ನವದೆಹಲಿ: ಸುಮಾರು ಐದು ವರ್ಷಗಳ ವಿರಾಮದ ಬಳಿಕ “ಪಠಾಣ್” ಅವತಾರದಲ್ಲಿ ಬೆಳ್ಳಿತೆರೆಯ ಮೇಲೆ ಅಬ್ಬರಿಸುತ್ತಿರುವ ಶಾರುಖ್ ಖಾನ್, ಸಾಲು ಸಾಲು ಸೋಲುಗಳು ಬಳಿಕ ಮತ್ತೆ ಗೆಲುವಿನ ಲಯಕ್ಕೆ ಮರಳಿದ್ದಾರೆ. ವಿಶ್ವದಾದ್ಯಂತ ಬರೋಬ್ಬರಿ 700 ಕೋಟಿ ರೂ. ಗೂ ಅಧಿಕ ಹಣ ಗಳಿಸುವ ಮೂಲಕ ಬಾಕ್ಸ್ಆಫೀಸ್ನಲ್ಲಿ ಪಠಾಣ್ ಹೊಸ ದಾಖಲೆ ಬರೆದಿದೆ.
ಸಿನಿಮಾ ನೋಡಿದ ಪ್ರತಿಯೊಬ್ಬರು ಕಿಂಗ್ ಖಾನ್ ಶಾರುಖ್ ಅವರ ಅಭಿನಯಕ್ಕೆ ಮನಸೋತಿದ್ದಾರೆ. ಈ ವಯಸ್ಸಿನಲ್ಲೂ ಹುರಿಯಾದ ಸದೃಢ ದೇಹವನ್ನು ಶಾರುಖ್ ನಿರ್ವಹಿಸುವ ರೀತಿಯನ್ನು ಕಂಡು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಎಲ್ಲರಿಗೂ ಸಿನಿಮಾ ಇಷ್ಟ ಅಗಿದೆ. ಆದರೆ, ಇಲ್ಲೊಂದು ಮಗುವಿಗೆ ಪಠಾಣ್ ಸಿನಿಮಾ ಇಷ್ಟ ಆಗಿಲ್ಲವಂತೆ. ಮಗುವಿನ ಹೇಳಿಕೆಗೆ ಮನಸೋತಿರುವ ಶಾರುಖ್ ಮಗುವಿನಷ್ಟೇ ಮುದ್ದಾಗಿ ಪ್ರತಿಕ್ರಿಯೆ ನೀಡಿದ್ದಾರೆ.
ಅಭಿಷೇಕ್ ಕುಮಾರ್ ಎಂಬುವರು ಟ್ವಿಟರ್ನಲ್ಲಿ ವಿಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ. ಅದರಲ್ಲಿ ಆಹಾನ ಎಂಬ ಪುಟ್ಟ ಮಗುವಿಗೆನ ಯಾವ ಸಿನಿಮಾ ನೋಡಿದೆ ಎಂದು ಪ್ರಶ್ನಿಸುತ್ತಾರೆ. ಅದಕ್ಕೆ ಉತ್ತರ ನೀಡುವ ಆಹಾನಾ ಪಠಾಣ್ ಎಂದು ಹೇಳುತ್ತಾಳೆ. ಬಳಿಕ ನಿನಗೆ ಆ ಸಿನಿಮಾ ಇಷ್ಟವಾಯಿತಾ? ಎಂದು ಪ್ರಶ್ನಿಸಲಾಗುತ್ತದೆ. ಇದಕ್ಕೆ ಇಷ್ಟ ಆಗಲಿಲ್ಲ ಎನ್ನುವ ಆಹಾನಾ, ಯಾಕೆ ಇಷ್ಟ ಆಗಲಿಲ್ಲ ಎಂಬ ಕಾರಣವನ್ನು ತಿಳಿಸದೇ ಸುಮ್ಮನೇ ನಗೆಯ ಬೀರುತ್ತಾಳೆ.
ಅಭಿಷೇಕ್ ಕುಮಾರ್ ಪೋಸ್ಟ್ ಮಾಡಿರುವ ವಿಡಿಯೋವನ್ನು ಶೇರ್ ಮಾಡಿ, ಶಾರುಖ್ ಪ್ರತಿಕ್ರಿಯೆ ನೀಡಿದ್ದಾರೆ. ಓ.. ಹೋ. ಹಾಗಾದರೆ ನಾನೀಗ ಇನ್ನಷ್ಟು ಕಷ್ಟಪ್ಪಟ್ಟು ಕೆಲಸ ಮಾಡಬೇಕಿದೆ! ಡ್ರಾಯಿಂಗ್ ಬೋರ್ಡ್ಗೆ ಹಿಂತಿರುಗಬೇಕಿದೆ. ಯುವ ಪ್ರೇಕ್ಷಕರು ನಿರಾಶೆಗೊಳ್ಳಲು ನಾನು ಬಿಡುವುದಿಲ್ಲ. ದಯವಿಟ್ಟು ಒಮ್ಮೆ ಅವಳಿಗೆ ಡಿಡಿಎಲ್ಜೆ ಸಿನಿಮಾ ತೋರಿಸಿ, ಬಹುಶಃ ಆಕೆ ರೊಮ್ಯಾಂಟಿಕ್ ಅನ್ಸುತ್ತೆ ಎಂದು ಶಾರುಖ್ ಟ್ವೀಟ್ ಮಾಡಿದ್ದಾರೆ.
ಶಾರುಖ್ ಟ್ವೀಟ್ಗೆ ಅಭಿಮಾನಿಗಳು ಫಿದಾ ಆಗಿದ್ದು, ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಶಾರುಖ್ ಅವರು ಅಕ್ಷರಶಃ ಪ್ರತಿ ಟ್ಯಾಗ್ ಅನ್ನು ಓದುತ್ತಾರೆ. ಈ ಮನುಷ್ಯ ಎಂದಿಗೂ ಬದಲಾಗಿಲ್ಲ. ಬದಲಾಯಿಸಿದರೆ ಅವರು ಇನ್ನೂ ಉತ್ತಮವಾಗಿ ಬದಲಾಗುತ್ತಾರೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ. (ಏಜೆನ್ಸೀಸ್)
ಇಂದು ತುಮಕೂರಿಗೆ ನಮೋ ಆಗಮನ: ಸಂಚಾರ ಮಾರ್ಗದಲ್ಲಿ ಬದಲಾವಣೆ, ಎಚ್ಎಎಲ್ ಬಳಿ ಪೊಲೀಸರ ಹದ್ದಿನಕಣ್ಣು