ಕಾಬುಲ್: ಕಾಬುಲ್ಅನ್ನು ಆಕ್ರಮಿಸಿಕೊಂಡು ಅಫ್ಘಾನಿಸ್ತಾನದ ಅಧ್ಯಕ್ಷೀಯ ಅರಮನೆ, ಸಂಸತ್ತು ಮತ್ತು ಸರ್ಕಾರಿ ಕಚೇರಿಗಳನ್ನು ವಶಪಡಿಸಿಕೊಂಡ 10 ದಿನಗಳ ನಂತರ, ತಾಲಿಬಾನಿಗಳು, ಇದೀಗ ತಮ್ಮ ಸರ್ಕಾರ ರಚನೆಯತ್ತ ಗಮನ ಹರಿಸಿದ್ದಾರೆ. ತಾಲಿಬಾನ್ ಡೆಪ್ಯುಟಿ ಲೀಡರ್ ಹಾಗೂ ಸ್ಥಾಪಕರಲ್ಲೊಬ್ಬನಾದ ಮುಲ್ಲಾ ಅಬ್ದುಲ್ ಘನಿ ಬರಾದರ್ ಅಫ್ಘಾನಿಸ್ತಾನದ ಮುಂದಿನ ಅಧ್ಯಕ್ಷನಾಗಲಿದ್ದಾನೆ ಎಂದು ವರದಿಗಳು ತಿಳಿಸಿವೆ.
ಈ ಬಗ್ಗೆ ತಾಲಿಬಾನ್ ಇನ್ನೂ ಅಧಿಕೃತ ಹೇಳಿಕೆ ನೀಡಿಲ್ಲದಿದ್ದರೂ, ತಾಲಿಬಾನ್ ತನ್ನ ಹಿರಿಯ ನಾಯಕರನ್ನು ವಿವಿಧ ಸಚಿವ ಸ್ಥಾನಗಳಿಗೆ ಹೆಸರಿಸಿದೆ ಎನ್ನಲಾಗಿದೆ. ಈ ಹಿಂದೆ ಕ್ಯೂಬಾದ ಗೌಂಟನಾಮೊ ಬೇನಲ್ಲಿನ ಅಮೆರಿಕಾ ಜೈಲಿನಲ್ಲಿದ್ದ ಮುಲ್ಲಾ ಅಬ್ದುಲ್ ಖಯ್ಯುಮ್ ಜಕೀರ್ ಹೊಸ ಆಡಳಿತದ ರಕ್ಷಣಾ ಸಚಿವನಾಗಲಿದ್ದಾನೆ. ತಾಲಿಬಾನ್ನ ಆರ್ಥಿಕ ವ್ಯವಹಾರಗಳ ಮುಖ್ಯಸ್ಥ ಗುಲ್ ಆಘಾ ಹೊಸ ಹಣಕಾಸು ಸಚಿವನಾಗಲಿದ್ದಾನೆ ಎನ್ನಲಾಗಿದೆ.
ಇದನ್ನೂ ಓದಿ: 8 ತೊಲೆ ಬಂಗಾರವನ್ನು ಮರಳಿಸಿ ಮಹಿಳೆ ಪಾಲಿಗೆ ಬಂಗಾರದ ಮನುಷ್ಯನಾದ ಆಟೋ ಚಾಲಕ..!
ಮುಂಚಿನ ಅಶ್ರಫ್ ಘನಿ ಸರ್ಕಾರದ ವಕ್ತಾರರನ್ನು ಕೊಂದುಹಾಕಿದ್ದ ತಾಲಿಬಾನ್ ಈಗಾಗಲೇ ಜಬೀಹುಲ್ಲಾ ಮುಜಾಹಿದ್ಅನ್ನು ಅಧಿಕೃತ ವಕ್ತಾರನಾಗಿ ನೇಮಿಸಿದೆ. ದೇಶದ ಸೆಂಟ್ರಲ್ ಬ್ಯಾಂಕ್ನ ಮುಖ್ಯಸ್ಥನ ಸ್ಥಾನಕ್ಕೆ ಹಾಜಿ ಮೊಹಮ್ಮದ್ ಇದ್ರಿಸ್ ನೇಮಕವಾಗಿದೆ. ವಿವಿಧ ಪ್ರಾಂತ್ಯಗಳ ಗೊವರ್ನರ್ಗಳಾಗಿ ತನ್ನ ಅನುಭವಿ ಸದಸ್ಯರನ್ನು ನೇಮಕ ಮಾಡಲು ತಾಲಿಬಾನ್ ಮುಂದಾಗಿದೆ ಎಂದು ವರದಿಗಳು ತಿಳಿಸಿವೆ. (ಏಜೆನ್ಸೀಸ್)
ಡ್ರಗ್ಸ್ ಸೇವನೆ ಖಚಿತವಾದ ಬೆನ್ನಲ್ಲೇ ನಟಿ ಸಂಜನಾ ಗಲ್ರಾನಿ ಆಸ್ಪತ್ರೆಗೆ ದಾಖಲು