ನ್ಯೂಯಾರ್ಕ್: ‘ನಾನು ಕರೊನ ಪರೀಕ್ಷೆ ಮಾಡಿಸಿಕೊಂಡಿದ್ದು, ಕೋವಿಡ್ ಪಾಸಿಟಿವ್ ಎಂಬುದು ದೃಢಪಟ್ಟಿದೆ. ಆದರೆ ಯಾವುದೇ ರೋಗಲಕ್ಷಣಗಳಿಲ್ಲ. ಆದಾಗ್ಯೂ ಮುಂಜಾಗ್ರತೆ ದೃಷ್ಟಿಯಿಂದ ಹೋಂ ಕ್ವಾರಂಟೈನ್ಗೆ ಒಳಗಾಗುತ್ತಿದ್ದೇನೆ..’
– ಕರೊನಾ ಸೋಂಕಿತರಾದ ಹಲವರು ಇತ್ತೀಚೆಗೆ ಹೀಗೆ ಸೋಷಿಯಲ್ ಮೀಡಿಯಾದಲ್ಲಿ ಹೇಳಿಕೊಳ್ಳುತ್ತಿರುವುದು ಸಾಮಾನ್ಯ. ಯಾಕೆ ಸೋಂಕಿದ್ದರೂ ಲಕ್ಷಣಗಳಿಲ್ಲ ಎಂಬ ಈ ಅಂಶದ ಬಗ್ಗೆ ಈಗ ಅಧ್ಯಯನವೊಂದು ಬೆಳಕು ಚೆಲ್ಲಿದೆ.
ಕರೊನಾ ವೈರಸ್ನಲ್ಲಿ ನೋವು ನಿವಾರಕ ಗುಣವಿದೆ. ಆರಂಭಿಕ ಹಂತದಲ್ಲಿ ಸೋಂಕಿತರಲ್ಲಿ ಅನೇಕರು ಆರಾಮವಾಗಿ ಓಡಾಡಿಕೊಂಡಿರುತ್ತಾರೆ. ಏಕೆಂದರೆ ಅವರಲ್ಲಿ ಸೋಂಕಿದ್ದರೂ ಯಾವ ನೋವೂ ಇರುವುದಿಲ್ಲ. ಇದೇ ಕಾರಣಕ್ಕೆ ಕರೊನಾ ಸೋಂಕು ಹೆಚ್ಚಾಗುತ್ತಿರುವುದು ಎಂಬುದಾಗಿ ಅಮೆರಿಕದ ಅರಿಜೋನಾ ಯುನಿವರ್ಸಿಟಿಯ ರಾಜೇಶ್ ಖನ್ನಾ ತಿಳಿಸಿದ್ದಾರೆ.
ವೈರಸ್ನಿಂದಾಗಿ ಸೋಂಕು ಉಂಟಾದರೂ ವೈರಸ್ನ ಸ್ಪೈಕ್ನಲ್ಲಿರುವ ಪ್ರೊಟೀನ್ ಆ ನೋವನ್ನು ಅದುಮಿಡುತ್ತದೆ. ಹೀಗಾಗಿ ಸೋಂಕಿತರಿಗೆ ತಾವು ಚೆನ್ನಾಗಿದ್ದೇವೆ ಎನ್ನುವ ಫೀಲ್ ಇರುತ್ತದೆ. ಹಾಗಂತ ಅವರು ಎಲ್ಲೆಂದರಲ್ಲಿ ಓಡಾಡುವುದರಿಂದ ಸೋಂಕು ಹೆಚ್ಚಾಗುತ್ತದೆ ಎಂಬುದಾಗಿ ಅವರು ಹೇಳಿದ್ದಾರೆ. ಅಂದಹಾಗೆ ಇಂಥದ್ದೊಂದು ಅಧ್ಯಯನ ಪ್ರಕಟವಾಗಿರುವ ಜರ್ನಲ್ ಹೆಸರು ‘ಪೇನ್’. (ಏಜೆನ್ಸೀಸ್)
ಇದನ್ನು ಓದಿ: ಜನವರಿಯಲ್ಲಿ ಸಿಗಲಿದೆ ಕರೊನಾ ಲಸಿಕೆ!