ಮುಂಬೈ: ಲಾಕ್ಡೌನ್ ಸಮಯದಲ್ಲಿ ಬಾಲಿವುಡ್ ನಟ ಸೋನು ಸೂದ್ ಕೋಟ್ಯಂತರ ಭಾರತೀಯರ ಮೆಚ್ಚುಗೆಗೆ ಪಾತ್ರವಾಗಿದ್ದರು. ಸಾಕಷ್ಟು ಮಂದಿಯ ನೆರವಿಗೆ ಧಾವಿಸಿ, ಕೈಲಾದ ಸಹಾಯ ಮಾಡಿದ್ದರು. ಆ ಕಾರ್ಯವನ್ನು ಪರಿಗಣಿಸಿ ಅವರಿಗೆ ಜಾಗತಿಕ ಮಟ್ಟದ ಶ್ರೇಷ್ಠ ಪುರಸ್ಕಾರವೊಂದು ಲಭಿಸಿದೆ.
ಇದನ್ನೂ ಓದಿ: ರಿಯಾ ಚಕ್ರವರ್ತಿ ಕುರಿತು ಬಯೋಪಿಕ್?
ಸೋನು ಸೂದ್ ಅವರ ಮಾನವೀಯತೆ ಕಾರ್ಯವನ್ನು ಗುರುತಿಸಿರುವ ವಿಶ್ವಸಂಸ್ಥೆ ಪ್ರತಿಷ್ಠಿತ ‘ವಿಶೇಷ ಮಾನವೀಯತೆ ಆ್ಯಕ್ಷನ್’ ಅವಾರ್ಡ್ ನೀಡಿ ಗೌರವಿಸಿದೆ. ವಿಶ್ವಸಂಸ್ಥೆಯ ಅಭಿವೃದ್ಧಿ ಕಾರ್ಯಕ್ರಮದ ಪ್ರತಿಷ್ಠಿತ ಎಸ್‌ಡಿಜಿ (ವಿಶೇಷ ಮಾನವೀಯ ಕ್ರಿಯಾ) ಪ್ರಶಸ್ತಿ ಇದಾಗಿದೆ.
.@UNDP statement on award to Mr. Sonu Sood. pic.twitter.com/DelxHJcjaj
— UNDP India (@UNDP_India) September 29, 2020
ಸೆ. 29ರಂದು ನಡೆದ ವರ್ಚುವಲ್ ಕಾರ್ಯಕ್ರಮದಲ್ಲಿ ಅವಾರ್ಡ್ ಪಡೆದು ಮಾತನಾಡಿದ ಸೋನು, ‘ಇದೊಂದು ವಿರಳಾತಿ ವಿರಳ ಪ್ರಶಸ್ತಿ. ವಿಶ್ವಸಂಸ್ಥೆ ಗುರುತಿಸಿದ್ದು ಖುಷಿಯ ಸಂಗತಿ. ನಾನು ಏನು ಮಾಡಿದ್ದೇನೋ ಅದೆಲ್ಲವನ್ನು ನನ್ನ ಮನಃಪೂರ್ವಕವಾಗಿ ಖುಷಿಯಿಂದ ಮಾಡಿದ್ದೇನೆ. ಆ ಕಾರ್ಯ ಗುರುತಿಸಿ ಪುರಸ್ಕರಿಸಿದ್ದಕ್ಕೆ ಧನ್ಯವಾದಗಳು ಎಂದು ಸೋನು ಹೇಳಿಕೊಂಡಿದ್ದಾರೆ.
Thank u so much for your encouraging words @priyankachopra .You are an inspiration for millions.. and I am one of them. Keep motivating the world because you are our true hero. Loads of love 💓 🙏 https://t.co/fapGxV6DC3
— sonu sood (@SonuSood) September 30, 2020
ಇದನ್ನೂ ಓದಿ: ಇದ್ರಲ್ಲಿದೆ ಏನೋ ವಿಶೇಷ: ಮನರಂಜನಾ ಲೋಕಕ್ಕೆ ಸೇರ್ಪಡೆ ದಂಗಲ್ ಕನ್ನಡ
ಅಂದಹಾಗೆ ಈ ಪ್ರಶಸ್ತಿಯನ್ನು ಈ ಮೊದಲು ಲಿಯೋನಾರ್ಡೋ ಡಿಕಾಪ್ರಿಯೋ, ಏಂಜಲಿನಾ ಜೂಲಿ, ಪ್ರಿಯಾಂಕಾ ಚೋಪ್ರಾ ಸಹ ಪಡೆದುಕೊಂಡಿದ್ದರು. (ಏಜೆನ್ಸೀಸ್)