ರಿಪ್ಲೈಗೆ ಅಸಮಾಧಾನ ಅಥವಾ ಅಸಮ್ಮತಿ ಸೂಚಿಸಬೇಕಿದ್ದರೆ ಅದಕ್ಕೆ ಪ್ರತಿಯಾಗಿ ನೆಗೆಟಿವ್ ಆಗಿ ರಿಪ್ಲೈ ಮಾಡಬೇಕಿದೆಯೇ ಹೊರತು ಜಸ್ಟ್ ರಿಯಾಕ್ಷನ್ನಿಂದ ಅದನ್ನು ವ್ಯಕ್ತಪಡಿಸಲು ಸಾಧ್ಯವಿಲ್ಲ.
ಇದನ್ನೂ ಓದಿ: ಇವರು ಸಾಮಾನ್ಯ ಖದೀಮರಲ್ಲ; ಒಂದೇ ಖಾತೆಗೆ 102 ಬಾರಿ ಕನ್ನ ಹಾಕಿದ್ದರು, ತಮ್ಮದೇ ಹೆಸರಲ್ಲಿ 50 ಖಾತೆ ತೆರೆದಿದ್ದರು!
ಆದರೆ ಟ್ವಿಟರ್ ಈಗ ಇದಕ್ಕೆ ಒಂದು ಪರಿಹಾರ ಒದಗಿಸುತ್ತಿದ್ದು, ಅಪ್ವೋಟ್ ಹಾಗೂ ಡೌನ್ವೋಟ್ ಆಪ್ಷನ್ ಕೂಡ ಕೊಡಲು ಮುಂದಾಗಿದೆ. ಹೀಗಾಗಿ ಇನ್ನುಮುಂದೆ ನಮ್ಮ ಟ್ವೀಟ್ ಅಥವಾ ರಿಪ್ಲೈ ಎಷ್ಟು ಮಂದಿ ಒಪ್ಪಿದ್ದಾರೆ ಅಥವಾ ಒಪ್ಪಿಲ್ಲ ಎಂಬುದು ನೆಟ್ಟಿಗರ ರಿಯಾಕ್ಷನ್ನಿಂದಲೂ ತಿಳಿಯಲಿದೆ. ಸದ್ಯ ಇದನ್ನು ಐಫೋನ್ ಆಪರೇಟಿಂಗ್ ಸಿಸ್ಟಮ್ನಲ್ಲಿ ಟ್ವಿಟರ್ ಟ್ರಯಲ್ ನೋಡುತ್ತಿದ್ದು, ಸದ್ಯದಲ್ಲೇ ಎಲ್ಲರಿಗೂ ಈ ಅಪ್ಡೇಟ್ ಕೊಡಲಿದೆ.
ಅಲ್ಲದೆ ಇದು ಸದ್ಯ ಪ್ರಯೋಗವಷ್ಟೇ ಎಂದಿರುವ ಟ್ವಿಟರ್, ಇದು ಡಿಸ್ಲೈಕ್ ಬಟನ್ ಅಲ್ಲ. ಏಕೆಂದರೆ ಈ ಡೌನ್ವೋಟ್ಸ್ ಪಬ್ಲಿಕ್ ಆಗಿ ಕಾಣಿಸುವುದಿಲ್ಲ, ಸಂಬಂಧಿತ ಟ್ವಿಟರ್ ಹ್ಯಾಂಡಲ್ನವರಿಗಷ್ಟೇ ಕಾಣಿಸುತ್ತದೆ. ಅಲ್ಲದೆ ಈ ವೋಟ್ಗಳು ರಿಪ್ಲೈ ಆರ್ಡರ್ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದೂ ಟ್ವಿಟರ್ ಹೇಳಿದೆ. ಅಂದಹಾಗೆ ಇದು ಸದ್ಯ ರಿಪ್ಲೈಗೆ ಮಾತ್ರವೋ ಅಥವಾ ಟ್ವೀಟ್-ರಿಟ್ವೀಟ್ಗೂ ಅನ್ವಯಿಸುತ್ತದೋ ಎಂಬುದರ ಬಗ್ಗೆ ಟ್ವಿಟರ್ ಇನ್ನೂ ಸ್ಪಷ್ಟವಾಗಿ ತಿಳಿಸಿಲ್ಲ. (ಏಜೆನ್ಸೀಸ್)
ಬ್ಲೂ ಫಿಲ್ಮ್ ಕೇಸ್ನಲ್ಲಿ ಪತಿ ಅರೆಸ್ಟ್; ನಟಿ ಶಿಲ್ಪಾ ಶೆಟ್ಟಿ ‘ಚಾಪ್ಟರ್’ ಕ್ಲೋಸ್?
ಇನ್ನು ಸ್ಮಾರ್ಟ್ಫೋನ್ ಇಲ್ಲದೆ ವಾಟ್ಸ್ಆ್ಯಪ್ ಬಳಸಬಹುದು; ಬೀಟಾ ಯೂಸರ್ಸ್ಗೆ ಹೊಸ ಆಪ್ಷನ್!
ವಧುವಿಗೆ ಹತ್ತನೇ ಕ್ಲಾಸು, ವರನಿಗೆ 30 ವರ್ಷ; ಬಾಲ್ಯವಿವಾಹ ಮಾಡಿಸಿದವರೆಲ್ಲರ ಬಂಧನ..