ಮುಂಬೈ: ಬಾಲಿವುಡ್ನಲ್ಲಿ ಸಾಲು ಸಾಲು ಸಿನಿಮಾಗಳು ನೆಲಕಚ್ಚುತ್ತಿವೆ. ಯಶ್ ರಾಜ್ ಸಂಸ್ಥೆಯಡಿ ನಿರ್ಮಾಣವಾದ ನಾಲ್ಕೂ ಸಿನಿಮಾಗಳು ತೀರ ಕಳಪೆ ಪ್ರದರ್ಶನ ಕಂಡಿವೆ. ಈ ವರ್ಷ ಬಿಡುಗಡೆಯಾದ ಸತತ 4 ಸಿನಿಮಾಗಳು ಸೋಲು ಕಂಡಿವೆ.
ಭಾರೀ ನಿರೀಕ್ಷೆ ಹುಟ್ಟಿಸಿದ್ದ ರಣಬೀರ್ ಕಪೂರ್ ನಟನೆಯ ಶಂಶೇರಾ ಚಿತ್ರ ಬಿಡುಗಡೆಯಾದ ಮೊದಲ ದಿನವೇ ನೀರಸ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು, ನೂರಾರು ಕೋಟಿ ರೂ.ಖರ್ಚು ಮಾಡಿ ನಿರ್ಮಾಣ ಮಾಡಿರುವ ಈ ಚಿತ್ರ ಮೊದಲ ದಿನ ಕೇವಲ 10ಕೋಟಿ ರೂ.ಗಳಿಕೆ ಕಂಡಿದೆ.ನಂತರದ ದಿನದಲ್ಲೂ ಸುಧಾರಣೆಯಾಗಲಿಲ್ಲ, ಸದ್ಯ ಯಶ್ ರಾಜ್ ಬ್ಯಾನರ್ ಅಡಿ ನಿರ್ಮಾಣವಾದ 4ನೇ ಸಿನಿಮಾ ಇದಾಗಿದ್ದು, ಇದೂ ಕೂಡ ಅದೇ ಸಾಲಿಗೆ ಸೇರ್ಪಡೆಯಾಗುತ್ತಿದೆ.
ಬಂಟಿ ಔರ್ ಬಬ್ಲಿ 2, ಸಾಮ್ರಾಟ್ ಪೃಥ್ವಿರಾಜ್, ಜಯೆಶಾಭಾಯಿ ಜೋರ್ದಾರ್, ನಂತರ ಇದೀಗ ಶಂಶೇರಾ ಕೂಡ ಇದೇ ಹಾದಿಯನ್ನು ಹಿಡಿದಿದೆ. ಯಶ್ ರಾಜ್ ಚಿತ್ರಗಳೆಂದರೆ ಅದು ದಾಖಲೆ ಮಟ್ಟದಲ್ಲಿ ಗಳಿಕೆ ಕಾಣುವ ಚಿತ್ರ ಎಂದೇ ಹೇಳಲಾಗಿತ್ತು. ಆದರೀಗ ಕಾಲ ಬದಲಾಗಿದೆ, ಜನರು ಬಾಲಿವುಡ್ ಸಿನಿಮಾಗಳತ್ತ ಹೆಚ್ಚು ಆಸಕ್ತಿ ತೋರುತ್ತಿಲ್ಲ ಎಂಬುದು ಮತ್ತೆ ಸಾಬೀತಾಗಿದೆ. (ಏಜೆನ್ಸೀಸ್)
ನನ್ನ ಜೀವನದಲ್ಲಿ ಶೇ.10ರಷ್ಟು ನೆಮ್ಮದಿ ಉಳಿಯಲಿಲ್ಲ: ಅಚ್ಚರಿ ಹೇಳಿಕೆ ನೀಡಿದ ಸೂಪರ್ ಸ್ಟಾರ್ ರಜನಿಕಾಂತ್!
ಹೊಲದಲ್ಲಿ ಕೆಲಸ ಮಾಡುತ್ತಿದ್ದವರ ಬಳಿಯೇ ಬಿತ್ತು ವಿಂಡ್ ಪವರ್ ಫ್ಯಾನ್: ತಪ್ಪಿತು ಭಾರೀ ದುರಂತ!