ನ್ಯೂಯಾರ್ಕ್: ಬಾಲಿವುಡ್ ನಟ ಶಾರುಖ್ ಖಾನ್ ಮಗಳು ಸುಹಾನಾ ಖಾನ್ ದೂರದ ನ್ಯೂಯಾರ್ಕ್ನಲ್ಲಿ ವಿದ್ಯಾಭ್ಯಾಸ ಮಾಡುತ್ತಿರುವ ವಿಚಾರ ನಿಮಗೆಲ್ಲ ಗೊತ್ತೇ ಇದೆ. ಕರೊನಾ ಹಿನ್ನೆಲೆಯಲ್ಲಿ ನ್ಯೂಯಾರ್ಕ್ನಿಂದ ಮುಂಬೈಗೆ ಮರಳಿದ್ದ ಸ್ಟಾರ್ ಕಿಡ್ ಇದೀಗ ನ್ಯೂಯಾರ್ಕ್ಗೆ ವಾಪಾಸು ಹೋಗಿದ್ದಾರೆ. ಅಲ್ಲಿ ಅವರಿರುವ ಡ್ರೀಮ್ ಅಪಾರ್ಟ್ಮೆಂಟ್ ಹೇಗಿದೆ? ಅಲ್ಲಿಂದ ಸಿಟಿ ಯಾವ ರೀತಿಯಲ್ಲಿ ಕಾಣುತ್ತದೆ ಗೊತ್ತಾ?
ನ್ಯೂಯಾರ್ಕ್ಗೆ ಹೋಗಿ ಕೆಲವೇ ದಿನಗಳಲ್ಲಿ ಸುಹಾನಾ ತನ್ನ ಅಪಾರ್ಟ್ಮೆಂಟ್ನಿಂದ ಫೋಟೋ ತೆಗೆದು ಅದನ್ನು ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಸ್ಟೋರಿಯಾಗಿ ಹಂಚಿಕೊಂಡಿದ್ದಾರೆ. ಸದ್ಯಕ್ಕಂತೂ ನ್ಯೂಯಾರ್ಕ್ನಲ್ಲಿ ಭಾರಿ ಪ್ರಮಾಣದಲ್ಲಿ ಹಿಮಪಾತವಾಗುತ್ತಿದ್ದು, ಅದೀಗ ಹಿಮದ ನಗರವಾಗಿ ಬದಲಾಗಿಬಿಟ್ಟಿದೆ. ಅಪಾರ್ಟ್ಮೆಂಟ್ನ ಕಿಟಕಿಯ ಬಳಿ ಕುಳಿತು, ಎದುರಿಗೆ ಸುರಿಯುತ್ತಿರುವ ಹಿಮದ ಸಣ್ಣ ವಿಡಿಯೋವನ್ನು ಸುಹಾನಾ ಹಂಚಿಕೊಂಡಿದ್ದಾರೆ. ಅದನ್ನು ನೋಡಿದವರು ವಾವ್! ಎಂತಹ ಸುಂದರ ಸ್ಥಳವಿದು ಎನ್ನುವುದು ಗ್ಯಾರಂಟಿ.
ಅಂದ ಹಾಗೆ ಸುಹಾನಾ 2019ರಲ್ಲಿ ನ್ಯೂಯಾರ್ಕ್ ವಿಶ್ವವಿದ್ಯಾಲಯ ಸೇರಿಕೊಂಡಿದ್ದಾರೆ. ಮುಂಬೈಗೆ ಬಂದಿದ್ದ ಅವರನ್ನು ಜನವರಿ 29ರಂದು ಶಾರುಖ್ ಖಾನ್ ಮತ್ತು ಮನೆಯ ಪುಟಾಣಿ ಅಬ್ರಾಮ್ ವಿಮಾನ ನಿಲ್ದಾಣಕ್ಕೆ ಬಿಟ್ಟು ಬಂದಿದ್ದರು. (ಏಜೆನ್ಸೀಸ್)
ಬಿಜೆಪಿ ನಾಯಕನ ಮೇಲೆ ಕಪ್ಪು ಮಸಿ ಸುರಿದ ಶಿವಸೇನೆ ನಾಯಕರು! ಸೀರೆ ತೊಡುವಂತೆ ಮಾಡಿದರು!