ಮುಂಬೈ: ಅವಕಾಶ ಸಿಕ್ಕಾಗಲೆಲ್ಲಾ ಸಲ್ಮಾನ್ ಖಾನ್ ವಿರುದ್ಧ ಹರಿಹಾಯುತ್ತಲೇ ಇರುತ್ತಾರೆ, ಸಲ್ಮಾನ್ನ ಮಾಜಿ ಗೆಳತಿ ಮತ್ತು ನಟಿ ಸೋಮಿ ಅಲಿ. ಕೆಲವು ದಿನಗಳ ಹಿಂದಷ್ಟೇ, ‘ನೀನು ಬೇಕಾದರೆ ಭಾರತದಲ್ಲಿ ನನ್ನ ಪ್ರದರ್ಶನಗಳನ್ನು ಬ್ಯಾನ್ ಮಾಡಿಸು ಅಥವಾ ನನ್ನ ಮೇಲೆ ಕೇಸ್ ಹಾಕಿಸು. ನಾನು ಕೇರ್ ಮಾಡುವುದಿಲ್ಲ. ನನ್ನನ್ನು ಪಾರು ಮಾಡುವುದಕ್ಕೆ 50 ಲಾಯರ್ಗಳಿದ್ದಾರೆ’ ಎಂದು ಹೇಳಿಕೊಂಡಿದ್ದರು.
ಇದನ್ನೂ ಓದಿ: ಹಿಟ್ ಸಿನಿಮಾ ಮಾಡಿದ್ರೂ ಹಣ ಕಳೆದುಕೊಂಡೆ ಎಂದ ಖ್ಯಾತ ಹಿಂದಿ ಚಿತ್ರ ನಿರ್ಮಾಪಕ..!
ಈಗ ಸಲ್ಮಾನ್ ವಿರುದ್ಧ ಸೋಮಿ ಅಲಿ ಪುನಃ ಮಾತನಾಡಿದ್ದಾರೆ. ಆತನ ಜತೆಗಿದ್ದ ಎಂಟು ವರ್ಷಗಳು, ತಮ್ಮ ಪಾಲಿಗೆ ಕರಾಳವಾಗಿತ್ತು ಎಂದು ಹೇಳಿಕೊಂಡಿದ್ದಾರೆ. ಇತ್ತೀಚೆಗೆ ಇನ್ಸ್ಟಾಗ್ರಾಂನಲ್ಲಿ ಅಭಿಮಾನಿಯೊಬ್ಬರು ಕೇಳಿದ ಪ್ರಶ್ನೆಗೆ ಉತ್ತರಿಸಿರುವ ಅವರು, ಸಲ್ಮಾನ್ ತನಗೆ ಕೊಟ್ಟ ಕಾಟದ ಬಗ್ಗೆ ಸಾಕಷ್ಟು ವಿಷಯಗಳನ್ನು ಹೇಳಿಕೊಂಡಿದ್ದಾರೆ.
