ದೆಹಲಿ: ಲಾಕ್ ಡೌನ್ ಹಿನ್ನೆಲೆಯಲ್ಲಿ ಸದ್ಯ ಪತ್ನಿ ಹಾಗೂ ಮಗನೊಂದಿಗೆ ದುಬೈನಲ್ಲೇ ಉಳಿದಿರುವ ಬಾಲಿವುಡ್ನ ಖ್ಯಾತ ಗಾಯಕ ಸೋನು ನಿಗಮ್ ಅವರು 2017ರಲ್ಲಿ ಮಾಡಿದ್ದ ಟ್ವೀಟ್ ಅನ್ನು ಪುನಾರವರ್ತಿಸಿ ನೆಟ್ಟಿಗರು ಅದನ್ನು ಟ್ರೋಲ್ ಮಾಡಿ ಅವರ ಕಾಲೆಳೆಯುತ್ತಿದ್ದಾರೆ.
ದುಬೈಗೆ ತೆರಳಿದ್ದ ಸೋನು ನಿಗಮ್ ಕುಟುಂಬ ಲಾಕ್ಡೌನ್ ಹಿನ್ನೆಲೆಯಲ್ಲಿ ಸದಸ್ಯ ದುಬೈನಲ್ಲಿ ಇದೆ. ಅವರ ತಂದೆ ಹಾಗೂ ಸಹೋದರಿ ಮುಂಬೈನಲ್ಲಿ ಇದ್ದಾರೆ. 2017ರ ಏಪ್ರಿಲ್ 17ರಂದು ಟ್ವೀಟ್ ಮಾಡಿದ ಅವರು ಅಜಾನ್ ಕೂಗುವುದರಿಂದ ಮುಸ್ಲಿಂ ಅಲ್ಲದವರಿಗೆ ತೊಂದರೆಯಾಗುತ್ತದೆ. ಮೈಕ್ನ ಕೆಟ್ಟ ಧ್ವನಿಯಿಂದ ಬಹುತೇಕ ಮಂದಿಯ ನಿದ್ದೆ ಹಾಳಾಗುತ್ತದೆ. ಅಜಾನ್ ಕೂಗುವುದರಿಂದ ಎಲ್ಲರೂ ಎಚ್ಚರಗೊಳ್ಳುತ್ತಾರೆ. ದೇಶದಲ್ಲಿ ಇರುವ ಬಲವಂತ ಧಾರ್ಮಿಕ ಪ್ರವೃತ್ತಿ ಇದು ಎಂದು ಟ್ವೀಟ್ ಮಾಡಿದ್ದರು. ಇದು ವಿವಾದಕ್ಕೆ ತಿರುಗಿತ್ತು.
ಈ ಹಳೆಯ ಟ್ವೀಟ್ನ ಸ್ಕ್ರೀನ್ ಶಾಟ್ ಅನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿ ಕೆಲವರು ಸೋನು ನಿಗಮ್ ಅವರ ಕಾಲೆಳೆಯುತ್ತಿದ್ದಾರೆ. (ಏಜೆನ್ಸೀಸ್)