ಐಪಿಎಲ್ ಉದ್ಘಾಟನಾ ಆವೃತ್ತಿ 2008 ರಿಂದ 2010ರವರೆಗೂ ಗಂಗೂಲಿ ಕೆಕೆಆರ್ ನಾಯಕರಾಗಿದ್ದರು. ತಂಡದ ವೈಫಲ್ಯದಿಂದ ಬೇಸತ್ತ ತಂಡದ ಮಾಲೀಕ ಶಾರೂಖ್ ಖಾನ್ ಸೌರವ್ ಗಂಗೂಲಿಯನ್ನು ನಾಯಕತ್ವದಿಂದ ಕೆಳಗಿಳಿಸಿದರು. ಜತೆಗೆ ತಂಡವನ್ನು ದಾದಾ ತೊರೆದರು. ಸ್ಥಳೀಯ ಯೂಟ್ಯೂಬ್ ಚಾನೆಲ್ಗೆ ಸಂದರ್ಶನ ನೀಡಿರುವ ಗಂಗೂಲಿ, 4ನೇ ಆವೃತ್ತಿಯ ವೇಳೆ ಗಂಭೀರ್ ಸಂದರ್ಶನವೊಂದನ್ನು ನೋಡಿದ್ದೆ, ನನಗೆ ತಂಡದ ಸಂಪೂರ್ಣ ಜವಾಬ್ದಾರಿ ನೀಡುವುದಾಗಿ ಶಾರೂಖ್ ಹೇಳಿದ್ದಾರೆ ಎಂದರು. ಇದೇ ಥರದ ಭರವಸೆಯನ್ನು 2008ರಲ್ಲೂ ನನಗೆ ನೀಡಲಾಗಿತ್ತು. ಆದರೆ, ಸಾಧ್ಯವಾಗಿಲ್ಲ. ಮುಂಬೈ, ಸಿಎಸ್ಕೆ ತಂಡಗಳಲ್ಲಿ ಅಂಥ ವ್ಯವಸ್ಥೆ ಇಲ್ಲ. ತಂಡದ ಆಯ್ಕೆಯನ್ನು ನಾಯಕನಿಗೆ ವಹಿಸಲಾಗುತ್ತದೆ ಎಂದು ಗಂಗೂಲಿ ಶಾರೂಖ್ ಮೇಲಿನ ಅಸಮಾಧಾನವನ್ನು ಹೊರಹಾಕಿದರು.
