ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ 74ನೇ ಗಣರಾಜ್ಯೋತ್ಸವ ಸಂಭ್ರಮ ಕಳೆಗಟ್ಟಿದ್ದು, ಕರ್ತವ್ಯಪಥ್ನಲ್ಲಿ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಬೆಳಗ್ಗೆ 10.30ಕ್ಕೆ ಧ್ವಜಾರೋಹಣ ನೇರವೇರಿಸಿದರು. ಬಳಿಕ ಭಾರತೀಯ ಸೇನಾ ಪಡೆಯು ರಾಷ್ಟ್ರಪತಿಗಳಿಗೆ ಗೌರವ ವಂದನೆ ಸಲ್ಲಿಸಿತು. ಇದೇ ಮೊದಲ ಬಾರಿಗೆ ಭಾರತದ ಗಣರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಈಜಿಫ್ಟ್ ದೇಶದ ಸೇನಾ ತುಕುಡಿಯೂ ಬಾಗಿಯಾಗಿದೆ.
ಈಜಿಪ್ಟ್ ದೇಶದ ಅಧ್ಯಕ್ಷ ಅಬ್ದೆಲ್ ಫತ್ತಾಹ್ ಅಲ್-ಸಿಸಿ ಅವರು ಈ ಬಾರಿ ಭಾರತ ಗಣರಾಜ್ಯೋತ್ಸವ ಪರೇಡ್ನ ಮುಖ್ಯಅತಿಥಿಯಾಗಿ ಪಾಲ್ಗೊಂಡಿದ್ದಾರೆ. ಈ ಹಿನ್ನೆಲೆ 144 ಈಜಿಫ್ಟ್ನ ಯೋಧರು ಗಣರಅಜ್ಯೋತ್ಸವ ಪರೇಡ್ನಲ್ಲಿ ಭಾಗಿಯಾಗಿದ್ದಾರೆ. ಪರೇಡ್ನಲ್ಲಿ ಭಾರತ ದೇಶದ ಮಿಲಿಟರಿ ಸಾಮರ್ಥ್ಯ ಅನಾವರಣಗೊಳ್ಳುತ್ತಿದೆ. ಸೇನಾ ಪಡೆಗಳು, K9 ವಜ್ರ ಟ್ಯಾಂಕ್ ತಂಡ, ಪಂಜಾಬ್- ಮರಾಠ- ದೋಗ್ರಾ- ಬಿಹಾರ- ಗೋರ್ಖಾ ರೆಜಿಮೆಂಟ್ಗಳಿಂದ ಪಥಸಂಚಲನ, 61 ಅಶ್ವಗಳಿಂದ ಪಥಸಂಚಲನ, ಏರ್ ಮಿಸೈಲ್, ಆಕಾಶ್ ಮಿಸೈಲ್ ತಂಡಗಳಿಂದ ಪರೇಡ್… ಹೀಗೆ ಆಕರ್ಷಕ ಮತ್ತು ಮೈನವಿರೇಳಿಸುವ ಪರೇಡ್ ನಡೆಯುತ್ತಿದೆ.