ಎಸ್ಸೆಸ್ಸೆಲ್ಸಿ ಮುಗೀತಿದ್ದಂತೆ ಸಿಎ ಫೌಂಡೇಷನ್ ಕೋರ್ಸ್​ಗೆ ಪ್ರಾವಿಷನಲ್ ಅಡ್ಮಿಷನ್ ಪಡ್ಕೋಬಹುದು..

ನವದೆಹಲಿ: ಹತ್ತನೆ ತರಗತಿ ಪರೀಕ್ಷೆ ಬರೆದ ನಂತರದಲ್ಲಿ ಆಸಕ್ತರು ಚಾರ್ಟರ್ಡ್ ಅಕೌಂಟೆಂಟ್​ (ಸಿಎ) ಫೌಂಡೇಷನ್ ಕೋರ್ಸ್​ಗೆ ಪ್ರಾವಿಷನಲ್ ಅಡ್ಮಿಷನ್ ಪಡೆಯುವುದಕ್ಕೆ ಈಗ ಅವಕಾಶ ಒದಗಿಸಲಾಗಿದೆ ಎಂದು ಇನ್​ಸ್ಟಿಟ್ಯೂಟ್ ಆಫ್​ ಚಾರ್ಟರ್ಡ್ ಅಕೌಂಟಂಟ್ಸ್ ಆಫ್ ಇಂಡಿಯಾ (ಐಸಿಎಐ) ತಿಳಿಸಿದೆ.

ಹೊಸ ನಿಯಮಾವಳಿ ಪ್ರಕಾರ ಈ ಅವಕಾಶ ಒದಗಿಸಲಾಗಿದೆ. ಆದಾಗ್ಯೂ, 12ನೇ ತರಗತಿ ಪರೀಕ್ಷೆ ಉತ್ತೀರ್ಣರಾದ ಬಳಿಕ ಪ್ರಾವಿಷನಲ್ ಅಡ್ಮಿಷನ್​ ಅನ್ನು ರೆಗುಲರೈಸ್ ಮಾಡಬಹುದು. ಈಗಿನ ಕೋರ್ಸ್ ಅವಧಿಗೂ ಆರು ತಿಂಗಳು ಮೊದಲೇ ವಿದ್ಯಾರ್ಥಿಗಳು ಚಾರ್ಟರ್ಡ್ ಅಕೌಂಟಂಟ್ (ಸಿಎ) ಅನಿಸಿಕೊಳ್ಳಬಹುದು.

ಇದನ್ನೂ ಓದಿ: ನ.6ರಿಂದ 8ರವರೆಗೆ ಜೂನಿಯರ್ ಅಥ್ಲೆಟಿಕ್ ಮೀಟ್ : ಅಥ್ಲೆಟಿಕ್ ಅಸೋಸಿಯೇಷನ್ ಆರ್ಥಿಕ ನಿರ್ದೇಶಕ ಮಾಹಿತಿ

ವಿದ್ಯಾರ್ಥಿಗಳು ಹನ್ನೊಂದು ಮತ್ತು ಹನ್ನೆರಡನೇ ತರಗತಿ ಓದುತ್ತಿರುವಾಗಲೇ ಫೌಂಡೇಷನ್ ಕೋರ್ಸ್​ಗೆ ಸಿದ್ಧತೆ ನಡೆಸುವುದಕ್ಕೆ ಈ ಅವಕಾಶ ಸಹಕಾರಿಯಾಗುತ್ತದೆ. ಪ್ರಾವಿಷನಲ್ ಅಡ್ಮಿಷನ್ ಮಾಡಿಸಿಕೊಂಡ ಬಳಿಕ ಕೋರ್ಸ್ ಮಾಡಲು ಸಿದ್ಧರಾಗಬೇಕಾದ ಗಾಂಭೀರ್ಯತೆ ಅವರಲ್ಲಿ ಕಾಣುತ್ತದೆ. ಅಷ್ಟೇ ಅಲ್ಲ, ಅವರೂ ಅಪ್​ ಟು ಡೇಟ್ ಆಗಿರುತ್ತಾರೆ.

ಇದನ್ನೂ ಓದಿ: ಲವ್​ ಜಿಹಾದ್​ ಪೈಶಾಚಿಕ ಮುಖ: ಹೈದರಾಬಾದ್​ನ ರೇನ್​ ಬಜಾರ್​ ಏರಿಯಾದಲ್ಲಿ ಯುವತಿಯೊಬ್ಬ ಶವ ಪತ್ತೆ

ಐಸಿಎಐ ಕೂಡ ಉಚಿತ ಆನ್​ಲೈನ್ ತರಗತಿಯನ್ನು ಒದಗಿಸಲಿದ್ದು, ಅಡ್ಮಿಷನ್ ಮಾಡಿಸಿಕೊಂಡವರು ಯಾವಾಗ ಬೇಕಾದರೂ, ಎಲ್ಲಿಂದ ಬೇಕಾದರೂ ಅದಕ್ಕೆ ಲಾಗಿನ್​ ಆಗಿ ಪಡೆದುಕೊಳ್ಳಬಹುದು. ಹನ್ನರಡನೇ ತರಗತಿ ಪರೀಕ್ಷೆಗೆ ಫೆಬ್ರವರಿ ಅಥವಾ ಮಾರ್ಚ್ ತಿಂಗಳಲ್ಲಿ ಹಾಜರಾದ ಬಳಿಕ, ಫೌಂಡೇಷನ್ ಕೋರ್ಸ್​ ಎಕ್ಸಾಂಗೆ ಮೇ ಅಥವಾ ಜೂನ್​ನಲ್ಲಿ ಹಾಜರಾಗಬಹುದು. (ಏಜೆನ್ಸೀಸ್)

https://www.vijayavani.net/pm-to-address-nation-on-tuesday-evening/