ಬೆಂಗಳೂರು: ಸ್ಟ್ರೆಚರ್ನಲ್ಲಿ ರೋಗಿ ಇದ್ದಾನೆಂದರೆ ಆತನ ಪರಿಸ್ಥಿತಿ ಗಂಭೀರವಾಗಿದೆ ಎಂದೇ ಅರ್ಥ. ಅಂಥ ರೋಗಿಯೊಬ್ಬನನ್ನು ಕರೆದೊಯ್ಯುವಾಗ ಅರ್ಧ ಸ್ಟ್ರೆಚರ್ ಹೊರಗೆ ಇರುವಾಗಲೇ ಲಿಫ್ಟ್ ಕೆಳಕ್ಕೆ ಹೋದರೆ ಹೇಗಾಗಬೇಡ?!
– ಅಂಥದ್ದೊಂದು ಭೀಕರ ಘಟನೆ ನಡೆದೇ ಹೋಗಿದ್ದು, ಆ ಕುರಿತ ವಿಡಿಯೋ ಕೂಡ ವೈರಲ್ ಆಗಿದೆ. ಆಸ್ಪತ್ರೆಯೊಂದರಲ್ಲಿ ಸಿಬ್ಬಂದಿ ರೋಗಿಯನ್ನು ಸ್ಟ್ರೆಚರ್ನಲ್ಲಿ ಮಲಗಿಸಿಕೊಂಡು ಮತ್ತೊಂದು ಕಡೆಗೆ ಆತನನ್ನು ಕರೆದೊಯ್ಯುತ್ತಿದ್ದರು.
ಈ ಮಧ್ಯೆ ಒಂದು ಕಡೆ ಲಿಫ್ಟ್ನಲ್ಲಿ ಹೋಗಬೇಕಾದಾಗ ಅಲ್ಲಿ ಅರ್ಧ ಸ್ಟ್ರೆಚರ್ ಹೊರಗಿರುವಾಗಲೇ ರೋಗಿ ಹಾಗೂ ಒಳಗಿದ್ದ ಸಿಬ್ಬಂದಿಯೊಬ್ಬನ ಸಹಿತ ಲಿಫ್ಟ್ ಕೆಳಕ್ಕೆ ಹೋಗಿದೆ. ಸ್ಟ್ರೆಚರನ್ನು ಪೂರ್ತಿ ಒಳಗೆ ತಳ್ಳಬೇಕು ಎನ್ನುವಷ್ಟರಲ್ಲಿ ಲಿಫ್ಟ್ ಕೆಳಕ್ಕೆ ಇಳಿದಿದ್ದಲ್ಲದೆ ಬಾಗಿಲು ಮುಚ್ಚಿಕೊಂಡಿದ್ದರಿಂದ ಅದು ಅಲ್ಲೇ ಸಿಕ್ಕಿಕೊಂಡಿದೆ. ಮಾತ್ರವಲ್ಲ ಲಿಫ್ಟ್ ಒಳಗೆ ಪೇಷಂಟ್ ಕೆಳಕ್ಕೆ ಬಿದ್ದಿದ್ದಾನೆ.
ಹೀಗೆ ಒಳ-ಹೊರಗಿನ ಎರಡೂ ಸಿಸಿಟಿವಿ ಕ್ಯಾಮರಾದಲ್ಲಿ ವಿಡಿಯೋ ಸೆರೆಯಾಗಿದ್ದು, ಆ ವಿಡಿಯೋವನ್ನು ವ್ಯಕ್ತಿಯೊಬ್ಬರು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ. ಇದು ವೈರಲ್ ಆಗಿದ್ದು, ಲಕ್ಷಗಟ್ಟಲೆ ಜನರು ಇದನ್ನು ವೀಕ್ಷಿಸಿದ್ದಾರೆ. ಆದರೆ ಈ ಘಟನೆ ಎಲ್ಲಿ ನಡೆದಿದ್ದು ಎಂಬ ಬಗ್ಗೆ ಖಚಿತ ಮಾಹಿತಿ ಸಿಕ್ಕಿಲ್ಲ.
https://twitter.com/BornAKang/status/1607218575957282817?s=20&t=D7GoR6EuXde9uWXcEBRYLQ
20 ಕೋಟಿ ರೂ. ಮೋಸ ಮಾಡಿದ್ದ ಮಹಾವಂಚಕಿಯ ಬಂಧನ; ಮಾತಲ್ಲೇ ಮರುಳು ಮಾಡುವ ಚಾಲಾಕಿಯಿಂದ 40 ಮಂದಿಗೆ ಧೋಖಾ
ಪ್ರವಾಸಕ್ಕೆ ಬಂದಿದ್ದ ಇಂಜಿನಿಯರಿಂಗ್ ವಿದ್ಯಾರ್ಥಿನಿಯ ಮೇಲೆ ಅತ್ಯಾಚಾರ; ಟಿಟಿ ಡ್ರೈವರ್ ಅರೆಸ್ಟ್