ಬುಧವಾರದ ಷೇರು ಮಾರುಕಟ್ಟೆ ಕುಸಿತದಲ್ಲೂ 20% ಏರಿಕೆ ಕಂಡ ಸ್ಟಾಕ್​ಗಳು: ಗುರುವಾರವೂ ಮುಂದುವರಿಯಬಹುದು ಏರುಪ್ರವೃತ್ತಿ

ಮುಂಬೈ: ಬುಧವಾರ ಭಾರತೀಯ ಷೇರು ಮಾರುಕಟ್ಟೆ ಅಪಾರ ಕುಸಿತ ಕಂಡಿದೆ. ಇದರ ಹೊರತಾಗಿಯೂ ಕೆಲವು ಷೇರುಗಳು ಸಾಕಷ್ಟು ಏರಿಕೆ ದಾಖಲಿಸಿದವು. ಈ ಪೆನ್ನಿ ಸ್ಟಾಕ್‌ಗಳು ಗುರುವಾರಕ್ಕೂ ಬುಲಿಶ್ ಭಾವನೆಗಳನ್ನು ಹೊಂದಿರುವುದು ಕಂಡುಬರುತ್ತಿದೆ.

ಬುಧವಾರ ಮಾರುಕಟ್ಟೆಯಲ್ಲಿ ಭಾರಿ ಕುಸಿತದ ಹೊರತಾಗಿಯೂ, ಕೆಲವು ಪೆನ್ನಿ ಸ್ಟಾಕ್‌ಗಳು ಶೇಕಡಾ 20 ರಷ್ಟು ಏರಿಕೆ ದಾಖಲಿಸುವ ಮೂಲಕ ಗಮನ ಸೆಳೆದಿವೆ. ಈ ಷೇರುಗಳಲ್ಲಿ ಇನ್ನೂ ಬುಲಿಶ್ ಭಾವನೆಗಳಿದ್ದು, ಖರೀದಿದಾರರು ಇವುಗಳಲ್ಲಿ ಸಕ್ರಿಯರಾಗಿದ್ದಾರೆ.

ಬುಧವಾರದ ಮಾರುಕಟ್ಟೆಯಲ್ಲಿ ಏರಿಕೆ ದಾಖಲಿಸಿರುವ ಈ ಷೇರುಗಳು ಗುರುವಾರದ ಮಾರುಕಟ್ಟೆಯಲ್ಲೂ ಲಾಭ ಗಳಿಸಬಹುದು. ಗುರುವಾರದ ಮಾರುಕಟ್ಟೆಯಲ್ಲಿ ಬುಲಿಶ್ ಆಗಿ ಉಳಿಯಬಹುದಾದ ಈ ಷೇರುಗಳತ್ತ ಗಮನಹರಿಸೋಣ.

ನೀಲಾಚಲ ರಿಫ್ರ್ಯಾಕ್ಟರೀಸ್​ (Nilachal Refractories):

ಬುಧವಾರದಂದು ಖರೀದಿಯ ಭಾವನೆಗಳು ಈ ಸ್ಟಾಕ್‌ನಲ್ಲಿ ಪ್ರಾಬಲ್ಯ ಸಾಧಿಸಿದವು. ಹೀಗಾಗಿ, ಈ ಸ್ಟಾಕ್​ 20 ಪ್ರತಿಶತದಷ್ಟು ಹೆಚ್ಚಾಗಿದ್ದು, ರೂ 57.62 ರ ಮಟ್ಟ ಮುಟ್ಟಿತು. ಈ ಸ್ಟಾಕ್‌ನ ಈ ಬುಲಿಶ್‌ನೆಸ್ ಗುರುವಾರವೂ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸಬಹುದು.

