ಪೋರ್ಟ್ ಆಫ್ ಸ್ಪೇನ್: ಟ್ರಿನ್ಬಾಗೊ ನೈಟ್ ರೈಡರ್ಸ್ (ಟಿಕೆಆರ್) ತಂಡ ಹೀರೋ ಕೆರಿಬಿಯನ್ ಪ್ರೀಮಿಯರ್ ಲೀಗ್ (ಸಿಪಿಎಲ್) ಟಿ20 ಕ್ರಿಕೆಟ್ ಟೂರ್ನಿಯಲ್ಲಿ ಸತತ 5ನೇ ಜಯ ದಾಖಲಿಸಿತು. ಕ್ವೀನ್ಸ್ ಪಾರ್ಕ್ ಓವೆಲ್ ಮೈದಾನದಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಟಿಕೆಆರ್ ತಂಡ 7 ವಿಕೆಟ್ಗಳಿಂದ ಗಯಾನ ಅಮೆಜಾನ್ ವಾರಿಯರ್ಸ್ ತಂಡವನ್ನು ಮಣಿಸಿದರೆ, ದಿನದ ಮತ್ತೊಂದು ಪಂದ್ಯದಲ್ಲಿ ಮೊಹಮದ್ ನಬಿ (15ಕ್ಕೆ 5) ಸರ್ವ ಶ್ರೇಷ್ಠ ನಿರ್ವಹಣೆ ಫಲವಾಗಿ ಸೇಂಟ್ ಲೂಸಿಯಾ ಜೌಕ್ಸ್ ತಂಡ 6 ವಿಕೆಟ್ಗಳಿಂದ ಸೇಂಟ್ ಕಿಟ್ಸ್ ಹಾಗೂ ನೆವಿಸ್ ಪೆಟ್ರಿಯೋಟ್ಸ್ ಎದುರು ಜಯ ದಾಖಲಿಸಿತು.
ಇದನ್ನೂ ಓದಿ: ಭರ್ಜರಿ ಸಿಕ್ಸರ್: ಸ್ಟೇಡಿಯಂ ಆಚೆಯಿದ್ದ ತನ್ನದೇ ಕಾರಿನ ಗಾಜು ಪುಡಿ ಮಾಡಿದ ಕೆವಿನ್ ಒಬ್ರೆಯನ್!
ಮೊದಲು ಬ್ಯಾಟಿಂಗ್ ಮಾಡಿದ ಗಯಾನ ಅಮೆಜಾನ್ ವಾರಿಯರ್ಸ್ ತಂಡ, ಖಾರಿ ಪೀರೆ (18ಕ್ಕೆ 3) ಮಾರಕ ದಾಳಿಗೆ ನಲುಗಿ 7 ವಿಕೆಟ್ಗೆ 112 ರನ್ಗಳಿಸಿದರೆ, ಪ್ರತಿಯಾಗಿ ಟಿಕೆಆರ್ ತಂಡ 18.2 ಓವರ್ಗಳಲ್ಲಿ 3 ವಿಕೆಟ್ಗೆ 115 ರನ್ ಪೇರಿಸಿ ಗೆಲುವಿನ ನಗೆ ಬೀರಿತು. ಇದರೊಂದಿಗೆ ಟಿಕೆಆರ್ ತಂಡ ಲೀಗ್ನಲ್ಲಿ ಸತತ 5ನೇ ಗೆಲುವಿನೊಂದಿಗೆ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಕಾಯ್ದುಕೊಂಡಿತು.
ಗಯಾನ ಅಮೆಜಾನ್ ವಾರಿಯರ್ಸ್: 7 ವಿಕೆಟ್ಗೆ 112 (ಹೆಟ್ಮೆಯೆರ್ 26, ರಾಸ್ ಟೇಲರ್ 26, ಕಿಮೊ ಪೌಲ್ 28 ಅಜೇಯ, ಪೀರೆ 18ಕ್ಕೆ 3), ಟಿಕೆಆರ್: 18.2 ಓವರ್ಗಳಲ್ಲಿ 3 ವಿಕೆಟ್ಗೆ 115 (ಟಿಮ್ ಸೀಫರ್ಟ್ 39 ಅಜೇಯ, ಡರೇನ್ ಬ್ರಾವೊ 26 ಅಜೇಯ, ಇಮ್ರಾನ್ ತಾಹೀರ್ 25ಕ್ಕೆ 2).
Seifert seals the deal and is our Googly magic moment| #GAWvTKR #CPL20 #CricketPlayedLouder pic.twitter.com/YXNsRHmcPt
— CPL T20 (@CPL) August 28, 2020