ಒಂದು ಕಡೆ 5 ವರ್ಷಗಳ ನಂತರ ರಿಲೀಸ್ ಆದ ಎಸ್.ಎಸ್.ರಾಜಮೌಳಿ ಅವರ ಸಿನಿಮಾ ‘RRR’. ಮತ್ತೊಂದು ಕಡೆ ಹಿಂದಿ ಚಿತ್ರ ‘ದಿ ಕಾಶ್ಮೀರ್ ಫೈಲ್ಸ್‘ನ ಅಬ್ಬರ ಆರ್ಭಟ. ಇವುಗಳ ನಡುವೆ ಅಪ್ಪು ಅವರು ಕೊನೆಯ ಬಾರಿ ಹೀರೋ ಆಗಿ ನಟಿಸಿರುವ ‘ಜೇಮ್ಸ್‘ ಸಿನಿಮಾ. ರಾಜ್ಯದಲ್ಲಿ ಬಹುತೇಕ ಎಲ್ಲಾ ಥಿಯೇಟರ್ಗಳಲ್ಲಿ ‘RRR’ ಮತ್ತು ‘ದಿ ಕಾಶ್ಮೀರ್ ಫೈಲ್ಸ್‘ ಚಿತ್ರಗಳ ಪ್ರದರ್ಶನ ನಡೆಯುತ್ತಿದೆ. ಇನ್ನು, ಈ ಸಿನಿಮಾಗಳ ಜತೆಗೆ ಅಪ್ಪು ಅವರು ಕೊನೆಯ ಬಾರಿ ಹೀರೋ ಆಗಿ ನಟಿಸಿರುವ ಕಾರಣ ‘ಜೇಮ್ಸ್‘ ಚಿತ್ರಕ್ಕೆ ಚೂರು ಆಧ್ಯತೆ ನೀಡಲಾಗಿದೆ. ಆದರೆ, ಈ ಸಿನಿಮಾಗಳ ನಡುವೆ ನಮ್ಮ ಬೇರೆ ಕನ್ನಡ ಸಿನಿಮಾಗಳಿಗೆ ಸ್ಕ್ರೀನ್ಗಳೇ ಇಲ್ಲದಂತಾಗಿದೆ.
ಹೌದು, ಸಿನಿಮಾ ಹಾಲ್ಗಳಲ್ಲಿ ದೊಡ್ಡ ಬಜೆಟ್ ಸಿನಿಮಾಗಳದ್ದೇ ಆಳ್ವಿಕೆ ಎಂದರೆ ತಪ್ಪಾಗುವುದಿಲ್ಲ. ಈಗಾಗಲೇ, ಕನ್ನಡದ ‘ಹರೀಶ್ ವಯಸ್ಸು 36′ ಸಿನಿಮಾಗೆ ಸ್ಕ್ರೀನ್ಗಳು ಇಲ್ಲ ಎಂಬ ಮಾತನ್ನು ಸ್ವತಃ ಆ ಸಿನಿಮಾದ ನಿರ್ದೇಶಕರ ಬಾಯಿಂದ ಇಡೀ ರಾಜ್ಯದ ಜನತೆ ಕೇಳಿದ್ದಾರೆ. ಇದೀಗ, ಏಪ್ರಿಲ್ 1 ರಂದು ಬಿಡುಗಡೆಯಾಗಬೇಕಿದ್ದ ಕನ್ನಡ ಚಿತ್ರ ‘ತ್ರಿಕೋನ‘ ಚಿತ್ರ ಬಿಡುಗಡೆಯನ್ನು, ಚಿತ್ರಮಂದಿರಗಳು ಲಭ್ಯವಿಲ್ಲದ ಕಾರಣ ಏಪ್ರಿಲ್ 8 ಕ್ಕೆ ಮುಂದೂಡಲಾಗಿದೆ. ಇದಿಷ್ಟೇ ಅಲ್ಲ, ಏಪ್ರಿಲ್ 1 ಕ್ಕೆ ರಿಲೀಸ್ ಆಗಲಿರುವ ದಿವಂಗತ ನಟ ಸಂಚಾರಿ ವಿಜಯ್ ಅವರ ಕೊನೆಯ ‘ತಲೆದಂಡ‘ ಸಿನಿಮಾದ ಬಿಡುಗಡೆಯನ್ನು ಕೂಡಾ ಮುಂದೂಡುವ ಯೋಚನೆಯನ್ನು ಈ ಚಿತ್ರತಂಡ ಮಾಡುತ್ತಿದೆ ಎಂಬ ಮಾಹಿತಿ ಇದೆ.
ಹೆಚ್ಚು ಕಡಿಮೆ 500 ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ‘RRR’ ಪ್ರದರ್ಶನ ನಡೆಯುತ್ತಿದೆ. 300 ಕ್ಕೂ ಹೆಚ್ಚು ಥಿಯೇಟರ್ಗಳಲ್ಲಿ ‘ಜೇಮ್ಸ್‘ ಅಬ್ಬರವಿದೆ. ಇನ್ನು, 200 ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ‘ದಿ ಕಾಶ್ಮೀರ್ ಫೈಲ್ಸ್‘ ಸಿನಿಮಾಗೆ ಆಧ್ಯತೆ ನೀಡಲಾಗಿದೆ. ಹೀಗಿರುವಾಗ, ಬೇರೆ ಸಣ್ಣ ಮತ್ತು ಕನ್ನಡದ ಸಿನಿಮಾಗಳಿಗೆ ಚಿತ್ರಮಂದಿರಗಳ ಕೊರತೆ ಸಹಜ ಎಂದೇ ಹೇಳಬೇಕು. ಈ ಸಮಸ್ಯೆಗೆ ಪರಿಹಾರವೇ ಇಲ್ಲದಂತೆ ಆಗಿದೆ. ದೊಡ್ಡ ಬಜೆಟ್ನ ಯಾವ ಸಿನಿಮಾ ರಿಲೀಸ್ ಆದರೂ, ಅದರಿಂದ ಹೊಡೆತ ಬೀಳುವುದು ಮಾತ್ರ ಸಣ್ಣ ಬಜೆಟ್ನ ಸಿನಿಮಾಗಳಿಗೆ.
ನನ್ನ ಪತಿಯ ಸಿನಿಮಾ ಅಂತ ಹೊಗಳ್ತಿಲ್ಲ… ರಿಲೀಸ್ಗೂ ಮುನ್ನ ‘ಕೆಜಿಎಫ್ 2’ ನೋಡಿದ ರಾಧಿಕಾ ಹೇಳಿದ್ದೇನು?