ನವದೆಹಲಿ: ನಮ್ಮ ಕಣ್ಣುಗಳಿಗೆ ಸವಾಲು ಎಸೆಯುವಂತಹ ಚಿತ್ರಗಳು ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ಕಾಣ ಸಿಗುತ್ತವೆ. ಅದು ಪ್ರಾಣಿ-ಪಕ್ಷಿಗಳಾಗಿರಬಹುದು ಅಥವಾ ವಸ್ತುಗಳನ್ನು ಪತ್ತೆ ಹಚ್ಚುವುದಾಗಿರಬಹುದು. ಆದರೆ, ನೆಟ್ಟಿಗರ ತಲೆಗೆ ಹುಳ ಬಿಡುವುದಂತೂ ನಿಜ. ಅಂಥದ್ದೇ ಮತ್ತೊಂದು ಫೋಟೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ: ಹಣದ ಹೊಳೆ ಹರಿಯುತ್ತೆಂದು ಆಮಿಷವೊಡ್ಡಿ ರಟ್ಟಿನ ಹಾಳೆ ಕೊಟ್ಟು ವಂಚನೆ!
ಕೆಲವು ಚಿತ್ರಗಳಲ್ಲಿರುವ ವಸ್ತು ಅಥವಾ ಪ್ರಾಣಿಗಳನ್ನು ಕೆಲವೊಮ್ಮೆ ಸುಲಭವಾಗಿ ಗುರುತಿಸಬಹುದು. ಇನ್ನು ಕೆಲವೊಮ್ಮೆ ಗುರುತಿಸಲು ಪರದಾಡಿ ತಲೆ ಕೆರೆದುಕೊಳ್ಳುವ ಪರಿಸ್ಥಿತಿಯು ಎದುರಾಗಬಹುದು. ಆದರೂ ಪಜಲ್ ಮಾತ್ರ ಒಳ್ಳೆಯ ಟೈಂಪಾಸ್ ಗೇಮ್ ಎನ್ನುವುದರಲ್ಲಿ ಸಂಶಯವೇ ಇಲ್ಲ.
ಇದೀಗ ಅಮೆರಿಕದ ರಿಯಾ ಮೊರ ರಾಷ್ಟ್ರೀಯ ವನ್ಯಜೀವಿ ಸಂರಕ್ಷಣೆ ಹೆಸರಿನ ಫೇಸ್ಬುಕ್ ಖಾತೆಯಲ್ಲಿ ಜಿಂಕೆ ಬೇಟೆಗೆ ಹೊಂಚು ಹಾಕಿ ಕುಳಿತಿರುವ ಪರ್ವತ ಸಿಂಹದ ಫೋಟೋವನ್ನು ಪೋಸ್ಟ್ ಮಾಡಲಾಗಿದೆ. ಟ್ವಿಸ್ಟ್ ಏನೆಂದರೆ ಪೋಟೋವಿನ ನೇರ ದೃಶ್ಯದಲ್ಲಿ ಸಿಂಹವನ್ನು ಪತ್ತೆ ಹಚ್ಚುವುದು ಸುಲಭದ ಕೆಲಸವೇನಲ್ಲ. ಸೂಕ್ಷ್ಮ ಕಣ್ಣಿನಿಂದ ನೋಡಿದಾಗಲೇ ಸಿಂಹ ಎಲ್ಲಿ ಅಡಗಿ ಕುಳಿತಿದೆ ಎಂಬುದು ಗೊತ್ತಾಗುವುದು.
#WildlifeWednesday Take a moment today to search for the hidden mountain lion that is following this elk. How long did…
Posted by Rio Mora National Wildlife Refuge on Wednesday, July 1, 2020
ಅಂದಹಾಗೆ ಈ ಚಿತ್ರವನ್ನು 2019ರ ಅಕ್ಟೋಬರ್ನಲ್ಲಿ ತೆಗೆಯಲಾಯಿತು. ಅರೋಯೋಗಳನ್ನು ಮರುಸ್ಥಾಪಿಸಿ ಯಶಸ್ಸನ್ನು ನೋಡುವ ಮೇಲ್ವಿಚಾರಣಾ ಯೋಜನೆಯ ಭಾಗವಾಗಿ ಈ ಚಿತ್ರವನ್ನು ಕ್ಲಿಕ್ಕಿಸಲಾಗಿದೆ. ಇದೀಗ ರಿಯಾ ಮೊರ ರಾಷ್ಟ್ರೀಯ ವನ್ಯಜೀವಿ ಸಂರಕ್ಷಣಾ ಕೇಂದ್ರವು ಮತ್ತೊಮ್ಮೆ ತನ್ನ ಫೇಸ್ಬುಕ್ ಖಾತೆಯಲ್ಲಿ ಫೋಟೋ ಪೋಸ್ಟ್ ಮಾಡಿ ಪರ್ವತ ಸಿಂಹವನ್ನು ಪತ್ತೆ ಹಚ್ಚುವಂತೆ ಸವಾಲು ಎಸೆದಿದೆ.
ಇದನ್ನೂ ಓದಿ: VIDEO| PPE ಕಿಟ್ ಧರಿಸಿ ಡ್ಯಾನ್ಸ್ ಮಾಡಿದ ಲೇಡಿ ಡಾಕ್ಟರ್ ಇವರೇ ನೋಡಿ…!
ಫೋಟೋ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, 10 ಸಾವಿರಕ್ಕೂ ಅಧಿಕ ಬಾರಿ ಶೇರ್ ಆಗಿದೆ. ಸಾವಿರಾರು ಲೈಕ್ಸ್ಗಳು ಹರಿದುಬಂದಿದ್ದು, ಅನೇಕ ನೆಟ್ಟಿಗರು ಬೆಟ್ಟದ ಸಿಂಹವನ್ನು ಪತ್ತೆ ಹಚ್ಚಿ ಕಾಮೆಂಟ್ ಮಾಡುವಲ್ಲಿ ನಿರತರಾಗಿದ್ದಾರೆ. ನೀವೂ ಒಮ್ಮೆ ಟ್ರೈ ಮಾಡಿ ನೋಡಿ, ಪತ್ತೆ ಹಚ್ಚಿದ್ರೆ ಕಮೆಂಟ್ ಮಾಡುವುದನ್ನು ಮರೆಯಬೇಡಿ. (ಏಜೆನ್ಸೀಸ್)
ಖಾಸಗಿ ಆಸ್ಪತ್ರೆಗಳ ವಸೂಲಿ ಜೋರು: ದಿಗ್ವಿಜಯ ಸ್ಟಿಂಗ್ನಲ್ಲಿ ಬಯಲಾಯ್ತು ಅಸಲಿಯತ್ತು