‘ಸಲ್ಮಾನ್ ಜತೆಗೆ ಕಳೆದ ಎಂಟು ವರ್ಷಗಳು ನನ್ನ ಇಡೀ ಜೀವನದ ಕೆಟ್ಟ ದಿನಗಳು. ಆತನಿಗಿದ್ದ ಹಲವು ಅಫೇರ್ಗಳ ಮಧ್ಯೆ, ಆತ ನನ್ನನ್ನು ಬಹಳ ಕೆಟ್ಟದಾಗಿ ನಡೆಸಿಕೊಳ್ಳುತ್ತಿದ್ದ. ಅಷ್ಟೇ ಅಲ್ಲ, ನಾನು ದಡ್ಡಿ, ಕುರೂಪಿ ಎಂದೆಲ್ಲ ಕರೆಯುತ್ತಿದ್ದ. ಪ್ರತಿ ದಿನ ನನ್ನನ್ನು ಹೀಯಾಳಿಸುತ್ತಿದ್ದ. ನನನ್ನು ಎಲ್ಲರೆದುರು ಅವಮಾನಿಸುತ್ತಿದ್ದ. ನಾನು ಅವನ ಗರ್ಲ್ಫ್ರೆಂಡ್ ಎಂದು ಎಲ್ಲೂ ಹೇಳುತ್ತಿರಲಿಲ್ಲ. ಅಥವಾ ಒಪ್ಪಿಕೊಳ್ಳುತ್ತಿರಲಿಲ್ಲ. ಕೊನೆಗೂ ಒಪ್ಪಿಕೊಂಡ ಮೇಲೆ ತನ್ನ ಸ್ನೇಹಿತರ ಎದುರು ಅವಮಾನಿಸುತ್ತಿದ್ದ. ಅವನ ಈ ನಡತೆಯಿಂದ ಬೇಸತ್ತು, ಬೇರೆಯವರ ಜತೆಗೆ ಬೆರೆಯುವುದಕ್ಕೆ ಪ್ರಾರಂಭಿಸಿದೆ. ನನ್ನನ್ನು ಇಷ್ಟಪಡುವ ಮತ್ತು ಪ್ರೀತಿಸುವ ಜನರಿಗಾಗಿ ಹುಡುಕಾಡಿದೆ. ಆದರೆ, ನನಗೆ ಅಂಥವರು ಸಿಗಲೇ ಇಲ್ಲ. ನನಗೆ ಸಿಕ್ಕವರೆಲ್ಲ ನನ್ನನ್ನು ಬಳಸಿಕೊಂಡರೆ ಹೊರತು, ಪ್ರೀತಿಯಿಂದ ನೋಡಿಕೊಳ್ಳಲೇ ಇಲ್ಲ. ಕೊನೆಗೆ ಒಂದು ದಿನ ನನ್ನ ಅಫೇರ್ಗಳ ಬಗ್ಗೆ ಸಲ್ಮಾನ್ಗೆ ಗೊತ್ತಾಯಿತು. ನನಗೆ ಚೆನ್ನಾಗಿ ಹೊಡೆದಿದ್ದಷ್ಟೇ ಅಲ್ಲ, ಗಂಡಸರಿಗೆ ಮಾತ್ರ ಅಫೇರ್ ಇಟ್ಟುಕೊಳ್ಳುವ ಹಕ್ಕಿದೆಯೇ ಹೊರತು ಹೆಂಗಸರಿಗಿಲ್ಲ. ಆತನ ಮಾತು ಕೇಳಿ ನನಗೆ ಆಘಾತವಾಗಿತ್ತು’ ಎಂದು ಹೇಳಿದ್ದರು.
ಇದನ್ನೂ ಓದಿ: ಯಕ್ಷಗಾನ ಥ್ರಿಲ್ಲರ್ ಯಾನ; ವಿಜಯವಾಣಿ ಸಿನಿಮಾ ವಿಮರ್ಶೆ
ಒಂದು ಕಾಲಕ್ಕೆ ಸಲ್ಮಾನ್ ಖಾನ್ ಗೆಳತಿಯಾಗಬೇಕು ಎಂದು ಭಾರತಕ್ಕೆ ಬಂದಿದ್ದ ಸೋಮಿ, ಆ ನಂತರ ಸಲ್ಮಾನ್ಗೆ ಹತ್ತಿರವಾಗಿ, ಅವರಿಂದ ಸಾಕಷ್ಟು ನೋವು ತಿಂದು ಸದ್ದಿಲ್ಲದೆ ಅದೆಲ್ಲಿಗೋ ಮಾಯವಾಗಿದ್ದರು. ಇತ್ತೀಚಿನ ವರ್ಷಗಳಲ್ಲಿ ಪುನಃ ವಾಪಸ್ಸಾಗಿರುವ ಸೋಮಿ, ಅವಕಾಶ ಸಿಕ್ಕಾಗಲೆಲ್ಲ ಸಲ್ಮಾನ್ ವಿರದ್ಧ ಹರಿಹಾಯುತ್ತಲೇ ಇದ್ದಾರೆ.
ತಾಯಿಯಾಗ್ತಿದ್ದಾರಾ ಕತ್ರೀನಾ ಕೈಫ್? ಅಭಿಮಾನಿಗಳಲ್ಲಿ ಹೆಚ್ಚಿದ ಕುತೂಹಲ …