ನವದೆಹಲಿ: ಕರೊನಾ ಎರಡನೇ ಅಲೆ ಮೊದಲ ಅಲೆಗಿಂತ ಗಂಭೀರವಾಗಿ ಪರಿಣಮಿಸಿದ್ದು, ಇದೀಗ ದೇಶದ ಏಳು ರಾಜ್ಯಗಳು ದೊಡ್ಡ ಹಾಟ್ಸ್ಪಾಟ್ ಆಗಿದ್ದು, ಆತಂಕ ಉಂಟಾಗಿದೆ. ಎಷ್ಟರಮಟ್ಟಿಗೆ ಎಂದರೆ ಈಗಾಗಲೇ ಕರೊನಾ ಹೊಡೆತಕ್ಕೆ ನಲುಗಿ ಹೋಗಿರುವ ದೆಹಲಿ ಹಾಗೂ ಮಹಾರಾಷ್ಟ್ರವನ್ನೇ ಮೀರಿಸುವಂತೆ ಈ ರಾಜ್ಯಗಳಲ್ಲಿ ಕರೊನಾ ಪ್ರಕರಣಗಳು ದಾಖಲಾಗುತ್ತಿವೆ.
ವಾರದಿಂದ ವಾರಕ್ಕೆ ಈ ಏಳು ರಾಜ್ಯಗಳಲ್ಲಿ ಕೋವಿಡ್ ಸಾವಿನ ಪ್ರಕರಣಗಳು ಗಣನೀಯವಾಗಿ ಏರುತ್ತಿವೆ. ಒಂದು ವೇಳೆ ಇದು ಹೀಗೇ ಮುಂದುವರಿದರೆ ಆಯಾ ರಾಜ್ಯ ಸರ್ಕಾರಗಳು ಕಠಿಣ ರೀತಿಯಲ್ಲಿ ಲಾಕ್ಡೌನ್ ಹೇರುವ ಅನಿವಾರ್ಯತೆ ಸೃಷ್ಟಿ ಆಗಲಿದೆ. 27 ರಾಜ್ಯಗಳಲ್ಲಿ ಕಳೆದ ಎರಡು ವಾರಗಳಲ್ಲಿ ಕೋವಿಡ್ ಸೋಂಕಿನ ಸಂಖ್ಯೆ ಹೆಚ್ಚುತ್ತಿದ್ದು, ಅದರಲ್ಲಿ ಈ ಏಳು ರಾಜ್ಯಗಳಲ್ಲಿ ಸಾವಿನ ಸಂಖ್ಯೆ ಹೆಚ್ಚಿನ ಪ್ರಮಾಣದಲ್ಲಿದೆ. ದೆಹಲಿಯಲ್ಲಿ ಕೋವಿಡ್ ಸಾವಿನ ಸಾಪ್ತಾಹಿಕ ಏರಿಕೆ ಶೇ. 6.1 ಇದೆ. ಆದರೆ ಕೋವಿಡ್ ಸಾವಿನ ಪ್ರಮಾಣ ಚತ್ತೀಸ್ಗಢದಲ್ಲಿ ಶೇ. 17, ಜಾರ್ಖಂಡ್ನಲ್ಲಿ ಶೇ. 16, ಗುಜರಾತ್ನಲ್ಲಿ ಶೇ. 10 ಇದೆ. ಅದೇ ರೀತಿ ಮಧ್ಯಪ್ರದೇಶ, ಹಿಮಾಚಲ ಪ್ರದೇಶ, ರಾಜಸ್ಥಾನ, ಬಿಹಾರಗಳಲ್ಲಿ ಸಾವಿನ ಪ್ರಮಾಣ ಅಧಿಕವಾಗಿದ್ದು, ಸದ್ಯಕ್ಕೆ ಈ ಏಳು ರಾಜ್ಯಗಳು ಕರೊನಾ ಎರಡನೇ ಅಲೆಯ ಹಾಟ್ಸ್ಪಾಟ್ ಎನಿಸಿಕೊಂಡಿವೆ.
ಕಳೆದ ವಾರದಲ್ಲಿ ಕೋವಿಡ್ ಪ್ರಕರಣ ಹಾಗೂ ಸಾವಿನ ಸಂಖ್ಯೆಗಳಲ್ಲಿ ಎಲ್ಲ ರಾಜ್ಯಗಳಿಗಿಂತಲೂ ಹೆಚ್ಚಿನ ಪ್ರಕರಣ ಚತ್ತೀಸ್ಗಢದಲ್ಲಿ ಕಂಡುಬಂದಿದೆ. ಎರಡು ವಾರಗಳ ಹಿಂದೆ ಈ ರಾಜ್ಯದಲ್ಲಿ ವಾರಕ್ಕೆ 299 ಸಾವುಗಳು ಸಂಭವಿಸಿದ್ದು, ಕಳೆದ ವಾರವೊಂದರಲ್ಲೇ 967 ಮರಣ ಉಂಟಾಗಿದೆ. ಇದು ದೇಶದಲ್ಲಿನ ಒಟ್ಟು ಕೋವಿಡ್ ಸಾವಿನ ಪ್ರಕರಣಗಳ ಪೈಕಿ ಶೇ. 10ರಷ್ಟು ಇದ್ದು, ಅತಿ ಹೆಚ್ಚು ಸಾವು ಸಂಭವಿಸಿರುವ ರಾಜ್ಯಗಳ ಪೈಕಿ ಚತ್ತೀಸ್ಗಢ ಮೊದಲ ಸ್ಥಾನದಲ್ಲಿದೆ. (ಏಜೆನ್ಸೀಸ್)
ಕಸ ಹಾಕುವ ಜಾಗವೇ ಮಸಣ; ಹೆಣ ಸುಡಲು ಸ್ಥಳವಿಲ್ಲದೆ ತಿಪ್ಪೆಗುಂಡಿಯಲ್ಲೇ ಅಂತ್ಯಸಂಸ್ಕಾರ!
ಚಿತಾಗಾರದ ಮುಂದೆ ಬಿಕ್ಕಿಬಿಕ್ಕಿ ಅತ್ತ ಪೊಲೀಸ್! ಇದು ಕರೊನಾದ ಕರಾಳ ದೃಶ್ಯ