ದಿನಾಂಕ ಬದಲಾವಣೆ ಬಳಿಕ ಭಾರತ-ಶ್ರೀಲಂಕಾ ಕ್ರಿಕೆಟ್ ಸರಣಿಯ ಸಮಯವೂ ಬದಲು

ಕೊಲಂಬೊ: ಕರೊನಾ ಹಾವಳಿಯಿಂದಾಗಿ ಭಾರತ ಮತ್ತು ಆತಿಥೇಯ ಶ್ರೀಲಂಕಾ ನಡುವಿನ ಸೀಮಿತ ಓವರ್ ಕ್ರಿಕೆಟ್ ಸರಣಿಯ ಪಂದ್ಯಗಳ ದಿನಾಂಕ ಬದಲಾವಣೆಯಾದ ಬೆನ್ನಲ್ಲೇ ಇದೀಗ ಸಮಯವನ್ನೂ ಬದಲಾವಣೆ ಮಾಡಲಾಗಿದೆ.

ಭಾನುವಾರದಿಂದ ನಡೆಯಲಿರುವ 3 ಪಂದ್ಯಗಳ ಏಕದಿನ ಸರಣಿ ಮಧ್ಯಾಹ್ನ 2.30ಕ್ಕೆ ಬದಲಾಗಿ 3 ಗಂಟೆಗೆ ಆರಂಭಗೊಳ್ಳಲಿದೆ. ಜುಲೈ 25ರಿಂದ ನಡೆಯಲಿರುವ 3 ಪಂದ್ಯಗಳ ಟಿ20 ಸರಣಿ ರಾತ್ರಿ 7 ಗಂಟೆಗೆ ಬದಲಾಗಿ 8 ಗಂಟೆಗೆ ಆರಂಭಗೊಳ್ಳಲಿದೆ. ಪ್ರವಾಸದ ಎಲ್ಲ 6 ಪಂದ್ಯಗಳು ಕೊಲಂಬೊದ ಆರ್. ಪ್ರೇಮದಾಸ ಕ್ರೀಡಾಂಗಣದಲ್ಲಿ ನಡೆಯಲಿವೆ. ಪಂದ್ಯಗಳು ಸೋನಿ ನೆಟ್‌ವರ್ಕ್‌ನಲ್ಲಿ ನೇರಪ್ರಸಾರ ಕಾಣಲಿವೆ.

#SLvIND pic.twitter.com/LQSJT5tDmM

— Sri Lanka Cricket 🇱🇰 (@OfficialSLC) July 12, 2021

ಇದನ್ನೂ ಓದಿ: ಶ್ರೀಲಂಕಾಕ್ಕೆ ಡೆಲ್ಟಾ ಪೆಟ್ಟು; ಕೊನೇಕ್ಷಣದಲ್ಲಿ ಭಾರತ ತಂಡದ ಸರಣಿ ವೇಳಾಪಟ್ಟಿ ಬದಲು

ಧವನ್ ಪಡೆ ಕಠಿಣ ಅಭ್ಯಾಸ
ಲಂಕಾ ವಿರುದ್ಧದ ಸರಣಿ 5 ದಿನಗಳಿಗೆ ಮುಂದೂಡಿಕೆಯಾಗಿರುವ ನಡುವೆ ಶಿಖರ್ ಧವನ್ ಸಾರಥ್ಯದ ಭಾರತ ತಂಡ ಕೊಲಂಬೊದಲ್ಲಿ ಕಠಿಣ ಅಭ್ಯಾಸ ಮುಂದುವರಿಸಿದೆ. ತಂಡದ ತರಬೇತಿ ಅವಧಿಯ ವಿಡಿಯೋವನ್ನು ಬಿಸಿಸಿಐ ಟ್ವಿಟರ್‌ನಲ್ಲಿ ಪ್ರಕಟಿಸಿದೆ. ಮತ್ತೊಂದೆಡೆ ಲಂಕಾ ಕ್ರಿಕೆಟಿಗರು ಸೋಮವಾರ ಸರಣಿಯ ಬಯೋಬಬಲ್ ಪ್ರವೇಶಿಸಿದ್ದು, ಮಂಗಳವಾರದಿಂದ ಅಭ್ಯಾಸ ನಡೆಸುವ ನಿರೀಕ್ಷೆ ಇದೆ.

Prep & More Prep 🤜🤛
Batting 🔥
Bowling 💪
Fielding ⚡️#TeamIndia in the groove for the Sri Lanka series 👌 👍 #SLvIND pic.twitter.com/JBoyrlx8l1

— BCCI (@BCCI) July 12, 2021

ಬೇಬಿ ವಮಿಕಾ ಜೊತೆ ವಿರುಷ್ಕಾ ದಂಪತಿಯ ಪಿಕ್​ನಿಕ್!