ಬೆಂಗಳೂರು : ಕರ್ನಾಟಕ ಹೈಕೋರ್ಟ್ನಲ್ಲಿ ವಿಚಾರಣೆಯಲ್ಲಿರುವ ಮೊಕದ್ದಮೆಗಳ ಬಗ್ಗೆ ರಿಯಲ್ ಟೈಮ್ ಮಾಹಿತಿ ನೀಡಲು ಅಧಿಕೃತ ಟೆಲಿಗ್ರಾಂ ಚ್ಯಾನೆಲ್ಅನ್ನು ಆರಂಭಿಸಲಾಗಿದೆ. ಕಾಸ್ ಲಿಸ್ಟ್ಗಳು, ಕೇಸ್ ಸ್ಟೇಟಸ್, ಡೈಲಿ ನೋಟಿಫಿಕೇಷನ್ಸ್, ಡಿಸ್ಪ್ಲೇ ಬೋರ್ಡ್ಸ್ ಮುಂತಾದವನ್ನು ಹೊಂದಿರುವ ಈ ಟೆಲಿಗ್ರಾಂ ಚ್ಯಾನೆಲ್ (https://t.me/karnatakahighcourt) ಕೇಸುಗಳ ಬಗ್ಗೆ ಅತ್ಯವಶ್ಯಕ ಮಾಹಿತಿ ಒದಗಿಸಲಿದೆ.
ರಾಜ್ಯ ನ್ಯಾಯಾಂಗದ ಹಾಲಿ ಮಹತ್ವದ ಚಟುವಟಿಕೆಗಳ ಬಗ್ಗೆ ಕೂಡ ಇದರಲ್ಲಿ ಮಾಹಿತಿ ಸಿಗಲಿದೆ. ಇದೇ ರೀತಿಯ ಚ್ಯಾನೆಲ್ಗಳನ್ನು ರಾಜ್ಯದ 30 ಜಿಲ್ಲಾ ಕೋರ್ಟ್ಗಳಿಗೂ ಕೂಡ ಆರಂಭಿಸಲಾಗಿದೆ. ಜೊತೆಗೆ, ಕರ್ನಾಟಕ ಹೈಕೋರ್ಟ್ ವರ್ಚುವಲ್ ಕೇಸ್ ಇನ್ಫರ್ಮೇಶನ್ ಸರ್ವೀಸ್(HCKChatBot) ಎಂಬ ಟೆಲಿಗ್ರಾಂ ಚ್ಯಾಟ್ಬಾಟ್ಅನ್ನು ಕೂಡ ಆರಂಭಿಸಲಾಗಿದೆ ಎಂದು ಮುಖ್ಯ ನ್ಯಾಯಮೂರ್ತಿ ಅಭಯ್ ಶ್ರೀನಿವಾಸ್ ಓಕ ಅವರು ಘೋಷಿಸಿದ್ದಾರೆ.
ಇದನ್ನೂ ಓದಿ: ಜುಲೈ 31 ರೊಳಗೆ ದ್ವಿತೀಯ ಪಿಯುಸಿ ಫಲಿತಾಂಶ; ರಿಪೀಟರ್ಸ್ಗೆ ಸಿಹಿ ಸುದ್ದಿ!
ಸ್ಮಾರ್ಟ್ಫೋನಿನಲ್ಲೇ ಲಭ್ಯವಾಗಿರುವ ಈ ಸೇವೆ ರಾಜ್ಯದ ವಕೀಲರಿಗೆ ಮತ್ತು ವ್ಯಾಜ್ಯದಾರ ನಾಗರೀಕರಿಗೆ ಉಪಯುಕ್ತವಾಗಲಿದೆ. ಅದಾಗಲೇ ಸುಮಾರು 7,000 ಸದಸ್ಯರು ಹೈಕೋರ್ಟ್ ಚ್ಯಾನೆಲ್ಗೆ ಸಬ್ಸ್ಕ್ರೈಬ್ ಮಾಡಿಕೊಂಡಿದ್ದಾರೆ. ಜಿಲ್ಲಾ ಕೋರ್ಟ್ ಚ್ಯಾನೆಲ್ಗಳಿಗೆ 5,000 ಕ್ಕೂ ಹೆಚ್ಚು ಜನ ಸದಸ್ಯರಾಗಿದ್ದಾರೆ ಎನ್ನಲಾಗಿದೆ. (ಏಜೆನ್ಸೀಸ್)