ಶಾಂತಲಾ ಎಫ್​ಎಂಸಿಜಿ ಪ್ರೊಡಕ್ಟ್ಸ್​ (Shanthala FMCG Products):

ಬುಧವಾರ ಮಾರುಕಟ್ಟೆಯಲ್ಲಿ ಈ ಸ್ಟಾಕ್‌ನಲ್ಲಿ ಖರೀದಿದಾರರು ಸಾಕಷ್ಟು ಆಸಕ್ತಿಯನ್ನು ತೋರಿಸಿದರು. ಹೀಗಾಗಿ, ಈ ಸ್ಟಾಕ್ ಶೇಕಡಾ 20 ರಷ್ಟು ಹೆಚ್ಚಾಗಿದ್ದು, 99.70 ರೂಪಾಯಿ ತಲುಪಿತು. ಈ ಷೇರು ಗುರುವಾರ ಮಾರುಕಟ್ಟೆಯಲ್ಲೂ ಉತ್ತಮ ಆದಾಯವನ್ನು ನೀಡಬಹುದಾಗಿದೆ.

ವಾಸ್ವಾನಿ ಇಂಡಸ್ಟ್ರೀಸ್ ಲಿಮಿಟೆಡ್ (Vaswani Industries Ltd):

ಬುಧವಾರ ಮಾರುಕಟ್ಟೆಯಲ್ಲಿ ಈ ಸ್ಟಾಕ್‌ನಲ್ಲಿ ಉತ್ತಮ ಸಂಖ್ಯೆಯ ಖರೀದಿದಾರರು ಇದ್ದರು. ಈ ಸ್ಟಾಕ್ ಶೇಕಡಾ 20 ರಷ್ಟು ಏರಿಕೆಯಾದ ನಂತರ ರೂ 55.18 ರ ಮಟ್ಟದಲ್ಲಿ ಕೊನೆಗೊಂಡಿತು. ಗುರುವಾರದ ಮಾರುಕಟ್ಟೆಯಲ್ಲೂ ಈ ಷೇರುಗಳ ಬಿರುಸಿನ ಏರಿಕೆ ಮುಂದುವರಿಯಬಹುದು.

ಧ್ರುವ್ ಕನ್ಸಲ್ಟೆನ್ಸಿ (Dhruv Consultancy);

ಬುಧವಾರದ ಮಾರುಕಟ್ಟೆಯಲ್ಲಿ ಈ ಷೇರುಗಳಲ್ಲಿ ಬುಲ್ಲಿಶ್ ಭಾವನೆಗಳು ಕಂಡುಬಂದಿದ್ದು, ಗುರುವಾರದ ಮಾರುಕಟ್ಟೆಯಲ್ಲೂ ಇದು ಮುಂದುವರಿಯಬಹುದು. ಬುಧವಾರದ ಮಾರುಕಟ್ಟೆಯಲ್ಲಿ ಈ ಷೇರು ರೂ.111.10ರ ಮಟ್ಟದಲ್ಲಿ ಮುಕ್ತಾಯಗೊಂಡಿದ್ದು, ಉತ್ತಮ ಏರಿಕೆ ಕಂಡಿದೆ. ಗುರುವಾರದ ಮಾರುಕಟ್ಟೆಯಲ್ಲೂ ಈ ಷೇರು ಏರಿಕೆ ಕಾಣಬಹುದಾಗಿದೆ.

ಆದಿತ್ಯ ಕನ್ಸೂಮರ್​ ಮಾರ್ಕೆಟಿಂಗ್ (Aditya Consumer Marketing):

ಈ ಸ್ಟಾಕ್ ಬುಧವಾರದ ವಹಿವಾಟಿನಲ್ಲಿ ಖರೀದಿದಾರರಿಂದ ಉತ್ತಮ ಆಸಕ್ತಿಯನ್ನು ಪಡೆದುಕೊಂಡಿತು. ಇದು ರೂ 125.09 ರ ಮಟ್ಟ ಮುಟ್ಟಿತು. ಈ ಷೇರುಗಳಲ್ಲಿನ ಈ ಬುಲಿಶ್ ಟ್ರೆಂಡ್ ಗುರುವಾರವೂ ಮುಂದುವರಿಯಬಹುದು.

https://www.vijayavani.net/stock-market-bloodshed-on-wednesday-investors-lost-rs-6-lakh-in-a-single-day

https://www.vijayavani.net/anil-ambanis-company-stock-fell-from-rs-2700-to-11-why-is-the-delisted-stock-completely-liquidated

https://www.vijayavani.net/petrol-price-is-less-than-3-rupees-in-3-countries-cheaper-than-india-even-in-some-poor-countries