ಸಿಡ್ನಿ: ಟಿ20 ಪಂದ್ಯಗಳೆಂದರೆ ರನ್ಪ್ರವಾಹ ನಿರೀಕ್ಷಿಸಲಾಗುತ್ತದೆ. ಅಲ್ಲೇನಿದ್ದರೂ ಹೊಡಿ ಬಡಿ ಆಟಕ್ಕೆ ಮಾತ್ರ ಆದ್ಯತೆ. ಸಿಕ್ಸರ್ ಮತ್ತು ಬೌಂಡರಿ ಸುರಿಮಳೆಯೇ ಸುರಿಯುವ ಟಿ20 ಮಾದರಿ ಪಂದ್ಯದಲ್ಲಿ ಪಂದ್ಯವೊಂದು ಸ್ಟಾರ್ ಕ್ರಿಕೆಟಿಗರನ್ನು ಹೊಂದಿದ್ದರೂ ಕೇವಲ 15 ರನ್ಗೆ ಆಲೌಟ್ ಆಯಿತು ಅಂದರೆ ನೀವು ನಂಬುತ್ತೀರಾ? ನಂಬಲೇಬೇಕು. ಏಕೆಂದರೆ, ಆದರೆ ಆಸ್ಟ್ರೇಲಿಯಾದ ಬಿಗ್ ಬಾಷ್ ಟಿ20 ಲೀಗ್ನಲ್ಲಿ ಶುಕ್ರವಾರ ಸಿಡ್ನಿ ಥಂಡರ್ ತಂಡ ಕೇವಲ 15 ರನ್ಗಳಿಗೆ ಸರ್ವಪತನ ಕಂಡಿತು.
ಅಡಿಲೇಡ್ ಸ್ಟ್ರೈಕರ್ ತಂಡದ ಮಾರಕ ದಾಳಿಗೆ ತತ್ತರಿಸಿದ ಆತಿಥೇಯ ಸಿಡ್ನಿ ತಂಡ, ಹನ್ನೊಂದು ಬ್ಯಾಟರ್ಗಳಿಂದ 0,0,3,0,2,1,1,0,0,4,1 ಹಾಗೂ ಇತರ 3 ರನ್ ಸೇರಿ ಒಟ್ಟು 15 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದು ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯಂತ ಕನಿಷ್ಠ ಮೊತ್ತವಾಗಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಅಡಿಲೇಡ್ ಸ್ರ್ಟೈಕರ್ಸ್ 9 ವಿಕೆಟ್ಗೆ 139 ರನ್ ಕಲೆ ಹಾಕಿತು. ಪ್ರತಿಯಾಗಿ ಸಿಡ್ನಿ ಥಂಡರ್ 5.5 ಓವರ್ಗಳಲ್ಲಿ 15 ರನ್ಗೆ ಸರ್ವಪತನ ಕಂಡಿತು. ಇದರೊಂದಿಗೆ ಅಡಿಲೇಡ್ ಸ್ರ್ಟೈಕರ್ಸ್ 124 ರನ್ಗಳಿಂದ ಭರ್ಜರಿ ಗೆಲುವು ಸಾಧಿಸಿತು. ಸ್ರ್ಟೈಕರ್ಸ್ ಪರ ಹೆನ್ರಿ ಟೊರಾಟನ್ 17 ಎಸೆತಗಳಲ್ಲಿ 3 ರನ್ ನೀಡಿ 5 ವಿಕೆಟ್ ಕಬಳಿಸಿದರೆ, ವೇಸ್ ಅಗರ್ 6 ರನ್ ನೀಡಿ 4 ವಿಕೆಟ್ ಪಡೆದರು.
ಟಿ20 ಇತಿಹಾಸದ ಇದುವರೆಗಿನ ಅತ್ಯಂತ ಕನಿಷ್ಠ ಮೊತ್ತಗಳು
1. ಸಿಡ್ನಿ ಥಂಡರ್ vs ಅಡಿಲೇಡ್ ಸ್ಟ್ರೈಕರ್ಸ್-15 ರನ್ (2022)
2. ಟರ್ಕಿ vs ಝೆಕ್ ರಿಪಬ್ಲಿಕ್- 21 ರನ್ (2019)
3. ಲೆಸೊಥೊ vs ಉಗಾಂಡಾ- 26 ರನ್ (2021)
4. ಟರ್ಕಿ vs ಲುಕ್ಸಂಬರ್ಗ್- 28 ರನ್ (2019)
5. ಥೈಲ್ಯಾಂಡ್ vs ಮಲೇಷಿಯಾ- 30 ರನ್ (2022)
ರಿಷಭ್ ಶೆಟ್ಟಿ ಕಂಡರೆ ಹೊಟ್ಟೆಕಿಚ್ಚಂತೆ! ಕಾಂತಾರ ಯಶಸ್ಸಿನ ಬಗ್ಗೆ ನವಾಜುದ್ದೀನ್ ಸಿದ್ದಿಖಿ ಆಡಿದ ಮಾತುಗಳಿವು…
ಪವಿತ್ರಾ ಲೋಕೇಶ್ ಬಳಿಕ ಕೆಲ ಯೂಟ್ಯೂಬರ್ಸ್ಗೆ ಶಾಕ್ ಕೊಟ್ಟ ನಟ ನರೇಶ್! ಕೋರ್ಟ್ನಿಂದ ಹೊರಬಿತ್ತು ಆದೇಶ