ಚೆನ್ನೈ: ಕೂಲಿ ಕಾರ್ಮಿಕನೊಬ್ಬ ಒಂದೇ ದಿನಕ್ಕೆ ದಿಢೀರ್ ಲಕ್ಷಾಧಿಪತಿಯಾದ ಘಟನೆ ತಮಿಳುನಾಡಿನ ರಾಣಿಪೇಟೆ ಜಿಲ್ಲೆಯ ಅರಕ್ಕೋಣಂ ಬಳಿಯ ಕೈನೂರಿನಲ್ಲಿ ನಡೆದಿದೆ. ಒಂದು ಚಿನ್ನದ ಗಟ್ಟಿಯ ಜತೆಗೆ 1,10,000 ಸಾವಿರ ರೂ. ನಗದು ಕಾರ್ಮಿಕನಿಗೆ ಸಿಕ್ಕಿತ್ತು. ಆದರೆ, ಮರು ಕ್ಷಣವೇ ಕಾರ್ಮಿಕ ಆಘಾತವೂ ಕಾದಿತ್ತು.
ಮುರುಗನ-ಗೌರಿ ದಂಪತಿ ಅರಕ್ಕೋಣಂನಲ್ಲಿ ವಾಸವಿದ್ದಾರೆ. ಮುರುಗನ್ ದಿನಗೂಲಿ ನೌಕರನಾಗಿದ್ದು, ಸಾವಿರಾರು ರೂಪಾಯಿಗೂ ಪರದಾಡುತ್ತಿದ್ದ ಈತ ಇದ್ದಕ್ಕಿದ್ದಂತೆ ಸಾವಿರಾರು ರೂಪಾಯಿಯನ್ನು ಧಾರಾಳವಾಗಿ ಖರ್ಚು ಮಾಡುವುದನ್ನು ಕಂಡು ಅಕ್ಕಪಕ್ಕದ ಜನರು ಅಚ್ಚರಿಗೊಂಡಿದ್ದರು. ಅಲ್ಲದೆ, ಅನುಮಾನವು ಹುಟ್ಟಿಕೊಂಡಿತ್ತು.
ಕೆಲ ಯುವಕರು ಚಾಕುವಿನಿಂದ ಮುರುಗನ್ಗೆ ಬೆದರಿಕೆ ಹಾಕಿದಾಗ ಹೆದರಿದ ಆತ ಊರಿನ ಪಂಚಾಯಿತಿ ಕೌನ್ಸಿಲ್ ಅಧ್ಯಕ್ಷರಿಗೆ ಮಾಹಿತಿ ನೀಡುತ್ತಾನೆ. ಬಳಿಕ ಪಂಚಾಯಿತಿ ಅಧ್ಯಕ್ಷ ಪೊಲೀಸರಿಗೆ ಮಾಹಿತಿ ಮುಟ್ಟಿಸುತ್ತಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ನಡೆಸಿದಾಗ ಮುರುಗನ್ ಬಳಿ ಚಿನ್ನದ ಬಿಸ್ಕೆಟ್ ಮತ್ತು 1 ಲಕ್ಷಕ್ಕೂ ಅಧಿಕ ಹಣವಿದ್ದಿದ್ದು ತಿಳಿಯುತ್ತದೆ. ನೆಲ ಅಗೆಯುವಾಗ ಸಿಕ್ಕ ಹಣ ಮತ್ತು ಚಿನ್ನವನ್ನು ಪೊಲೀಸರಿಗೆ ಮುರುಗನ್ ನೀಡುತ್ತಾನೆ.
ಅಂದಹಾಗೆ ಮುರುಗನ್ ಮತ್ತು ಆತನ ಪತ್ನಿ ಒಳಚರಂಡಿ ಕಾಲುವೆ ಮಣ್ಣು ತೆಗೆಯುವ ಕೆಲಸ ಮಾಡುತ್ತಾರೆ. ಅವರು ಕೆಲಸ ಮಾಡುತ್ತಿದ್ದ ಅರಕ್ಕೋಣಂನ ಏರಿಯಾದಲ್ಲೇ ಜ್ಯುವೆಲ್ಲರಿ ಶಾಪ್ ಕೂಡ ಇದೆ. ಒಮ್ಮೆ ಚಿನ್ನದ ಬಿಸ್ಕೆಟ್ ಪ್ಯಾಕೆಟ್ ಸಿಕ್ಕಿದ್ದು, ಅದರಲ್ಲಿದ್ದ ಒಂದು ಭಾಗವನ್ನು ಮಾರಾಟ ಮಾಡಿ ಹಣ ಗಳಿಸಿದ್ದಾಗಿ ಅವರು ಹೇಳಿದ್ದಾರೆ.
ಈ ವೇಳೆ ಚಿನ್ನದ ಗಟ್ಟಿಗಳು ನಾಪತ್ತೆಯಾಗಿರುವ ಬಗ್ಗೆ ಯಾರೂ ದೂರು ನೀಡದ ಕಾರಣ ಪೊಲೀಸರು ಮುರುಗನ್ ಹಾಗೂ ಆತನ ಪತ್ನಿಯನ್ನು ಬಿಟ್ಟು ಕಳುಹಿಸಿದ್ದಾರೆ. ವಶಕ್ಕೆ ಪಡೆದ ಚಿನ್ನಾಭರಣ ಹಾಗೂ ನಗದನ್ನು ಪೊಲೀಸರು ಸರ್ಕಾರಿ ಖಜಾನೆಗೆ ಹಸ್ತಾಂತರ ಮಾಡಿದ್ದಾರೆ. (ಏಜೆನ್ಸೀಸ್)
ನನಗೆ ಅದ್ರ ಅವಶ್ಯಕತೆ ಇಲ್ಲ, ಎಲ್ಲವನ್ನು ಅನುಭವಿಸಿದ್ದೇನೆ..’ಓ ಮಲ್ಲಿಗೆ’ ಬ್ಯೂಟಿ ಚಾರುಲತಾ ಓಪನ್ ಟಾಕ್
ಉದ್ಯಮಿ ಜತೆ ಅಫೇರ್; ಪತಿಗೆ ಡಿವೋರ್ಸ್ ಕೊಡಲು ಮುಂದಾದ ನಮಿತಾ!? ಸಂಚಲನ ಸೃಷ್ಟಿಸಿದ ನಟನ ಹೇಳಿಕೆ