ಮರಕ್ಕೆ ರಿಕ್ಷಾ ಡಿಕ್ಕಿ, ನವಜಾತ ಶಿಶು ಮೃತ್ಯು

ಸುಳ್ಯ: ಮರಕ್ಕೆ ರಿಕ್ಷಾ ಡಿಕ್ಕಿ ಹೊಡೆದ ಪರಿಣಾಮ, ರಿಕ್ಷಾದಲ್ಲಿದ್ದ 52 ದಿನಗಳ ಶಿಶು ಮೃತಪಟ್ಟ ಘಟನೆ ಬೇಂಗಮಲೆ ಎಂಬಲ್ಲಿ ನಡೆದಿದೆ.

ಬೆಳ್ಳಾರೆ ಕಲ್ಮಡ್ಕ ಬೊಳಿಯಾರು ನಿವಾಸಿ ಸತೀಶ್-ಆಶಾಲತಾ ದಂಪತಿ ಪುತ್ರ ಆಶೀಷ್ ಮೃತ ಮಗು.

ಅಸೌಖ್ಯ ಹಿನ್ನೆಲೆಯಲ್ಲಿ ಮಗುವನ್ನು ಸುಳ್ಯದ ಖಾಸಗಿ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿ ರಾತ್ರಿ ಮನೆಗೆ ಮರಳುತ್ತಿದ್ದಾಗ ಚಾಲಕನ ನಿಯಂತ್ರಣ ತಪ್ಪಿದ ರಿಕ್ಷಾ ಮರಕ್ಕೆ ಡಿಕ್ಕಿ ಹೊಡೆದಿತ್ತು. ಬೆಳ್ಳಾರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.